قالالىق سەنبىلىك قىس مەزگىلىنە دايىندىق, اباتتاندىرۋ, كوگالداندىرۋ جانە سانيتارلىق تازالىق جۇمىستارى ماقساتىندا جۇرگىزىلدى.
سەنبىلىككە 65 مىڭنان استام ادام بەلسەندى قاتىستى, ولاردىڭ ىشىندە اۋداندىق اكىمدىكتەر, كوممۋنالدىق كاسىپورىندار, تۇرعىندار, ستۋدەنتتەر, ەرىكتىلەر, ەكوبەلسەندىلەر, پيك جانە ميب ۇجىمدارى, اسكەري قىزمەتشىلەر مەن مەملەكەتتىك مەكەمەلەردىڭ, سونداي-اق 33 024 كاسىپورىندار مەن ۇيىمدار دا بار.
استانالىق پوليگونعا 747 توننا قالدىق جينالىپ, شىعارىلدى. سونداي-اق, جالپى اۋدانى 2,5 ملن شارشى مەتردەن استام ساياباقتار مەن گۇلزارلار تازارتىلىپ, 1 مىڭنان استام اعاش وتىرعىزىلدى.
سەنبىلىك اياسىندا Clean City NC جشس كومپانياسى «قر مكق ارداگەرلەر وداعى» رقب جانىنداعى «جاس قالقان» اسكەري-پاتريوتتىق كلۋبىنا مۇشە بالالاردىڭ قاتىسۋىمەن قالدىقتاردى بولەك جيناۋدى ۇگىتتەۋ بويىنشا ويىندار وتكىزدى, كەيىن العىس حاتتار مەن شاعىن سىيلىقتار تابىس ەتىلدى.
ايتا كەتسەك, «بىرگە تازا قازاقستان» ەكولوگيالىق ايلىعى اياسىندا ءار سەنبى سايىن 15 قازانعا دەيىن 4 كوممۋنالدىق سەنبىلىك وتەدى.
سونداي-اق, ايلىق اياسىندا 10 مىڭنان استام جاسىل جەلەك وتىرعىزۋ جوسپارلانعان.
