مەملەكەتتىك كەڭەسشىنىڭ ايتۋى بويىنشا, پارلامەنت قابىلداعان ساياسي رەفورمالاردىڭ پاكەتى قازاقستاننىڭ جاڭا دەموكراتيالىق ۇلگىگە كوشكەنىن بىلدىرەدى. بۇل ۇلگىدە پرەزيدەنت ءبىر مەرزىمگە قايتا سايلانۋ قۇقىعىنسىز سايلانادى. ونىڭ ۇستىنە بۇل نورما وزگەرىسسىز قالادى جانە قايتا قاراۋعا مۇمكىن بولمايدى.
سونداي-اق كونستيتۋتسيالىق سوت سۋديالارىنىڭ وكىلەت مەرزىمى پرەزيدەنتتىك جانە پارلامەنتتىك وكىلەت مەرزىمدەرىنەن ۇزاقتاۋ بولماق.
«بۇل رەفورمالاردىڭ پاكەتىن بۇرىن ىسكە اسىرىلعان كونستيتۋتسيالىق رەفورمامەن بىرگە قاراۋ قاجەت: جاڭا كونستيتۋتسيالىق سوت ينستيتۋتى قۇرىلدى; ءبىر مەزگىلدە پارلامەنتتىڭ وكىلەتتىگى كەڭەيىپ, پرەزيدەنتتىڭ وكىلەتى قىسقارتىلدى; ارالاس سايلاۋ جۇيەسى ەنگىزىلىپ, پارتيالاردى تىركەۋ ءراسىمىن وڭايلادى; وڭىرلەردىڭ دەربەستىگىن كۇشەيمەك», دەپ جازدى ول ءوزىنىڭ تەلەگرام كانالىندا.
ەرلان قاريننىڭ پىكىرىنشە, ەندى ساياسي ينستيتۋتتاردى قايتا ىسكە قوسۋ قاجەت. ال ول ءۇشىن پرەزيدەنتتىك جانە پارلامەنتتىك سايلاۋلار وتكىزۋ كەرەك.
«مۇنىڭ ءبارى, تۇپتەپ كەلگەندە, مەملەكەتتىك قۇرىلىمنىڭ ينستيتۋتسيونالدىق كەلبەتىن بيلىك تارماقتارىنىڭ اراسىندا بارىنشا تەڭگەرىم قالىپتاستىرا وتىرىپ تۇزەدى. جاڭا مەملەكەتتىك مودەل بيلىكتىڭ ۇدايى روتاتسيالانۋىن, ساياسي جۇيەنىڭ بولجامدىلىعى مەن ورنىقتىلىعىن قامتاماسىز ەتەدى جانە تۇتاستاي العاندا, مەملەكەتىمىزدىڭ ودان ءارى دامۋىن تەك دەموكراتيالىق باستاۋلاردا, ساياسي باسەكەلەستىك نەگىزىندە باياندى ەتەدى. باسقاشا ايتقاندا, رەفورمالاردىڭ جاڭا پاكەتى ساياسي جۇيەنىڭ وزگەرۋ پروتسەسىن اياقتايدى. ەندى بارلىق نەگىزگى ساياسي ينستيتۋتتاردى (پرەزيدەنت, پارلامەنت, ءماسليحاتتار, ۇكىمەت) قايتا ىسكە قوسۋ مىندەتى تۇر. ونىڭ ءبىرىنشى كەزەڭى جولداۋدا جاريالانعان پرەزيدەنتتىك سايلاۋ بولادى», دەپ جازدى مەملەكەتتىك كەڭەسشى.
