قۇرمەتتى اتاق قايىرىمدىلىق جاساۋشىلارعا, قايىرىمدىلىق ۇيىمدارىنا, قايىرىمدىلىق ەرىكتىلەرىنە بەرىلەدى.
قۇرمەتتى اتاق بەرۋ 5 قىركۇيەك - حالىقارالىق قايىرىمدىلىق كۇنىنە ورايلاستىرىلادى.
ەرەجەگە سايكەس, قۇرمەتتى اتاق قۇرامىنا مۇددەلى مەملەكەتتىك ورگانداردىڭ, ۇيىمداردىڭ وكىلدەرى, قوعام قايراتكەرلەرى, ساراپشىلار, پارلامەنت دەپۋتاتتارى كىرەتىن كوميسسيانىڭ شەشىمى نەگىزىندە بەرىلەدى.
قۇرمەتتى اتاقتى بەرۋگە ۇسىنىمدى قابىلداۋ تۋرالى حابارلاندىرۋدى ۋاكىلەتتى ورگان مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسىندا جانە الەۋمەتتىك جەلىلەردەگى رەسمي اككاۋنتتاردا ورنالاستىرادى.
كوميسسيا مۇشەلەرى ۇسىنىمداردى العان كۇننەن باستاپ كۇنتىزبەلىك 10 كۇن ىشىندە ولاردى 3 ولشەمشارت بويىنشا 0-دەن 5 بالعا دەيىن زەردەلەپ, باعالايدى:
- الەۋمەتتىك ماسەلەلەرگە باعىتتالعان, قوعامدىق پايدالى مىندەتتەردى شەشۋگە قوسقان ۇلەسى;
- قايىرىمدىلىق قىزمەتتىڭ ساندىق ناتيجەلەرىنىڭ بولۋى;
- قىسقا مەرزىمدى جانە ۇزاق مەرزىمدى پەرسپەكتيۆادا ىسكە اسىرۋدىڭ تۇراقتىلىعى مەن اسەرى.
ءاربىر كريتەري بويىنشا باللدار جيناقتالىپ, جالپى بالل قويىلادى.
كوميسسيانىڭ قۇرمەتتى اتاق بەرۋگە ۇمىتكەردى بەكىتۋ تۋرالى شەشىمى وتىرىستا اشىق داۋىس بەرۋ ارقىلى كوپشىلىك داۋىسپەن قابىلدانادى.
ۇمىتكەر باعالاۋ پاراعىن ىرىكتەۋدىڭ ءۇش كريتەريىنىڭ بىرىندە «0» بالل العان جاعدايدا قۇرمەتتى اتاق بەرىلمەيدى.
