دارىگەردىڭ ءومىرى ءۇشىن ءۇش كۇن كۇرەستى بىراق بۇگىن ول قايتىس بولدى. ايدانا امانتايقىزى يماشەۆانىڭ ارتىندا ءۇش بالاسى مەن كۇيەۋى قالدى.
«قاراعاندى وبلىسىنىڭ دەنساۋلىق ساقتاۋ باسقارماسىنىڭ ۇجىمى «جەزقازعان مەديتسينالىق ورتالىعى» جشس مەدبيكەسى يماشەۆا ايدانا امانتايقىزىنىڭ تۋعان-تۋىستارى مەن جاقىندارىنا قايعىلارىنا ورتاقتاسىپ كوڭىل ايتادى. ول دا ارىپتەستەرى سياقتى وسىدان بىرنەشە كۇن بۇرىن اقتوعاي اۋدانىندا جول اپاتىنان زارداپ شەكتى. دارىگەرلەر ونىڭ ءومىرى ءۇشىن كۇرەستى, بىراق بۇگىن, 22 قىركۇيەكتە ول كوز جۇمدى. ايدانا امانتايقىزى ءومىرىنىڭ كوپ بولىگىن مەدبيكە ىسىنە ارنادى. ونىڭ كاسىپقويلىعى مەن اكۋشەرلىك شەبەرلىگى مەتاللۋرگيالىق كومبينات جۇمىسشىلارىنىڭ وننان استام پەرزەنتىن دۇنيەگە اكەلدى. ارتىندا كۇيەۋى مەن ءۇش بالاسى قالدى. ايدانا امانتايقىزى العىس بىلدىرگەن ەمدەلۋشىلەر مەن مەديتسينا ارىپتەستەرىنىڭ جادىندا ماڭگى ساقتالادى», دەپ حابارلادى قاراعاندى وبلىسىنىڭ دەنساۋلىق ساقتاۋ باسقارماسىنان.
بۇدان بۇرىن, جول-كولىك اپاتىنان بالقاش قالاسىنداعى «جەزقازعان مەديتسينالىق ورتالىعى» جشس ەمحاناسىنىڭ 2 دارىگەرى قازا بولىپ, 8 مەديتسينا قىزمەتكەرى زارداپ شەكتى. دارىگەرلەر بالقاش قالاسىنداعى «قازاقمىس» كومپانياسىنىڭ جۇمىسشىلارىن پروفيلاكتيكالىق قاراپ-تەكسەرۋدەن قايتىپ كەلە جاتقان بولاتىن. ولار مىنگەن اۆتوبۋس ماز ماركالى جۇك كولىگىمەن سوقتىعىسىپ, جول اپاتىنا ۇشىراعانىن حابارلاعان ەدىك.
