رەسپۋبليكالىق «100 ۇزدىك دارىندى وقۋشى» اتتى بايقاۋعا قاتىسىپ, ءى ورىندى جەڭىپ العان نۇرداۋلەتتىڭ ەڭبەگى كىتاپقا ەنگىزىلگەن. «جاس قالامگەر» بايقاۋىندا ولەڭدەرى ۇزدىك دەپ تانىلىپ, ارنايى مەدالمەن ماراپاتتالدى. حالىقارالىق ALASH STAR ونەر بايقاۋىندا ارناۋ نوميناتسياسىمەن جۇلدەگەر اتانىپ, ءى دارەجەلى ديپلوم يەگەرى اتاندى. سونداي-اق پاندىك وليمپيادالارعا قاتىسىپ, جۇلدەلى ورىننان كورىندى. جاس اقىننىڭ ءبىر ارمانى ءوز شىعارمالارىن كىتاپ ەتىپ باسىپ شىعارۋ ەدى. نۇرداۋلەت ءوز وي-جوسپارلارىمەن بولىسكىسى كەلەتىنىن ءبىلدىرىپ, تولە بي اۋدانىنىڭ اكىمى تولەگەن تەلعاراەۆتىڭ الەۋمەتتىك جەلىدەگى جەكە پاراقشاسىنا حات جازادى. ولەڭ جولدارىنان ءۇزىندىنى قوسا جىبەرىپتى, قويار ساۋالى بار ەكەنىن دە جاسىرماعان.
جۋىردا ءجاسوسپىرىمنىڭ تىلەگىن جەردە قالدىرماعان اۋدان باسشىسى ديحانكول ەلدى مەكەنىنىڭ تۇرعىنى, 11-سىنىپ وقۋشىسى نۇرداۋلەت دۇيسەنبەكتى ارنايى ىزدەپ بارىپ اڭگىمەلەستى. جاس اقىن اۋدان اكىمىمەن بولعان كەزدەسۋدە ءوزىنىڭ سياسى كەپپەگەن, ەش جەردە جاريالانباعان ولەڭدەرىن وقىپ بەردى. جاستاردىڭ بويىنا پاتريوتتىق سەزىم ۇيالاتۋ ماقساتىندا جازعان شىعارمالارىمەن تانىستىردى. تولە بي اۋدانىنىڭ 90 جىلدىق مەرەيتويىنا ارناعان جىر شۋماقتارىن جاتقا وقىدى. دۇنيەتانىمى, وي-ءورىسى كەڭ ءجاسوسپىرىم ءوزىنىڭ جۋرناليست ماماندىعىن تاڭداعانىن ايتىپ, باق بەتتەرىنە تولعاندىرىپ جۇرگەن تاقىرىپتى ارقاۋ ەتە ماقالالار جاريالاپ جۇرگەنىن دە جەتكىزدى. اۋدان باسشىسىنا شىعارمالارىن كىتاپ ەتىپ باسىپ شىعارۋدى ارمان ەتىپ جۇرگەنىن ايتىپ, كومەك سۇرادى. تولەگەن تۇرتاي ۇلى ءجاسوسپىرىمنىڭ اتا-اناسىمەن سويلەسىپ, ونىڭ ولەڭدەرى مەن ماقالالارىن جيناقتاۋىن ءوتىندى. شىعارمالارىن كىتاپ ەتىپ باسىپ شىعارۋعا ىقپال ەتۋگە ۋادە بەردى. جاس اقىنعا باتىرلار جىرى جازىلعان كىتاپ پەن ونىڭ اۋديو نۇسقالارىن سىيعا تارتتى.گالىمجا
سونداي-اق اۋدان اكىمى وڭىردەگى جەتەكشى اقپارات قۇرالدارىندا جەمىستى ەڭبەك ەتىپ كەلە جاتقان, ءتۇپ-تامىرىن ىزدەسەڭ وسى تابيعاتى تاماشا تاۋلى ايماقتان تۇلەپ ۇشقان جۋرناليستەرمەن ەركىن فورماتتا كەزدەسۋ وتكىزدى. اۋداننىڭ 90 جىلدىعى اياسىندا وتكەن كەزدەسۋدە ايماقتىڭ قازىرگى دامۋ بارىسى, الداعى باعىت-باعدارى باياندالدى. قالامگەر قاۋىمىن ەمەن-جارقىن پىكىر الماسۋعا شاقىردى. بۇل باسقوسۋعا تولە بي اۋدانىنان تۇلەپ ۇشقان جۋرناليستەرمەن بىرگە كۇللى قازاق جۇرتىنىڭ ءاربىر ءوڭىرى ارداقتاۋعا ابدەن لايىق, ەلگە ورتاق نار تۇلعالى قالامگەرلەر – بيىل 70 جاسقا تولعان جازۋشى سەرىك ءجانابىل مەن اسقارالى 60 جاسقا تولعان جۋرناليست باقتيار تايجان مارتەبەلى مەيمان رەتىندە ارنايى شاقىرىلعان بولاتىن. ەل قۇرمەتىنە بولەنگەن ازاماتتارعا اۋدان اكىمى تولەگەن تۇرتاي ۇلى قۇتتىقتاۋ حاتىن تاپسىرىپ, يىقتارىنا شاپان جاپتى. اۋداندىق ارداگەرلەر كەڭەسىنىڭ توراعاسى ءاتىرحان شىڭعىسباەۆ اتالىق اق تىلەگىن ارنادى. قازاقستان جۋرناليستەر وداعى مەن جازۋشىلار وداعىنىڭ تۇركىستان وبلىستىق فيليالدارى توراعالارى مەرەيتوي يەلەرىنە ارنايى سىي-سياپات جاسادى. كەزدەسۋدەن كەيىن سەرىك ءجانابىل مەن باقتيار تايجان وقىرماندارمەن, جاستارمەن جۇزدەسىپ, شەبەرلىك ساعاتىن وتكىزدى.
تۇركىستان وبلىسى
