تريلوگيانى تىكەلەي ەفيردە كورسەتكەن DAZN ستريمينگتىك پلاتفورماسىنىڭ مالىمەتى بويىنشا, دۇنيە ءجۇزىنىڭ 1,06 ملن بوكس جانكۇيەرى گولوۆكين-الۆارەس ايقاسىن اقىلى نەگىزدە تاماشالاعان. دەگەنمەن بۇل كورسەتكىش الدىڭعى ەكى جەكپە-جەكتىڭ ناتيجەسىمەن سالىستىرعاندا از بولىپ تۇر. ماسەلەن, 2017 جىلى ۇيىمداستىرىلعان ءبىرىنشى جەكپە-جەك 1,3 ملن اقىلى ساتىلىم (PPV) جيناعان بولسا, ەكىنشى كەزدەسۋدە 1,1 ملن جانكۇيەر ترانسلياتسيانى ساتىپ العان.
ايتا كەتۋ كەرەك, ءبىرىنشى جەكپە-جەكتىڭ ترانسلياتسيا قۇنى – 70 اقش دوللارى بولسا, ەكىنشى جانە ءۇشىنشى كەزدەسۋدىڭ اقىسى – 85 اقش دوللارى بولعان. ءبىر اپتا بۇرىن اقش-تىڭ لاس-ۆەگاس قالاسىنداعى T-Mobile Arena سپورت كەشەنىندە وتكەن تريلوگيادا مەكسيكالىق ساۋل الۆارەس تورەشىلەردىڭ ءبىراۋىز شەشىمىمەن (116:112, 115:113, 115:113) جەڭىسكە جەتكەن-ءدى.
