وسىدان ءۇش جىل بۇرىن جانارماي قۇيۋ ستانسالارى (جمقس) جەلىسىنە جاڭا مەنشىك يەسى يە بولدى. ناقتى ايتساق, «PetroRetail» جشس ونى «قازمۇنايگازدان» ساتىپ الىپ, جەلىنى تولىعىمەن جاڭعىرتۋ, ەل بويىنشا ۇلگىلى ەتۋدى ءوز الدىنا ماقسات ەتىپ قويدى.
2020 جىلدىڭ باسىنان بەرى كومپانيا 200 جاڭا Qazaq Oil جمقس-ىن قايتادان ىسكە قوستى. وسىلايشا, بۇگىنگى كۇنى «قازمۇنايگاز» جمقس برەندىمەن جۇمىس ىستەپ كەلە جاتقانداردى قوسا العاندا, جەلىدەگى جانارماي قۇيۋ ستانسالارىنىڭ سانى 381-گە جەتتى. 2023 جىلدىڭ سوڭىنا دەيىن كومپانيا ءوزىنىڭ بارلىق جانار-جاعارماي قۇيۋ ستانسالارىن جاڭعىرتۋدى اياقتاۋدى جوسپارلاپ وتىر. سونداي-اق جەلى ەلىمىزدىڭ ءىرى قالالارىمەن قاتار شاعىن ەلدى مەكەندەردى دە قامتىعان.
مەملەكەتتىك جەكەشەلەندىرۋ باعدارلاماسى اياسىندا اكتيۆتى ساتىپ الۋ پروتسەستىڭ بارلىق قاتىسۋشىسىنا پايدالى بولعانىن اتاپ وتكەن ءجون. جمقس جەلىسىن ساتۋدان 163 ملن اقش دوللارىنان استام مولشەردە قوماقتى سوما العان مەملەكەت ۇتتى. «قازمۇنايگاز» ۇك دا ۇتتى. تۇتىنۋشىلار دا ۇتتى: ولار كولىكتەرىنە ساپالى جانارماي قۇيىپ, كەڭ اسسورتيمەنتتەگى تۇتىنۋ تاۋارلارىن ساتىپ الۋ مۇمكىندىگىنە يە بولدى. مەملەكەتتىك بيۋدجەتكە سالىق تۇسىمدەرى دە ايتارلىقتاي ۇلعايدى. ەگەر 2019 جىلى ولار شامامەن 400 ملن تەڭگەنى قۇراسا, 2021 جىلدىڭ قورىتىندىسى بويىنشا كومپانيا 9 ميلليارد تەڭگەدەن استام قارجى تولەدى. جۇمىسكەرلەر سانى 3200-دەن 4500 قىزمەتكەرگە دەيىن كوبەيدى. ولاردىڭ جالاقىسى 3 جىلدا 57 پايىزعا كوتەرىلدى.
البەتتە, قمگ برەندى – بەدەلدى, تانىمال برەند. الايدا كومپانيا ءوز اتاۋى بولۋىن قالادى. ءسويتىپ, جانارماي قۇيۋ ستانسالارىن Qazaq Oil دەپ اتاۋ تۋرالى شەشىم قابىلداندى. ءبىر جاعىنان, بۇل باستاۋعا ورالۋ: قمگ Qazaq Oil جەلىسىن دامىتۋدان باستالعان بولاتىن. ەكىنشى جاعىنان, بۇل ەلدىڭ ءوزىنىڭ ۇلتتىق جمقس جەلىسى بولۋىنا ۇمتىلىس.
جاڭا برەندپەن العاشقى جانارماي قۇيۋ ستانساسى 2020 جىلدىڭ قاراشا ايىندا استانادا اشىلدى, ال وتكەن جىلدىڭ قىركۇيەگىنە قاراي ولاردىڭ سانى 100-گە جەتتى. وسى وقيعادان تۋرا ءبىر جىل وتكەن سوڭ Qazaq Oil تاعى 100 جانارماي قۇيۋ ستانساسىن اشتى. وسىلايشا, جاڭا جانارماي ستانسالارىنىڭ سانى 200-گە جەتتى. ءسويتىپ, جاقىندا سەمەيدە ەكى ءجۇزىنشى جانارماي قۇيۋ ستانساسى ىسكە قوسىلدى.
وسى ورايدا ءبىر شاعىن جانارماي قۇيۋ ستانساسىنىڭ رەبرەندينگىنە 200 ملن تەڭگەگە دەيىن قاراجات قاجەت ەكەنىن ايتا كەتكەن ءجون. ەكى جىل ىشىندە زاەم جانە ءوز قاراجاتى ەسەبىنەن كومپانيا بۇل ىسكە 39,2 ملرد تەڭگە ينۆەستيتسيالادى.
كومپانيانىڭ بيزنەستى دامىتۋ ستراتەگياسى قاتتى وزگەرىسكە ۇشىرادى – جمقس كادىمگى جانار-جاعارماي قۇيۋ ستانساسى بولۋدان قالدى. ول جىلى دا جايلى ءدامحانانى, تەگىن سىمسىز جەلىسى بار الاڭدى جانە ۇيگە ارنالعان تاۋارلاردىڭ ۇلكەن اسسورتيمەنتى بار دۇكەندى بىلدىرەدى. كليەنت قاي جانار-جاعارماي قۇيۋ ستانساسىندا بولسا دا, كوفە, حوت-دوگ, سەندۆيچ, كرۋاسسان, سۇزبەلى قۇيماق ساتىپ الا الادى – Qazaq Oil-ءدىڭ ءوزىنىڭ Q-cafe ساۋدا ماركاسى بار. جانارماي قۇيۋ كەشەنى الىس جولدا جۇرەتىن جۇك كولىكتەرىنىڭ جۇرگىزۋشىلەرىن, تۋريستەردى, اۆتوكولىك جۇرگىزۋشىلەرىن قىزىقتىراتىن ورىنعا اينالدى.
جانارماي قۇيۋ ستانسالارىنىڭ گەوگرافياسى دا كەڭىدى. ولار بۇرىن ەشتەڭە بولماعان جەرلەردە دە پايدا بولدى. مىسالى, ىرعىز كەنتىندەگى شىمكەنت-سامارا, باتىس ەۋروپا-باتىس قىتاي تاسجولدارى بويىندا, دوسسور, رۋدنىي, شەتپە, ارال, سارىاعاش, جايساڭ جانە ت.ب. ەلدى مەكەندەردە.
سونىمەن قاتار Qazaq Oil تۇجىرىمداماسىنىڭ ءبىرى – ۇلتتىق بىرەگەيلىككە ۇمتىلۋ, ياعني قازاقستاننىڭ ءتۇرلى قالالارىنداعى جانار-جاعارماي قۇيۋ ستانسالارى ۇلتتىق برەند رەتىندە قالىپتاسۋدا. مىسالى, ششۋچينسكىدەگى جمقس ۇلتتىق كيىمدەگى قىز بەينەلەنگەن ادەمى مۋرالمەن بەزەندىرىلگەن. جانارماي قۇيۋ ستانسالارىن بەزەندىرۋ ءۇشىن قازاقستاندىق سۋرەتشىلەر تارتىلۋدا.
سونداي-اق كومپانيا سپورتتىق جانە قايىرىمدىلىق باستامالارىن بەلسەندى قولداپ كەلەدى. مىسالى, Qazaq Oil – اتاقتى قازاقستاندىق بوكسشى دانيار ەلەۋسىنوۆ پەن قازاقستاننىڭ ۇستەل تەننيسى فەدەراتسياسىنىڭ دەمەۋشىلەرىنىڭ ءبىرى. كومپانيا قوستاناي وبلىسىندا بولعان ءىرى ءورتتى جويۋ ءۇشىن تەگىن ديزەل وتىنىن ءبولدى, سونىمەن قاتار وسى قايعىلى وقيعا سالدارىنان زارداپ شەككەندەرگە 50 ملن تەڭگە مولشەرىندە قارجىلىق كومەك كورسەتتى.
