2003 جىلى ەڭ العاشقى كونگرەسس وتكەندە ۆاتيكاننىڭ مەملەكەتتىك حاتشىسى اندجەلو سودانو: «اسسيزي رۋحى استانانىڭ رۋحىنا اينالسىن» دەگەن بولاتىن. راسىندا, ريم پاپاسى فرانتسيسكتىڭ تۋعان جەرى يتاليانىڭ اسسيزي قالاسىندا بۇدان 36 جىل بۇرىن ءتۇرلى ءدىن كوشباسشىلارى كەزدەسۋلەرىنىڭ تاريحى باستالعانىن بىلەتىندەر از. وسى كۇنگە دەيىن الەمدىك ءدىن كوشباسشىلارى بىرىگىپ, ماسەلەلەرىن تالقىلاعان ەمەس.
«بۇگىندە ءبىز قۇداي تۋرالى ايتامىز. بىراق ءدىن ءجيى وشپەندىلىكتىڭ, سوعىستىڭ, لاڭكەستىكتىڭ قۇرالى رەتىندە ءجيى تەرىس پايدالانىلادى. سوندىقتان بۇگىندە اسسيزي رۋحى قازاقستانمەن قاتار بارلىق جەرلەردە قالىقتاۋى قاجەت», دەدى سەزدە سويلەگەن سوزىندە ريم پاپاسى.
