الەۋمەتتىك كودەكس جوباسىندا حالىقتىڭ جەكەلەگەن وسال ساناتتارىنا جۇمىسپەن قامتۋعا جاردەمدەسۋ ساياساتىنان بارلىق ەڭبەككە قابىلەتتى ازاماتتاردىڭ ناتيجەلى جۇمىسپەن قامتىلۋى ءۇشىن تەڭ باستاپقى جاعدايلار جاساۋعا كوشۋ كوزدەلەدى.
- پلاتفورمالىق جۇمىسپەن قامتۋدى قوسا العاندا, قۇقىقتىق ورىستە جۇمىسپەن قامتۋدىڭ يكەمدى نىساندارىن بەكىتۋ. جۇمىس بەرۋشىلەر تاراپىنان تەرىس پايدالانۋعا جول بەرمەۋ ماقساتىندا ەڭبەكتى ۇيىمداستىرۋدىڭ مىندەتتى شارتتارى بەكىتىلەتىن جانە جۇمىسپەن قامتۋدىڭ يكەمدى نىساندارى ءۇشىن نىسانالى توپتار ايقىندالادى.
- جۇمىس سيپاتىنا قاراماستان, جۇمىسكەرلەردىڭ ەڭبەك قۇقىقتارىن تولىق قورعاۋدى قامتاماسىز ەتۋ, اتاپ ايتقاندا, پلاتفورمالىق جۇمىسپەن قامتۋ, بىرلەسكەن جۇمىس ء(بىر جۇمىس ورنىندا جۇمىس ىستەيتىن ەكى ادام), جىلجىمالى كەستە, ءتورت كۇندىك جۇمىس اپتاسى جانە باسقالار.
- ونلاين-پلاتفورمالارمەن ستاندارتتى جاريا تۇردەگى شارت ارقىلى ينتەرنەت-پلاتفورمالار نەگىزىندە جۇمىس ىستەيتىن ادامداردى تانۋدىڭ جانە الەۋمەتتىك اۋدارىمداردىڭ (بىرىڭعاي جيناقتاۋشى زەينەتاقى قورىنا, مەملەكەتتىك الەۋمەتتىك ساقتاندىرۋ قورىنا جانە الەۋمەتتىك مەديتسينالىق ساقتاندىرۋ قورىنا) بولۋىن انىقتاۋدىڭ قاراپايىم ءراسىمىن ەنگىزۋ.
- تابىسقا سالىناتىن تومەندەتىلگەن سالىقتىق جۇكتەمەنى كوزدەيتىن بىرىككەن تولەمدى ەنگىزۋ ەسەبىنەن سالىقتاردى, زەينەتاقى جانە الەۋمەتتىك اۋدارىمداردى تولەۋ تەتىگىن بارىنشا وڭايلاتۋ ۇسىنىلادى. بۇل رەتتە بىرىڭعاي جيىنتىق تولەمدى الىپ تاستاۋ دا جوسپارلانۋدا.
- جۇمىستان ايىرىلۋ (جوعالعان كىرىستىڭ 40-تان 45%-عا دەيىن), جۇكتىلىك جانە بوسانۋ كەزىندە كىرىستەن ايىرىلۋ (100%) تاۋەكەلدەرى تۋىنداعان جاعدايدا قىزمەتكەرلەردى الەۋمەتتىك ساقتاندىرۋ جۇيەسىنەن تولەنەتىن جوعارى تولەمدەرمەن قامتۋ كوزدەلەدى, سونداي-اق بالا كۇتىمى بويىنشا الەۋمەتتىك تولەمدەردىڭ ۇزاقتىعى 1 جاستان 1,5 جاسقا دەيىن ۇلعايادى.
«اتالعان شارالار ەڭبەك قاتىناستارىن جەڭىلدەتىلگەن رەسىمدەۋ مەن جاڭا ىنتالاندىرۋلار ەسەبىنەن ەنگىزۋدىڭ ءبىرىنشى كەزەڭىنىڭ وزىندە-اق قىزمەتىن رەسميلەندىرۋگە جانە كەمىندە 300 مىڭ بەيرەسمي جۇمىسپەن قامتىلعان ادامدى الەۋمەتتىك قورعاۋدى قامتاماسىز ەتۋگە مۇمكىندىك بەرەدى», دەلىنگەن ۆەدومستۆو حابارلاماسىندا.
