ءمامس جۇيەسىن جەتىلدىرۋدىڭ ماڭىزى

سالانى ودان ءارى دامىتۋ ءۇشىن مەملەكەت باسشىسىنىڭ تاپسىرمالارىن ەسكەرە وتىرىپ, مەديتسينالىق كومەكتى قارجىلاندىرۋدىڭ جاڭا تاسىلدەرى ۇسىنىلادى. بريفينگتە امسق باسشىسى مەديتسينالىق ساق­تاندىرۋ جۇيەسى مەديتسينالىق كو­مەك­كە مەملەكەتتىك جانە جەكە شى­عىنداردىڭ جەتكىلىكسىزدىگىنە باي­لا­نىس­تى دەنساۋلىق ساقتاۋ سالا­سى­نىڭ قار­جىلىق تاۋەكەلدەرىن جويۋ ءۇشىن ەنگىزىلگەنىن اتاپ ءوتتى.

ء«مامس جۇيەسىن ەنگىزۋ ارقىلى كەلەسى ماقساتتار كوزدەلگەن: مەديتسي­نا­لىق قىزمەتتەردى قارجىلاندىرۋ كولەمىن ارتتىرۋ, حالىقتىڭ قالتا شىعىندارىن ازايتۋ, حالىققا مەدي­تسينالىق قىزمەتتەردىڭ قولجە­تىم­دى­لىگىن قامتاماسىز ەتۋ, مەديتسينا قىز­مەتكەرلەرىنىڭ جالاقىسىن ارت­­تىرۋ, مەديتسينالىق ۇيىمدار ارا­سىندا باسەكەلەستىكتى ارتتىرۋ, امبۋ­­لاتوريالىق ءدارى-دارمەكپەن قام­تاماسىز ەتۋ تىزبەسىن كەڭەيتۋ. مىن­دەتتى الەۋمەتتىك مەديتسينالىق ساق­تاندىرۋ جۇيەسى ەنگىزىلگەن 2,5 جىلدا ايتارلىقتاي ناتيجەلەرگە قول جەتكىزىلدى», دەپ اتاپ ءوتتى ا.اشۋەۆ.

ونىڭ ايتۋىنشا, ءمامس جۇيەسىن ەنگىزگەلى جەتىلدىرۋگە اقشا جەتپەگەن مەديتسينالىق كومەك تۇرلەرى قوسىمشا قارجىلاندىرىلدى. قىز­مەت كورسەتەتىن مەديتسينالىق ۇيىم­دار­دىڭ سانى ارتتى, ولاردىڭ كوبى (52%) – جەكە كلينيكالار.

«ۇزاق ۋاقىتتان بەرى العاش رەت مەدي­تسينا قىزمەتكەرلەرىنىڭ جا­لا­­قىسىن جىل سايىن جوسپارلى تۇر­دە ارتتىرۋ جۇرگىزىلىپ جات­قا­نىن ەرەك­­شە اتاپ وتكىم كەلەدى. نا­تي­جە­سىن­دە, دارىگەرلەردىڭ ورتاشا جا­لا­قىسى 189 مىڭ تەڭگەدەن 415 مىڭعا دەيىن, ال ورتا مەديتسينالىق پەر­سونال­دىڭ جالاقىسى 120 مىڭنان 230 مىڭ تەڭگەگە دەيىن ءوستى. حالىقتى ءمامس جۇيەسىنە تارتۋ جونىندەگى ۆەدومس­تۆو­­ارالىق جۇ­مىستىڭ ماڭىز­دى­لى­عى زور. ول جەر­گىلىكتى اتقارۋشى ورگاندارمەن, مەملەكەتتىك اۋماقتىق بولىم­شە­لەرىمەن جانە ىشكى ىستەر مي­­نيس­ترلىگىمەن, مەديتسينالىق ۇيىم­­دار­مەن بىرلەسىپ وتكىزىلۋى كەرەك. قور بارلىق كوممۋنيكاتسيا ارنا­لا­رى بويىنشا حالىقپەن كەرى باي­لانىسقا ەرەكشە كوڭىل بولەدى. جەتى ايدا بىرىڭعاي مەديتسينالىق اقپا­رات­تىق call-ورتالىققا 460 مىڭ ءوتى­نىش كەلىپ ءتۇستى. وتىنىشتەردىڭ 93%-ى – كەڭەس بەرۋ سيپاتىنداعى ما­سە­لەلەر. وتىنىشتەردىڭ قۇرىلىمى مە­دي­تسينالىق كومەكتىڭ ساپاسىنا جانە دەنساۋلىق ساقتاۋدىڭ باسقا دا ماسەلەلەرىنە قاناعاتتانباۋدىڭ بارلىق جاعدايلارى بويىنشا ازاماتتار شۇعىل شارالار قابىلداۋ ءۇشىن ءبىزدىڭ قورعا شاعىم جولدايتىنىن كورسەتەدى. بىزگە 7 ايدىڭ ىشىندە 13 مىڭنان استام شاعىم ءتۇستى (وتىنىشتەردىڭ جالپى سانىنىڭ 3%)», دەدى الەۋمەتتىك مەديتسينالىق ساقتاندىرۋ قورىنىڭ باسقارما تورا­عا­سى.

ونىڭ ايتۋىنشا, ەڭ ءجيى كەزدە­سە­تىنى – مەديتسينا قىز­مەت­كەر­لەرىنە ەمحانا دەڭگەيىندە مەديتسينالىق كومەك كورسەتپەۋ تۋرالى شاعىمدار. مەديتسينا قىزمەتكەرىنىڭ ەمحانا دەڭ­گەيىندە مەديتسينالىق كومەك كور­سەت­پەۋى – 26%, ساپاسىز مەدي­تسي­نالىق كومەك كورسەتۋ – 23%, كدق (ونىڭ ىشىندە پروفيلدىك دارى­گەر­لەردىڭ كەڭەسى, كت, مرت جانە ت.ب.) ۇزاق ۋاقىت كۇتۋ – 8,4%. ەگ­جەي-تەگجەي قاراۋدى تالاپ ەتەتىن شاعىمدار بويىنشا قور ماماندارى ەكونوميكالىق ىقپال ەتۋ شارالارىن قولدانا وتىرىپ, جوسپاردان تىس مونيتورينگ جۇرگىزۋگە شە­شىم قابىلدايدى. ۇيىمدارعا كورسەتىلگەن مەديتسينالىق قىزمەت­تەر ءۇشىن اقى تولەۋ مەديتسينالىق قىزمەتتەردىڭ ساپاسى مەن كولەمىنە مونيتورينگ جۇرگىزىلگەننەن كەيىن عانا جۇزەگە اسىرىلادى. اعىمداعى جىلدىڭ 7 ايىنىڭ قورىتىندىسى بويىنشا قور مەديتسينالىق ۇيىم­دار­عا قاتىستى 11,8 ملرد تەڭگە سوماسىنا 882,6 مىڭنان استام كەمشىلىكتى انىقتادى.

قور باسشىسى ءمامس جۇيەسى جۇمىستارىن جەتىلدىرۋ بويىنشا جوس­پارلارىن ايتتى. قور جۇيە­نىڭ باسقا قاتىسۋشىلارىمەن – ۋاكىلەتتى ورگان دەنساۋلىق ساقتاۋ مينيسترلىگىمەن, ستراتەگيالىق جوسپارلاۋ جانە رەفورمالار جونىندەگى اگەنتتىگىمەن, سونداي-اق وڭىرلىك دەنساۋلىق ساق­تاۋ باسقار­مالارىمەن جانە تىكە­لەي مەديتسينالىق ۇيىمدارمەن بىرلەسىپ, مەديتسينالىق ساقتاندىرۋ جۇيە­سىن­دەگى پروبلەمالاردى شەشۋدىڭ جاڭا تۇجىرىمدامالىق تاسىلدەرىن ازىر­لەۋ­دە.

ايدىن اشۋەۆ اتاپ وتكەندەي, پروتسەستەردىڭ اشىقتىعىن قامتا­ماسىز ەتۋ ءۇشىن قور دەپەرسونا­لي­زا­تسيا­لانعان ايقاسپالى جانە تولاسسىز مونيتورينگ جۇرگىزۋدى كوزدەيتىن اقپاراتتىق جۇيەنى ازىرلەدى جانە سىناقتان وتكىزۋدە.

«بۇل, الدىمەن, سىبايلاس جەم­قورلىق تاۋەكەلدەرىن جويادى. ەكىن­شىدەن, ساراپشىعا مەديتسينالىق كومەك الاتىن پاتسيەنتتىڭ باعىتىن كورۋگە مۇمكىندىك بەرەدى (ۋچاسكەلىك دارىگەردىڭ قابىلداۋىنان باستاپ, ءدارى-دارمەكپەن قامتاماسىز ەتۋ جانە وڭالتۋعا دەيىن)», دەپ قور باسشىسى ازىرلەنگەن اقپاراتتىق جۇيەنىڭ ماڭىزدىلىعىن ءتۇسىندىردى.

سونداي-اق ول قوردىڭ مەديتسي­نا­لىق قىزمەتتى الۋ فاكتىسىن راستاۋ ءۇشىن جەكە ۆەريفيكاتسيا تەتىگىن ەن­گىزۋگە نيەتتى ەكەنىن ايتتى. ءارى قا­راي ونى مەديتسينالىق كومەكتىڭ ساپاسىن باعالاۋ ءۇشىن دە قولدانۋعا بولادى. وسىلايشا, ادامدار قان­داي قىزمەتتەردى العاندارىن جانە قانداي مولشەردە العانىن كورە­تىن بولادى, ال قور كورسەتىلگەن مە­دي­تسينالىق قىزمەتتەر ءۇشىن اقى تو­لەۋ كەزىندە وسىنى ەسكەرەتىن بو­لا­­دى. سونداي-اق قور باسشىسى پا­­تسيەنتتەردى قولداۋ قىزمەتتەرىنىڭ جۇ­­مىسى بويىنشا سۇراقتاردى اتاپ ءوتتى. مەديتسينالىق ۇيىمدارمەن بىر­گە ولاردىڭ تيىمدىلىگىن ارتتىرۋ­دىڭ جۇيەلى تاسىلدەرى پىسىقتالۋدا.

دەنساۋلىق ساقتاۋ مينيسترلىگىنىڭ ءمامس ۇيلەستىرۋ دەپارتامەنتىنىڭ ديرەكتورى گۇلجان شايحىبەكوۆا ءوز كەزەگىندە مەملەكەت باسشىسىنىڭ سالانى قارجىلاندىرۋ تاسىلدەرىن قايتا قاراۋ جونىندەگى تاپسىرماسى اياسىندا بىرقاتار ءىس-شارا ىسكە اسىرىلاتىنىن اتاپ ءوتتى.

«تەگىن مەديتسينالىق كومەكتىڭ كەپىلدىك بەرىلگەن كولەمىنە ارنالعان شىعىستاردى جانە حالىقتىڭ 15 جەڭىلدىكتى ساناتى ءۇشىن مەملەكەتتىڭ ءمامس جارنالارىن قوسىمشا قار­جى­لاندىرۋ ماسەلەسىن پىسىقتاۋ قاجەت. سونداي-اق قاراجاتتى اكىم­شى­لەندىرۋدى وڭايلاتۋ ءۇشىن جانە ولاردى ءتيىمدى پايدالانۋ ماقسا­تىن­دا تمككك جانە ءمامس پاكەت­تە­رى­نىڭ قارجى اعىندارىن بىرىك­تى­رۋ­دى زاڭ­نامالىق رەتتەۋ كەرەك», دەپ اتاپ ءوتتى ول.