قۇجاتقا سايكەس, اسسامبلەيا قازاقستاندا مادەنيەتتەردىڭ, تىلدەردىڭ, حالىق داستۇرلەرىنىڭ الۋان تۇرلىلىگىن مويىنداي وتىرىپ, ينتەگراتسيالانعان ازاماتتىق قاۋىمداستىقتى ودان ءارى نىعايتۋعا ىقپال ەتەدى, ەلدىڭ دامۋ باسىمدىقتارى اينالاسىندا قوعامنىڭ توپتاسۋى مەن بىرلىگىنە ىقپال ەتەدى.
سونداي-اق قحا بۇدان ءارى دە ازاماتتىق بىرەگەيلىكتى قالىپتاستىرۋدىڭ جانە قوعامدىق كەلىسىمنىڭ كونستيتۋتسيالىق قاعيداتىن ىسكە اسىرۋدىڭ نەگىزگى تەتىگى, مەملەكەت پەن ازاماتتىق قوعامنىڭ ۇنقاتىسۋ الاڭى بولادى.
«تۇجىرىمداما ءبىرىنشى كەزەكتە اسسامبلەيانىڭ قازاقستان قوعامىنداعى بەيبىتشىلىك پەن كەلىسىم ساياساتىن قامتاماسىز ەتۋدىڭ نەگىزگى يدەولوگيالىق تەتىكتەرىنىڭ ءبىرى رەتىندە جۇمىس ىستەۋىن قامتاماسىز ەتۋگە ارنالعان», دەلىنگەن قۇجاتتا.
تۇجىرىمداما ەتنوستاردىڭ كىرىگۋى, قازاقستاندىق بىرەگەيلىك پەن جالپىۇلتتىق بىرلىكتى دامىتۋ, قوعامدا بەيبىتشىلىك پەن كەلىسىمدى قامتاماسىز ەتۋ سالالارىندا قوعامدا مەملەكەتتىك ساياسات قاعيداتتارىن ءتۇسىندىرۋ جانە ىسكە اسىرۋ بويىنشا جۇيەلى جۇمىستى ۇيىمداستىرۋعا باعىتتالعان.
«ەتنوسارالىق قاتىناستار سالاسىن ودان ءارى دامىتۋدى اسسامبلەيانىڭ بارلىق ينستيتۋتتارىن جان-جاقتى جاڭعىرتۋ, سونداي-اق ولاردىڭ قازاقستاندىق قوعامنىڭ رۋحاني جاڭارۋىنا بەلسەندى قاتىسۋى ارقىلى قوعامدىق كەلىسىم مەن جالپىۇلتتىق بىرلىكتى نىعايتۋداعى قحا ءرولىن كۇشەيتۋ تۇرعىسىنان جۇزەگە اسىرۋ جوسپارلانۋدا», دەلىنگەن قۇجاتتا.
قازاقستان حالقى اسسامبلەياسىنىڭ نەگىزگى قاعيداتتارى:
- ادامنىڭ جانە ازاماتتىڭ قۇقىقتارى مەن بوستاندىقتارىنىڭ باسىمدىعى;
- حالىق پەن مەملەكەت مۇددەلەرىنىڭ باسىمدىعى
- شىعۋ تەگىنە, الەۋمەتتىك, لاۋازىمدىق جانە م ۇلىكتىك جاعدايىنا, جىنىسىنا, ناسىلىنە, ۇلتىنا, تىلىنە, دىنگە كوزقاراسىنا, نانىمىنا, تۇرعىلىقتى جەرىنە بايلانىستى نەمەسە كەز كەلگەن وزگە جاعداياتتار بويىنشا قانداي دا ءبىر كەمسىتۋشىلىككە جول بەرمەۋ.
اتاپ وتىلگەندەي, بۇل قاعيداتتار ەتنوسارالىق سالاداعى مەملەكەتتىك ساياساتتىڭ جالپى قاعيداتتارىنا سايكەس كەلەدى جانە كەلەسى ەرەجەلەرمەن تولىقتىرىلادى:
- ازاماتتىق قوعام مەن مەملەكەتتىڭ سەنىمى مەن ءوزارا ءىس-قيمىلىنا نەگىزدەلگەن قازاقستاندىق پاتريوتيزم;
- مەملەكەتتىك ءتىلدىڭ بىرىكتىرۋشى ءرولى;
- ۇلتتى ۇدايى جاڭعىرتۋ, «ارالۋاندىقتاعى بىرلىك» يدەياسىن دامىتۋ جانە ساياسي ويلاۋدىڭ جاڭا فورمالارىن ەنگىزۋ;
- بارلىق ەتنيكالىق توپتاردىڭ ورتاق قۇندىلىقتارى مەن مۇددەلەرىنە نەگىزدەلگەن ينتەركۋلتۋراليزم.
قۇجاتتى ىسكە اسىرۋدىڭ باستى ناتيجەلەرى اسسامبلەيا ينستيتۋتىن ودان ءارى دامىتۋ, تابىستى جاڭعىرتۋدىڭ جانە مەملەكەت دامۋىنىڭ ستراتەگيالىق مىندەتتەرىنە قول جەتكىزۋدىڭ نەگىزگى فاكتورلارى رەتىندە قوعامدىق كەلىسىم مەن جالپىۇلتتىق بىرلىكتى نىعايتۋ ءۇشىن قولايلى جاعدايلار جاساۋ بولۋى ءتيىس دەپ كۇتىلۋدە.
