جيىن بارىسىندا بيزنەس سۋبەكتىلەرىندە سالىقتاردى اكىمشىلەندىرۋگە قاتىستى ساۋالدار ءجيى تۋىندايتىنى ايتىلدى. وسىعان بايلانىستى ۇكىمەت سالىقتىق اكىمشىلەندىرۋدى وڭايلاتۋعا جانە تسيفرلاندىرۋعا ەرەكشە نازار اۋدارۋدى جوسپارلاپ وتىر.
«قازىرگى ۋاقىتتا پرەمەر-ءمينيستردىڭ وكىمىمەن قۇرىلعان جۇمىس توبى شەڭبەرىندە 2030 جىلعا دەيىنگى سالىق ساياساتىنىڭ تۇجىرىمداماسىن ازىرلەۋ بويىنشا جۇمىس جۇرگىزىلىپ جاتىر. وندا قاراستىرىلعان تاسىلدەر جاڭا سالىق كودەكسىنىڭ نەگىزى بولماقشى. تۇجىرىمداما جوباسىنا ۇسىنىستاردى قر پارلامەنتىنىڭ دەپۋتاتتارى, مەملەكەتتىك ورگاندار مەن بيزنەس-قوعامداستىق وكىلدەرى ەنگەن جۇمىس توبى ازىرلەيدى», دەلىنگەن حابارلامادا.
