«مەن جولداۋىمدا سايلاۋ مەرزىمىن جاريا تۇردە جانە اشىق ايتتىم. وسىلايشا, ءبىز باستى مەملەكەتتىك ينستيتۋتتار – پرەزيدەنت, پارلامەنت, ۇكىمەت جانە ءماسليحاتتاردىڭ ءبارىن بىرتىندەپ قايتا قۇرامىز. وسى باستامالار جاريالانعاننان بەرى ءبىر ايعا جۋىق ۋاقىت ءوتتى. بۇل – بارلىق ماسەلەنى بايىپپەن تالقىلاپ, جاعدايدى باعامداۋعا جەتكىلىكتى مەرزىم. حالىق ءبىزدىڭ ساياسي جۇيەنى وزگەرتۋ تۋرالى جوسپارىمىزدىڭ ءمان-ماڭىزىن جاقسى ءتۇسىنىپ وتىر», دەلىنگەن ەل پرەزيدەنتىنىڭ ۇندەۋىندە.
مەملەكەت باسشىسى بيىلعى جولداۋدا كورسەتىلگەن الەۋمەتتىك-ەكونوميكالىق شارالاردى جۋىردا حالىققا ۇسىناتىن سايلاۋ الدىنداعى تۇعىرناماسىنا قوساتىنىن اتاپ ءوتتى.
«مەن جولداۋىمدا اۋقىمدى الەۋمەتتىك-ەكونوميكالىق شارالار قولعا الىناتىنىن جاريالادىم. ءبىز ونىڭ ءبارىن جاقىن ارادا جۇزەگە اسىرۋىمىز كەرەك. كوپ ۇزاماي قوعامعا سايلاۋ الدىنداعى تۇعىرنامامدى ۇسىنامىن. وندا الەۋمەتتىك-ەكونوميكالىق دامۋدى كوزدەيتىن جاڭا باستامالار ايتىلادى», دەپ قوستى قاسىم-جومارت توقاەۆ.
