ءورت قاۋپىنىڭ الدىن الۋ – وزەكتى ماسەلە

توتەنشە جاعدايلار جونىندەگى دەپارتامەنتتىڭ باسشىسى راميل كامالوۆتىڭ ايتۋىنشا، بۇگىنگە دەيىن 142 مىڭ ادام تۇراتىن 53 مىڭ اۋلانىڭ ءورت قاۋىپسىزدىگى تەك­سەرىلگەن. تەكسەرىستەر بارى­سىن­دا 5 مىڭنان استام ءورت قاۋىپسىزدىگىن بۇزۋ دەرەگى انىق­تالىپ، 1 200 ادام اكىمشىلىك جاۋاپكەرشىلىككە تارتىلعان.

تەكسەرىس جۇمىستارىن جۇرگىزۋگە وبلىس اكىمى قۇمار اقساقالوۆ بەكىتكەن سىزباعا سايكەس پوليتسيا قىزمەتكەرلەرى، جەرگىلىكتى اتقارۋشى ورگاندار وكىلدەرى مەن ۆولونتەرلەر دە تارتىلعان. ايتپەسە، وسىنشا اۋقىمدى جۇمىستى جالعىز توتەنشە قىزمەت وكىلدەرى ەڭسەرە الماعان بولار ەدى. سونىمەن قاتار ءورت قاۋپىن ەسكە سالىپ، ونىڭ الدىن الۋ ىستەرىن كورسەتكەن 77 مىڭنان استام جادىنامالار تۇرعىندار اراسىنا تاراتىلعان. ال باق-تا 1 025 اقپارات جاريالانىپ، 26 بريفينگ وتكىزىلگەن.

ورتپەن وينايتىن كوبىنەسە بالالار مەن جاسوسپىرىمدەر. ولارعا دا ءتىلسىز جاۋدىڭ قاۋپىن ءتۇسىندىرۋ ءۇشىن 100-دەن استام ينتەراكتيۆتى جانە اشىق ساباقتار جۇرگىزىلگەن. بۇعان 4 مىڭنان استام وقۋشى قاتىستىرىلعان.

وبلىستا 15 قىركۇيەك پەن 15 قازان ارالىعىندا ءورت قاۋىپسىزدىگى بويىنشا ايلىق جاريالاندى. بۇل ءىس-شارانىڭ بارى­سىندا الەۋمەتتىك ءالسىز توپ­تار­دىڭ ءۇي-جايلارى باقى­لاۋعا الىنىپ، ولاردىڭ پەش­تەرى مەن مۇرجالارىنىڭ قاۋىپ­سىزدىگى تەكسەرىلەدى. جاسى­راتىنى جوق، كوبىنە وسىنداي توپتاردىڭ ۇيلەرىنەن ءورت شى­عىپ جاتادى. اسىرەسە اششى سۋعا بوي الدىرعان جاندار ءورت قاۋپىن اياقاستى ەتە بەرەدى. مىنە، سونداي تۇرعىن ۇيلەر ارنا­يى باقىلاۋعا الىنادى. 2022-2023 جىلدارداعى جى­لىتۋ ماۋسىمىندا وبلىس بو­يىنشا وسىنداي 4 448 ءۇي ەسەپ­كە الىنعان. ولاردا 12 560 ادام تۇرادى، سونىڭ 5 مىڭنان استامى – بالا. ءورت ءسوندىرۋ قىزمەتى جىلىتۋ ماۋسىمى باستالعاندا ىسكە قوسى­لىپ، ۋلى گاز نەمەسە ءتۇتىن شى­عا باستاسا دابىل قاعاتىن ارناۋ­لى اپپاراتتاردى دا وسىن­داي ۇيلەرگە ورناتۋدا. 2020 جىلدان بەرى سونىڭ 2 281-ءى ورنا­تىلعان. بۇل ءىس قىزىلجار مەن ءۋا­ليحانوۆ اۋداندارىندا جاق­سى جولعا قويىلعان، قازىر وسى ەكەۋىندە مۇنداي اپپاراتتار تولىق ورناتىلدى. پەتروپاۆل قالاسىندا بۇل ءىس سىلبىر جۇرۋدە، وسىنى تجد باستىعى ارنايى ەسكەرتەتىنىن ايتتى.

باسقا وبلىستاردا بولما­سا دا سولتۇستىك قازاقستان­دا وبلىس اكىمى ق.اقساقالوۆ­تىڭ ارنايى شەشى­مىمەن پەت­رو­­­پاۆلداعى قۇرىلىس-ەكو­نو­­­مي­كالىق كوللەدجىندە «پەششى» ماماندىعىن دايىن­دايتىن ارناۋلى كۋرس اشىلعان. مۇندا پەش قالاۋدىڭ قىر-سىرىن ۇيرەتەتىن ارنايى ماماندار ساباق بەرەدى. ازىرگە بيىل التى ادام عانا پەششى ماماندىعىن يگەرىپ، سەرتيفيكات الدى. قازىر مۇندايعا كوپ ادام كۇلە قاراعانىمەن پەشتى كەز كەلگەن ادام تۇرعىزا المايتىنىن ۇعۋ كەرەك. ءتۇتىن ۇيگە تاراماس ءۇشىن ونى دالاعا تارتۋ جولدارىن تەك ماماندار عانا انىقتاي الادى.

ءورت قاۋىپسىزدىگىن ساقتاۋ­دىڭ تاعى ءبىر امالى – ەسكى، قۇلاۋ­دىڭ از-اق الدىندا تۇرعان ۇيلەردى ءسۇرۋ. وسىنداي ۇيلەر­دەگى پەشتەر دە ابدەن ەسكىرىپ، ءورت قاۋپىن تۋدىراتىنى انىق. 

وبلىس اكىمدىگى ءورت ءسون­دىرۋ قىز­مەتىنە ءجىتى نازار اۋدارىپ، بيۋد­جەت قاراجاتى ەسەبى­نەن ونىڭ تەحنيكالىق مۇم­كىن­­­دى­گىن ارتتىرۋدى ۇنەمى نازار­­دا ۇس­تايدى. سوڭعى بەس جىلدا عانا 737 ملن تەڭگەگە 32 ار­ناۋ­­لى ءورت سوندىرگىش تەح­ني­كا­­­لار الىندى. تەك بىلتىرعى جىل­­دىڭ سوڭىندا 8 ءورت ءسوندىرۋ اۆ­تو­تسيس­تەرنالارى ساتىپ الىندى.

سولتۇستىك قازاقستان وبلىسى