زەرتتەۋدىڭ نەگىزگى ماقساتى – پرەزيدەنت قاسىم-جومارت توقاەۆتىڭ قىركۇيەكتەگى جولداۋىندا ايتىلعان باستامالارىنا قازاقستاندىقتاردىڭ كوزقاراسىن انىقتاۋ. قاراشادا كەزەكتەن تىس پرەزيدەنتتىك سايلاۋ وتكىزىلەتىنى بەلگىلى. وسى ورايدا رەسپوندەنتتەر سايلاۋعا قاتىستى پىكىرلەرىن ءبىلدىردى.
ساۋالناماعا قاتىسقانداردىڭ 77,68 پايىزى بۇل ۇسىنىستى قولداسا, 8,77 پايىزى قارسى پىكىر ءبىلدىردى. تاعى 13,55 پايىزى ءوز تاڭداۋىن جاساماعان.
كونستيتۋتسياعا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمنان كەيىن ەلىمىزدە قانداي وزگەرىستەر بولدى دەگەن سۇراققا رەسپوندەنتتەردىڭ باسىم كوپشىلىگى (71,83%) قوعامداعى وڭ وزگەرىستەردى سەزىنەتىنىن اتاپ ءوتتى. زەرتتەۋگە قاتىسۋشىلاردىڭ 4,34 پايىزى جاعدايدىڭ ناشارلاعانىن ايتتى. قازاقستاندىقتاردىڭ تورتتەن ءبىر بولىگىنەن ازى (23,83%) ەشقانداي وزگەرىس بولعان جوق دەپ ەسەپتەيدى.
ساۋالناماعا ەلىمىزدىڭ 20 وڭىرىندەگى 18 جانە ودان جوعارى جاستاعى 1200 قازاقستاندىق قاتىستى. زەرتتەۋ جۇمىسى ەل تۇرعىندارىنىڭ الەۋمەتتىك-دەموگرافيالىق ەرەكشەلىكتەرىن ەسكەرە وتىرىپ قۇراستىرىلدى.
