– ءبىز بالالار الاڭىن اشۋعا قارجى جيناۋدى قولعا العان ەدىك. قايىرىمدى جانداردىڭ كومەگىمەن 65 ملن تەڭگە جينالدى. ال اتىراۋ قالالىق اكىمدىگى گەولوگ شاعىن اۋدانىنان جەر تەلىمىن بولۋگە كومەكتەستى. بۇل جوبانى ەكى اي ىشىندە جۇزەگە اسىردىق. وسىلايشا, بالالار جىلىنا ءوز ۇلەسىمىزدى قوسۋدى, بالالارعا سىي جاساۋدى ءجون كوردىك, – دەيدى ەرىكتىنىڭ ءبىرى ۆلاديمير كيم.
ونىڭ ايتۋىنشا, بالالاردىڭ ويىن الاڭىن اشاتىن ورىن كەزدەيسوق تاڭدالعان جوق. قالانىڭ ءار شاعىن اۋدانىنداعى تۇرعىندار, ونىڭ ىشىندە بالالار سانىنا زەرتتەۋ جۇرگىزىلدى. بۇعان جەرگىلىكتى اكىمدىكتىڭ وكىلدەرى دە قاتىستى. ەرىكتىلەر درونمەن اۋەدەن بارلاۋ جاساپ, گەولوگ شاعىن اۋدانىنا بالالار الاڭى قاجەتتىگىنە كوز جەتكىزدى.
– بۇل – ءبىزدىڭ بالالارىمىز ءۇشىن كەرەمەت سىي. بۇرىن بالالارىمىزدىڭ قاۋىپسىزدىگىنە الاڭداۋشى ەدىك. ەندى بالالارىمىز بوس ۋاقىتىن ويىن الاڭىندا وتكىزەتىنىنە قۋانىپ وتىرمىز. اسىرەسە بالالارىمىزدىڭ قۋانىشىندا شەك جوق, – دەيدى گەولوگ شاعىن اۋدانىنىڭ تۇرعىنى كاكيما وماروۆا.
ال ەرىكتىلەر مۇنداي جوبانى جالعاستىرۋدى كوزدەپ وتىر.
اتىراۋ وبلىسى
