ەلورداداعى سارايشىق كوپىرىندە ءجۇرىپ جاتقان جوندەۋ جۇمىستارى اياقتالار ەمەس. بۇرىن كوپىردە تەمىربەتون پليتاسىندا شۇڭقىرلار تۇرىندەگى اقاۋلار تابىلعان ەدى.
اكىمدىك حابارلاعانداي, اۆتوموبيل كوپىرىنىڭ ءبىر بولىگىندە جوندەۋ جۇمىستارى اياقتالدى.
«وسى جىلدىڭ 16 قىركۇيەگىنەن قازان ايىنىڭ سوڭىنا دەيىن جوندەۋ جۇمىستارى كوپىردىڭ ەكىنشى جاعىندا جۇرگىزىلەدى. وسىعان بايلانىستى ر.قوشقارباەۆ داڭعىلىنان باستاپ ماڭگىلىك ەل داڭعىلى مەن سارايشىق كوشەسىنىڭ قيىلىسىنداعى كولىك ايىرىمىنا دەيىنگى ۋچاسكەدە اۆتوكولىك قۇرالدارى ءۇشىن قوزعالىس ءىشىنارا جابىلادى», دەلىنگەن حابارلامادا.
ايتا كەتۋ كەرەك, كوپىردە ەكى باعىتتا دا قوزعالىس ساقتالعان.
ەسكە سالا كەتسەك, سارايشىق كوپىرىنە جوندەۋ جۇمىستارى 12 جىل بۇرىن جۇرگىزىلگەن. وسى ۋاقىت ىشىندە كولىك اعىنى دا ۇلعايىپ, كوپىردە جارىقتار مەن شۇڭقىرلار پايدا بولدى.
سوڭعى جىلدارى ەلوردادا 400-دەن استام جول جوندەلىپ, سالىندى.
