ءبىلىم • 22 قىركۇيەك، 2022

بۇل مەكتەپ وزگەلەردەن وزگەرەك

458 رەت كورسەتىلدى

مۇنايلى شاھارداعى تالقايراڭ شاعىن اۋدانىندا 900 وقۋشىعا ارنالعان جاڭا مەكتەپتىڭ قۇرىلىسى باستالدى. ەكى جىلدان سوڭ پايدالانۋعا بەرىلەتىن بۇل ءبىلىم ورداسىنىڭ ادەتتەگى مەكتەپكە ۇقسامايتىن ەرەكشەلىگى كوپ.

جاڭا مەكتەپتىڭ قۇرىلىسىن سالۋ ءۇشىن 3 گەكتار جەر تەلىمى بولىنگەن. ال ەرەكشەلىگىنە توق­تال­ساق، ءبىلىم وشاعىندا ءۇش بلوك جوسپارلانىپ وتىر. ءبىرىنشى بلوكتا 1-4 سىنىپ، ەكىنشى بلوكتا 5-9 سىنىپ، ءۇشىنشى بلوكتا 10-11 سىنىپ وقۋشىلارى ءبىلىم الادى دەپ كۇتىلۋدە. ءبىلىم ورداسىندا 210 ورىندىق ءماجىلىس زالى، 312 ورىندىق اسحانا، ەكى سپورت زال مەن ەكى كىتاپحانا، مەديتسينالىق بەكەت بولادى. ال ارقايسىسى 25 وقۋشىعا ارنالعان 36 سىنىپ كابينەتى زاماناۋي ۇلگىدە جاساقتالادى.

– مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا «ورتا ءبىلىمنىڭ ساپاسى – تابىستى ۇلت بولۋدىڭ تاعى ءبىر ماڭىزدى شارتى. ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس. جالپى، مەكتەپ سالۋ ۇكىمەت جانە اكىمدىكتەر ءۇشىن باستى مىندەتتىڭ ءبىرى بولۋى كەرەك» دەگەن ەدى. ءبىز وسى مىندەتتى جۇزەگە اسىرۋ ءۇشىن تاعى ءبىر جاڭا ءبىلىم وشاعىنىڭ ىرگەتاسىن قالادىق. باستى مىندەتىمىز – قۇرىلىس جۇمىستارىنىڭ مەرزىمىندە ساپالى اتقارىلۋىنا قول جەتكىزۋ. ەل بولاشاعى – ءبىلىمدى ۇرپاق دەگەن قاعيداعا سۇيەنسەك، بۇل ءىس – سول جولعا جۇمسالعان ينۆەستيتسيا، – دەيدى وبلىس اكىمى سەرىك شاپكەنوۆ.

مەكتەپتىڭ سىرتقى اۋماعى اباتتاندىرىلىپ، فۋتبول الاڭى، جۇگىرۋ جولى، سپورتتىق ترەناجەر، تەننيس كورتى مەن ۆولەيبول الاڭى بار ستاديون سالۋ جوسپارلانىپ وتىر. سونداي-اق العاشقى اس­كەري دايىندىق ساباعىنا ار­نالعان كەڭىستىك جاسالادى. ءبىلىم ورداسىنا وقۋشىلاردى تا­سى­مالدايتىن اۆتوبۋس پەن جەكە، ونىڭ ىشىندە مۇمكىندىگى شەك­تەۋ­لى ادامداردىڭ كولىكتەرى ءۇشىن اۆتوتۇراق اشىلادى.

 

اتىراۋ وبلىسى

سوڭعى جاڭالىقتار

ۇقساس جاڭالىقتار