سەرىكتەستىكتىڭ تەحنيكالىق ديرەكتورى ديمات تۋعانبايدىڭ ايتۋىنشا, 2017 جىلدان بەرى تەحنيكالىق ماقساتتا قولدانىلاتىن تۇز ءوندىرىلىپ كەلەدى. قازىر وتاندىق كاسىپورىندا جەرگىلىكتى 10 تۇرعىن جۇمىسپەن قامتىلعان. ەندى جىل سوڭىنا دەيىن تاعى دا جەرگىلىكتى 60 ادامدى جۇمىسپەن قامتۋ كوزدەلىپ وتىر.
– ءبىزدىڭ كاسىپورىندا اس تۇزى ستاندارتتى ادىسپەن وڭدەلەدى. وتاندىق ءونىم جوعارى ساپالى, كريستالدىلىعى 99,5 پايىزدى قۇرايدى. اس تۇزى 1 كيلولىق دورباعا سالىنادى. جاڭا ءونىمدى قازاقستاننىڭ بارلىق وڭىرىندەگى تۇتىنۋشىعا جىبەرۋ جوسپارلانىپ وتىر. ويتكەنى يودتالعان تابيعي مينەرالدىڭ ادام دەنساۋلىعى ءۇشىن, ناقتىراق ايتساق, جۇرەك, قان اينالىمى ءۇشىن ماڭىزى زور. ءبىز ايىنا 2 مىڭ توننا اس تۇزىن ءوندىرۋدى جوسپارلاپ وتىرمىز. قازىر وتاندىق تاۋاردىڭ قۇجاتتارى ازىرلەنىپ جاتىر. ساراپتامادان كەيىن ىشكى نارىققا جونەلتە باستايمىز, – دەيدى ديمات تۋعانباي.
ونىڭ مالىمەتىنە سۇيەنسەك, كاسىپورىندا ساعاتىنا 20 توننا تۇز وڭدەلەدى. قازىردىڭ وزىندە رەسەي فەدەراتسياسىنان تاپسىرىس ءتۇسىپتى.
اتىراۋ وبلىسى
