ۇكىمەتتىڭ جانە تۇتاستاي العاندا بۇكىل مەملەكەتتىڭ الدىنا ناقتى مىندەتتەر قويدى. ەلىمىزدىڭ بارلىق سالاسىنا نازار اۋدارىلعانىن اتاپ وتكەن ءجون. ءبىرىنشى كەزەكتە پرەزيدەنت حالىقتىڭ ءال-اۋقاتىن ارتتىرۋ ماسەلەلەرىن اتاپ ءوتتى. ايەلدەر ءۇشىن زەينەتكەرلىك جاستى 2028 جىلعا دەيىن 61 جاسقا دەيىن ازايتۋ, بالا كۇتىمى بويىنشا تولەمدەردىڭ ۇزاقتىعىن 1,5 جاسقا دەيىن ارتتىرۋ جانە بالالارعا ۇلتتىق قور اشۋ تۋرالى ۇسىنىستار – ءبىزدىڭ بولاشاعىمىزعا سالىنعان تىكەلەي ينۆەستيتسيا. ۇلتتىق قوردىڭ جىل سايىنعى ينۆەستيتسيالىق تابىسىنىڭ 50 پايىزى بالالاردىڭ ارناۋلى جيناقتاۋشى ەسەپشوتىنا اۋدارىلادى. كەلەشەك ۇرپاقتىڭ دامۋى ءۇشىن بۇل تاماشا مۇمكىندىك بولعالى تۇر.
ەل ەكونوميكاسىنىڭ نەگىزگى قۋات-كۇشى – شاعىن جانە ورتا بيزنەستى دامىتۋعا, جاڭا سالىق كودەكسىن ازىرلەۋگە, مەملەكەتتىك ساتىپ الۋلار تۋرالى جاڭا زاڭعا دا كوڭىل ءبولىندى. بۇدان باسقا شەتەلدىك كولىكتەردىڭ ەلىمىزدە تىركەلۋى, جولداردىڭ ساپاسى جايىندا دا تىڭعىلىقتى تاپسىرمالار بەرىلگەنىن ەستىدىك.
ەرەكشە اتاپ وتەرلىگى, پرەزيدەنتىمىز قاڭتار وقيعاسىنا زور كوڭىل ءبولىپ, قارالى كەزەڭگە قاتىستى ويلارىن جەتكىزدى. قاڭتار وقيعاسىنىڭ قاتىسۋشىلارىنا ءبىر رەتتىك راقىمشىلىق جاساۋ ناعىز دەموكراتيالىق مەملەكەتتىڭ كورسەتكىشى دەپ ەسەپتەيمىن.
قاسىم-جومارت كەمەل ۇلىنىڭ بيىل كۇزدە مەرزىمىنەن بۇرىن پرەزيدەنت سايلاۋىن وتكىزۋ جانە كەلەر جىلدىڭ العاشقى جارتىسىندا بارلىق دەڭگەيدەگى دەپۋتاتتى مەرزىمىنەن بۇرىن سايلاۋ تۋرالى باستاماسىن تولىق قولدايمىن. بولاشاقتا پرەزيدەنت 7 جىلعا ءارى ءبىر مەرزىمگە سايلانۋى – قۇپتارلىق ءىس. ەل باسشىسى ءوز وكىلەتتىلىگىندە ءبىر عانا باعدارلامامەن, ناقتى ىستەرمەن جۇمىس ىستەسە تۇپكىلىكتى ناتيجە بولادى دەگەن سەنىمدەمىن.
داۋرەن عازيز,
س.تورايعىروۆ اتىنداعى ۋنيۆەرسيتەتتىڭ ساياساتتانۋ ماگيسترانتى
پاۆلودار وبلىسى
