جاۋاپتى سالا ماماندارىنىڭ ايتۋىنشا, ستاندارت بويىنشا حالىق سانى 1 مىڭ ادامعا جەتكەن اۋماقتا تۇرعىندارعا ارنالىپ سپورتتىق ينفراقۇرىلىمدار سالىنۋعا ءتيىس. وسى تالاپقا ساي سپورتتىق نىسانمەن قامتىلۋ بيىل 51%-عا جوسپارلانسا, (39 243 شارشى مەتر) كوزدەلگەن ماقسات تولىعىمەن ىسكە اسىپ وتىر.
ەكىنشىدەن, جەرگىلىكتى اكىمدىكتىڭ الدىندا تۇرعان تاعى ءبىر باستى مىندەت – دەنە شىنىقتىرۋ جانە سپورتپەن جۇيەلى تۇردە اينالىساتىن جانە وعان مەديتسينالىق تۇرعىدان ەشقانداي قارسى كورسەتىلىمدەرى جوق مۇگەدەكتىگى بار ادامدار سانىن ارتتىرۋ. وسىعان ساي بيىلعى جوسپار 11,5% قۇراپ, (1810 ادام) تاپسىرما ءجۇز پايىزدان اسىرا ورىندالدى. سونىمەن بىرگە جاستاردى سپورتپەن قامتۋ (14-18 جاس) ماسەلەسى دە اكىمدىكتىڭ نەگىزگى جۇمىستارىنىڭ قاتارىندا تۇرعان شارۋا. وسىعان بايلانىستى بيىل 32 647 ادامدى سپورتقا تارتۋ كوزدەلسە, ناقتى ورىندالعانى 45 مىڭ ادامنان استى.
ءوز كەزەگىندە Amanat پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىنىڭ سپورت سالاسىنا قاتىستى 6 ينديكاتور كورسەتكىشى بەكىتىلگەن. اتالعان ينديكاتور كورسەتكىشتەرى رەت-رەتىمەن جۇزەگە اسىپ كەلەدى.
ماسەلەن, باعدارلامانىڭ 39-تارماعىندا ەلوردادا, بارلىق وبلىس پەن رەسپۋبليكالىق ماڭىزى بار قالالاردا جانە ءىرى اۋدان ورتالىقتارىندا سپورت سەكتسيالارىن اشۋ جانە بالالار ۇيىرمەلەرىن جاڭعىرتۋ تاپسىرماسى بەرىلگەن. بۇعان سايكەس بيىل قالادان 57 سپورتتىق سەكتسيا اشۋ قاراستىرىلعان بولاتىن.
بۇگىندە 91 سپورتتىق سەكتسيا ءوز جۇمىسىن باستاپ, وندا 3 760 بالا تۇراقتى تۇردە سپورتپەن شۇعىلدانىپ جاتىر. ياعني مەجەلەنگەن جوسپاردىڭ ارتىعىمەن ورىندالعانى انىق كورىنىپ تۇر.
ەندى سپورت سالاسىندا مەگاپوليستىڭ جەتكەن جەتىستىكتەرى تۋرالى بايانداساق, مىسالى ۇلتتىق جانە ات سپورت تۇرلەرى بويىنشا كەشەندى سپورت كلۋبىندا 1-كونكۋر ءبولىمى اشىلىپ, قازىر وندا 16 سپورتشى شۇعىلدانۋدا. سول سەكىلدى №16 وليمپيادالىق رەزەرۆتىڭ مامانداندىرىلعان بالالار مەن جاسوسپىرىمدەر سپورت مەكتەبىندە 3-باتۋتتىق گيمناستيكا ءبولىمى جاڭادان جۇمىسىن باستاپ, 29 گيمناسشى سوندا جاتتىعىپ جاتىر. بۇدان بولەك, جان باسىنا شاققاندا قارجىلاندىرۋ باعدارلاماسى اياسىندا 87 سپورتتىق سەكتسيا ءوز قىزمەتتەرىن ۇسىنىپ, سونىڭ شەڭبەرىندە 3 715 بالا سپورتپەن تۇراقتى شۇعىلدانۋعا مۇمكىندىك الدى.
ال جوعارىدا اتالعان سايلاۋالدى باعدارلامانىڭ 138-تارماعىندا بالالار-جاسوسپىرىمدەر سپورت مەكتەپتەرى مەن وليمپيادالىق رەزەرۆتىڭ مامانداندىرىلعان مەكتەپ-ينتەرنات-كوللەدجدەرى مەن سپورتتاعى دارىندى بالالارعا ارنالعان مەكتەپ-ينتەرناتتار جاتتىقتىرۋشى-وقىتۋشىلارىنىڭ جالاقىسىن 2 ەسە ۇلعايتۋ بەلگىلەنگەن.
وسى تالاپتى ورىنداۋدىڭ ناتيجەسىندە 16 بالالار-جاسوسپىرىمدەر سپورت مەكتەپتەرىندەگى 976 جاتتىقتىرۋشى مەن وقىتۋشىلاردىڭ 2021 جىلى ايلىق جالاقىسى 1,5 ەسەگە وسسە, بيىل 1,75 ەسەگە جوعارىلاعان. ايتالىق, جاتتىقتىرۋشى-وقىتۋشىلاردىڭ ەڭ تومەنگى جالاقى مولشەرى 2020 جىلى – 72 258 تەڭگەنى قۇراسا, 2021 جىلى 108 537 تەڭگەگە كوتەرىلگەن. ال 2022 جىلى 126 451 تەڭگەگە ءوسىپ وتىر. ءوز كەزەگىندە جاتتىقتىرۋشى-وقىتۋشىلاردىڭ ەڭبەكاقىسىن كوبەيتۋ ماقساتىندا 976 شتات بىرلىگىنە رەسپۋبليكالىق بيۋدجەتتەن 1 315,7 ملن تەڭگە قارجى ءبولىندى.
سونىمەن بىرگە قالالىق دەنە شىنىقتىرۋ جانە سپورت باسقارماسىنا بارلىق سپورت كەشەنىندە ەرەسەكتەر مەن ەرەكشە كۇتىمدى قاجەت ەتەتىن بالالارعا سپورتپەن اينالىسۋعا جاعداي جاساۋ جونىندە تاپسىرما جۇكتەلگەن. 2022 جىلعا بەكىتىلگەن جوسپار (6 نىسان), بۇگىندە 53%-عا ورىندالىپ وتىر.
تارقاتىپ ايتار بولساق, 8 سپورتتىق نىساندا مۇمكىندىگى شەكتەۋلى ازاماتتارعا ىڭعايلى جاعداي قاراستىرىلعان. ولاردىڭ قاتارىندا جوعارى سپورت شەبەرلىگى مەكتەبى, كوركەم گيمناستيكا سپورت كەشەنى, №12 سپورت مەكتەبىنىڭ سپورت كەشەنى, №1 سپورت مەكتەبىنىڭ سپورت كەشەنى, World class, Royal club, كاسيەت, مادەيرا سپورت كەشەندەرى بار. قازىرگى تاڭدا مەگاپوليستىڭ سپورت نىساندارىندا 1861 مۇگەدەكتىگى بار ازاماتتار سپورتپەن شۇعىلدانىپ, سالاماتتى ءومىر سالتىن ۇستانىپ وتىر. ول جالپى سپورتپەن شۇعىلدانۋعا قارسى كورسەتىلىمى جوق 15 644 ادامنىڭ 11,9 %-ىن قۇرايدى.
باسقارماعا جۇكتەلگەن تاعى ءبىر تاپسىرماعا سايكەس, دەنە شىنىقتىرۋ جانە سپورتپەن شۇعىلدانۋشى جالپى حالىقتىڭ اراسىنان ۇلتتىق سپورت تۇرلەرىمەن اينالىساتىن ازاماتتاردىڭ ۇلەسىن 2022 جىلى 3,8% نەمەسە 15 060 ادامعا جەتكىزۋ ءتيىس-ءتىن. قازىرگى ۋاقىتتا ناقتى دەرەك بويىنشا 15 322 ادام ۇلتتىق سپورتپەن اينالىسىپ جاتىر. ياعني مەجەدە كورسەتىلگەندەي, ۇلتتىق سپورتقا دەن قويعان سپورشىلار ۇلەسى جالپى دەنە شىنىقتىرۋمەن شۇعىلدانۋشىلار ۇلەسىنىڭ 3,8%-نا جەتىپ وتىر. ماسەلەن, بۇگىنگى تاڭدا شىمكەنت قالاسىنىڭ ۇلتتىق جانە ات سپورتى تۇرلەرى بويىنشا كەشەندى سپورت كلۋبىندا 922, ءبىلىم بەرۋ مەكەمەلەرىندەگى توعىزقۇمالاق بولىمدەرىندە 11 256, ات سپورتى فەدەراتسياسىندا 2894 جانە قازاقشا كۇرەس فەدەراتسياسىندا 250 ادام ۇلتتىق سپورت تۇرلەرىمەن اينالىسىپ جاتىر.
سونداي-اق سپورتتى جانىنا سەرىك ەتكەن ازاماتتار قاتارىن كوبەيتۋ دە جەرگىلىكتى اكىمدىكتىڭ اتقاراتىن باستى شارۋاسىنىڭ ءبىرى بولىپ سانالادى. بۇل بويىنشا 2022 جىلعى جوسپار – 35,9%-عا جەتۋگە ءتيىس. ءدال قازىرگى تاڭدا جالپى قالادا دەنە شىنىقتىرۋ جانە سپورتپەن جۇيەلى تۇردە شۇعىلداناتىن ازاماتتار سانى 402 544 ادامدى نەمەسە قالا تۇرعىندارىنىڭ جالپى سانىنىڭ 36,2%-ىن قۇراپ وتىر.
ۇلتتىق «رۋحاني جاڭعىرۋ» جوباسىندا سپورت سالاسىنا قاتىستى «جاستاردى سپورتپەن قامتاماسىز ەتۋ (14-18 جاس)» جونىندە ارنايى كورسەتكىش بەكىتىلگەن. وسىعان بايلانىستى بيىلعى جىلى – 32 647 بالانى سپورتقا قاتىستىرۋ مىندەتى تۇرسا, ناقتى سان – 45 940 ادامعا جەتىپ, اتالعان جوسپار كۇتىلگەن مەجەدەن دە اسىپ ءتۇستى. ستاتيستيكالىق دەرەككە نازار اۋدارساق, قالادا 14-18 جاس ارالىعىندا 79 500 جاس بار. سونىڭ ىشىندە جالپى ءبىلىم بەرۋ مەكەمەلەرىندە – 33 106 وقۋشى, 7 جوعارى ءبىلىم بەرۋ مەكەمەسىندە 7106 ستۋدەنت, ورتا ارناۋلى ءبىلىم بەرۋ مەكەمەلەرىندە 5728 ستۋدەنت سپورتپەن تۇراقتى تۇردە اينالىسادى.
سپورتتىق سەكتسيالاردى جان باسىنا شاققانداعى قارجىلاندىرۋ بويىنشا دا تىندىرىمدى تىرلىك كوپ. بىلايشا ايتقاندا, شىمكەنت قالاسىندا 2021 جىلدىڭ II جارتى جىلدىعىنان باستاپ جان باسىنا شاققانداعى قارجىلاندىرۋ باعدارلاماسى ءساتتى ىسكە اسىرىلىپ كەلەدى.
2022 جىلى جان باسىنا شاققانداعى قارجىلاندىرۋ جوباسى نەگىزىندە مەملەكەتتىك سپورتتىق تاپسىرىستى ىسكە اسىرۋ باعىتىندا جەرگىلىكتى بيۋدجەتتەن 2 323 ملن تەڭگە قارجى بولىنگەن-ءدى. سونىڭ اياسىندا سپورتتىق سەكتسيالارعا 14 000 بالانى نەمەسە 4-پەن 18 جاس ارالىعىنداعى بالالاردىڭ جالپى سانىنىڭ 16%-ىن قامتۋ جوسپارلانعان بولاتىن.
بۇگىندە مەملەكەتتىك سپورتتىق تاپسىرىستى جان باسىنا نورماتيۆتىك قارجىلاندىرۋدىڭ پلاتفورماسىنا 130 كاسىپكەردەن ءوتىنىم كەلىپ ءتۇسىپ, ونىڭ 96-سى بىلىكتىلىك ىرىكتەۋدەن ءوتىپ, وڭ شەشىمدەرىن الدى.
قازىرگى تاڭعا دەيىن مەملەكەتتىك سپورتتىق تاپسىرىس بويىنشا اتا-انالار تاراپىنان بالالارىن 22 سپورت ءتۇرى بويىنشا (186 سپورتتىق سەكتسيادا) ۇيىرمەلەرگە بەرۋ ءۇشىن جالپى سانى 21 286 ءوتىنىش قابىلدانىپ الىندى. سونىڭ ناتيجەسىندە, 14 230 بالانىڭ اتا-اناسىمەن ارنايى كەلىسىمشارت جاسالدى. وعان سايكەس بالالار جان باسىنا قارجىلاندىرۋ باعدارلاماسى بويىنشا باسكەتبول, بوكس, ەركىن كۇرەس, گرەك-ريم كۇرەسى, دزيۋدو, كاراتە, تاەكۆوندو, ءجۇزۋ, ۇستەل تەننيسى, فۋتبول, شاحمات, كوركەم گيمناستيكا, ۆولەيبول, پاۋەرليفتينگ, قازاق كۇرەسى, فۋتزال, تەننيس سەكىلدى سپورت تۇرلەرىمەن تەگىن اينالىسادى.
سونداي-اق اتالعان جوبانىڭ كومەگىمەن 264 جاتتىقتىرۋشى جانە 150-گە جۋىق باسقا دا قىزمەتكەرلەر تۇراقتى جۇمىسپەن قامتاماسىز ەتىلدى. ەندىگى جەردە مەملەكەتتىك سپورتتىق تاپسىرىس ارقىلى 2023 جىلى 18 مىڭ (20%), 2024 جىلى 20 مىڭ (22 %) بالانى سپورتتىق سەكتسيامەن قامتاماسىز ەتۋ جوسپارلانىپ وتىر.
جوعارى سپورتتىق جەتىستىكتەر بويىنشا 2022 جىلدىڭ 7 ايىندا جەتكەن ناتيجەلەر تۋرالى اڭگىمە قوزعاساق, شىمكەنت قالاسىندا جالپى سانى 34 سپورتتىق ۇيىم جۇمىس ىستەيدى. ونىڭ 29-ى مەملەكەتتىك مەنشىكتەگى سپورت مەكەمەسى بولسا, قالعان 5-ەۋى مەملەكەت-جەكەشەلىك ارىپتەستىگى اياسىنداعى سپورتتىق نىساندار. وسى سپورت مەكەمەلەرىندە 17 944 سپورتشى جاتتىعادى جانە شتاتتىق كەستەگە ساي 925 جاتتىقتىرۋشى وقۋ-جاتتىعۋ ساباقتارىن وتكىزەدى. سونداي-اق اتالعان ۇيىمداردا سپورتتىڭ 71 ءتۇرىن دامىتۋعا دەن قويىلعان. ول 38 وليمپيادالىق, 24 وليمپيادالىق ەمەس جانە 9 ۇلتتىق سپورت تۇرلەرى.
2022 جىلدىڭ 7 ايىنىڭ قورىتىندىسى بويىنشا 3 قازاقستاننىڭ ەڭبەك سىڭىرگەن سپورت شەبەرى, 35 حالىقارالىق دارەجەدەگى سپورت شەبەرى, 179 سپورت شەبەرى, 261 سپورت شەبەرىنە ۇمىتكەر سپورتشىلار دايىندالدى. قازاقستان رەسپۋبليكاسىنىڭ ۇلتتىق قۇراما ساپىنا ەرەسەكتەر قۇراماسىنا 416, جاستار قۇراماسىنا 268, جاسوسپىرىمدەر قۇراماسىنا 201 سپورتشى ەندى.
سونىمەن بىرگە جىل باسىنان شىلدە ايىنا دەيىنگى كورسەتكىش بويىنشا قالا سپورتشىلارى ەل ىشىندەگى ءتۇرلى رەسپۋبليكالىق چەمپيوناتتارعا قاتىسىپ, 436 التىن, 397 كۇمىس جانە 412 قولا مەدال جەڭىپ الدى. جۇلدەلەردىڭ جالپى سانى 1 245 مەدال بولدى. مىسالى, ازيا چەمپيوناتتارىندا قالانىڭ جاس ورەندەرى 58 التىن, 31 كۇمىس جانە 50 قولانى قانجىعالارىنا بايلاسا (جالپى 139 مەدال), وسى ۋاقىت ارالىعىندا الەم چەمپيوناتتارىنان 28 التىن, 16 كۇمىس جانە 11 قولا مەدالمەن (جالپى 55 مەدال) تابىستى ورالدى.
دۇنيەجۇزىلىك گيمنازيادا ويىندارىنا دا 11 سپورت تۇرىنەن 23 وعلان جارىسقا ءتۇسىپ, ناتيجەسىندە 5 التىن, 3 كۇمىس جانە 2 قولا مەدالدى ولجالاپ قايتتى.
ەۋروپا چەمپيوناتتارىنا 2 سپورت تۇرىنەن 10 سپورتشى قاتىسىپ, 9 التىن, 6 كۇمىس, 4 قولا مەدال جەڭىپ الدى. سونىمەن قاتار 2022 جىلعى 1-15 مامىر كۇندەرى كاشياس-دۋ-سۋل قالاسىندا /برازيليا/ وتكەن ححIV سۋردليمپيادا ويىندارىندا ەركىن كۇرەستەن 70 كيلو سالماقتا رسالى سابىرجان مەن 65 كيلو سالماقتا پەرنەش شاديار بەلدەستى. اتالعان تارتىستى باسەكەدە رىسالى سابىرجان 2 ورىن يەلەنىپ, ەلىمىزدىڭ ابىرويىن اسقاقتاتسا, پەرنەش شاديار 5-ورىننان كورىندى.
شىمكەنت قالاسىندا بيىل وتكىزىلىپ جاتقان ءىس-شارالارعا توقتالىپ وتسەك, ءارتۇرلى جاس ەرەكشەلىكتەرى بويىنشا سپورت تۇرلەرىنەن 27 قالا چەمپيوناتى ۇيىمداستىرىلدى. بۇل چەمپيوناتتارعا بارلىق سانى 1 800 سپورتشى قاتىستى. بۇدان بولەك, قالادا ءتۇرلى سپورتتان قازاقستان رەسپۋبليكاسىنىڭ 26 چەمپيوناتى جالاۋىن جەلبىرەتتى. اتالعان ءىس-شارالارعا ەلىمىزدىڭ بارلىق وڭىرىنەن جاتتىقتىرۋشىلاردى قوسقاندا 10 مىڭنان استام سپورتشى باقتارىن سىنادى. ايتالىق, تەننيستەن ATP SHYMKENT CHALLENGER 80 حالىقارالىق ءتۋرنيرى تۋىن كوتەردى. وسى جارىستا 20 مەملەكەتتەن كەلگەن 60 سپورتشى دوداعا ءتۇستى.
سونىمەن قاتار قالا تۇرعىندارى مەن ءارتۇرلى سالا قىزمەتكەرلەرى اراسىندا 24 بۇقارالىق سپورتتىق ءىس-شارا قولعا الىندى. ول ءوز كەزەگىندە 11 400 ادامدى قامتىدى. بۇقارالىق سپورتتى دامىتۋ ماقساتىندا شىمكەنتتە باسقا دا بىرنەشە سپورتتىق جارىس ۇيىمداستىرىلدى. سولاردىڭ اراسىنان جاستار ليگاسىن ايتۋعا بولادى. جالپى, جاستار ليگاسى جوباسىنا دەگەن قىزىعۋشىلىق تۇرعىندار تاراپىنان جىلدان-جىلعا ارتىپ كەلەدى. ماسەلەن, اتالعان جارىسقا وتكەن جىلى 140 مەكتەپ قاتىسقان بولسا, بيىلعى بىرىنشىلىكتە سپورتتىڭ ءتورت تۇرىنەن قالاداعى 151 ورتا مەكتەپتىڭ 6 مىڭعا جۋىق وقۋشىسى جۇلدەلى ورىنعا تالاستى.
مەملەكەت باسشىسى قاسىم-جومارت توقاەۆتىڭ 2022 جىلدى بالالار جىلى دەپ جاريالاۋىنا بايلانىستى مەكتەپ وقۋشىلارىنىڭ بوس ۋاقىتىن ءتيىمدى پايدالانۋ جانە سالاماتتى ءومىر سالتىن قالىپتاستىرۋ ماقساتىندا شىمكەنت قالاسىنىڭ ءتورت اۋدانىنداعى سپورت الاڭشالارىندا (قالادا جالپى سانى - 346 الاڭشا بار) ءار اپتانىڭ جەكسەنبى كۇندەرى اۋدان اكىمدىكتەرىمەن بىرلەسكەن «اۋلا چەمپيوناتتارى» ۇيىمداستىرىلىپ كەلەدى. اتالعان سپورتتىق ءىس-شاراعا 5-17 جاس ارالىعىنداعى بالالار سپورتتىڭ 6 تۇرىنەن اتاپ ايتقاندا, اسىق اتۋ, لاڭگى تەبۋ, باسكەتبول دوبىن تورعا ءتۇسىرۋ, فۋتبول قاقپاسىنا دوپ تەبۋ, قىزدار اراسىندا سەكىرگىشپەن سەكىرۋ, گيمناستيكالىق شەڭبەر اينالدىرۋ بويىنشا سىنعا تۇسۋدە. «اۋلا چەمپيوناتىندا» جەڭىمپاز اتانعان بالالارعا ديپلوم, مەدال جانە كۋبوكتار تابىستالىپ, قاتىسقان بارلىق بالاعا ارنايى سىيلىقتار بەرىلەدى.
بۇگىنگە دەيىن اباي, ءال-فارابي, ەڭبەكشى, قاراتاۋ اۋداندارىندا 48 سپورت الاڭشاسىندا «اۋلا چەمپيوناتتارى» وتكىزىلدى. وعان 3 600-دەن استام بالا قاتىسىپ, 120-عا جۋىق سپورت سالاسىنىڭ ماماندارى جۇمىلدىرىلدى. «اۋلا چەمپيوناتىن» جىل سوڭىنا دەيىن شاعىن اۋداندارداعى سپورت الاڭشالارىندا ء(ار اۋداندا 32 الاڭشا ورنالاسقان) وتكىزۋ جوسپاردا بار.
قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى بۇقارالىق سپورتتى دامىتۋ جانە ناسيحاتتاۋ ماقساتىندا 2022 جىلدىڭ مامىر ايىنان باستاپ «قولجەتىمدى سپورت» جوباسىن شىمكەنت قالاسىندا ىسكە اسىرىپ كەلەدى. اتالعان جوبا مەگاپوليستەگى 4 ساياباقتا (ورتالىق, جەڭىس, مەتاللۋرگشىلەر ساياباعى جانە اباي ساياباعىندا) ۇيىمداستىرىلۋدا. وندا 12 جاتتىقتىرۋشى قالا تۇرعىندارىنا سپورتتىڭ 4 ءتۇرىن ۇيرەتىپ (سكانديناۆيالىق ءجۇرىس, ۇستەل تەننيسى, كاراتە, فيتنەس) سول بويىنشا ارنايى جاتتىعۋ جۇمىستارىن جۇرگىزەدى. قالالىق دەنە شىنىقتىرۋ جانە سپورت باسقارماسىنىڭ باسشىسى باۋىرجان تۇمانباەۆ جوبانىڭ باستى ارتىقشىلىعى تۇرعىندار سپورت سەكتسيالارىنا تەگىن قاتىسۋعا مۇمكىندىك الادى, وقىتۋدى بىلىكتى نۇسقاۋشىلار مەن جاتتىقتىرۋشىلار جۇرگىزەدى, جاتتىعۋ ۋاقىتى جۇمىستاعى ادامدار ءۇشىن وتە ىڭعايلى, ساباقتىڭ ۇزاقتىعى 1,5 ساعات ۋاقىتتى الادى جانە ەشقانداي جاس ەرەكشەلىگىنە شەكتەۋ جوق دەدى.
شىمكەنتتەگى سپورتتىق دودالاردان قازاقستان رەسپۋبليكاسى پرەزيدەنتى جانىنداعى «دارا» دارىندىلاردى قولداۋ قورى» قوعامدىق قورىنىڭ ۇيىمداستىرۋىمەن بولعان Tartyl Fest بەلتەمىرگە تارتىلۋ بويىنشا بەسىنشى رەسپۋبليكالىق سپورت فەستيۆالىن اتاپ وتۋگە بولادى.
وسى سپورت فەستيۆالىنە 2 085 قاتىسۋشى ونلاين تىركەلىپ, 624 ادام مىقتى ەكەنىن دالەلدەۋ ءۇشىن جارىستى. باسەكە ناتيجەسىندە شىمكەنتتىك ازامات ساپار بەلتەمىردە 41 رەت تارتىلىپ, رەكوردتى جاڭارتتى. ءبىر ايتا كەتەرلىگى, سىنعا تۇسكەندەر اراسىندا زەينەتكەرلەر مەن مۇگەدەكتىگى بار جاندار جانە قىزدار دا بولدى. ال جارىستىڭ ەڭ كىشكەنتاي سپورتشىسى 7 جاسار ماديحان قاجىمۇقان 13 رەت تارتىلىپ, ۇيىمداستىرۋشىلاردىڭ ارنايى سىيلىعىنا يە بولدى. سونىمەن 10 شىلدە مەن 8 قىركۇيەك ارالىعىندا وتكەن سپورتتىق ءىس-شارا ەلىمىزدىڭ 20 قالاسىندا ۇيىمداستىرىلىپ, ءار وڭىردەن 27 جەڭىمپاز انىقتالدى. ولار ءوز كەزەگىندە نۇر-سۇلتان قالاسىندا وتەتىن گراند-فينالعا قاتىساتىن بولادى. باس جۇلدەگە بەرىلەتىن سىي 54 ملن تەڭگەنى قۇرايدى. سونداي-اق گراند-فينال چەمپيوندارى Street Workout بويىنشا الەم چەمپيوناتىنا قاتىسا الادى.
قالاداعى سپورتتىق ينفراقۇرىلىم ماسەلەسى ويداعىداي شەشىمىن تاۋىپ كەلەدى. بۇقارالىق سپورتتىڭ دامۋى قاجەتتى سپورتتىق ينفراقۇرىلىمنىڭ بولۋىنا بايلانىستى ەكەنى بەلگىلى. قازىرگى ۋاقىتتا قالا بويىنشا سپورتتىق نىساندار سانى 933-كە جەتتى.
«بيىلعى بيۋدجەت ەسەبىنەن قالامىزدا 3 سپورت نىسانىنىڭ جانە جەكە ينۆەستورلار ارقىلى 4 سپورت عيماراتىنىڭ قۇرىلىس جۇمىستارى ءجۇرىپ جاتىر. بۇعان قوسىمشا 38 سپورت الاڭشاسىن پايدالانۋعا بەرۋ جوسپارلانۋدا. اتاپ ايتقاندا, اباي مەن قاراتاۋ اۋداندارىندا ارقايسىسى ون-وننان, ءال-فارابي مەن ەڭبەكشى اۋداندارىندا توعىز-توعىزدان سپورت الاڭشاسى سالىنباق.
«شىمكەنت قالاسىنداعى «مەتاللۋرگ» ستاديونىن رەكونسترۋكتسيالاۋ» قۇرىلىس جۇمىستارى دا قارقىندى ءجۇرىپ جاتىر. 2020 جىلى باستالعان ستاديون قۇرىلىسى بيىل پايدالانۋعا بەرىلەدى دەپ كۇتىلىپ وتىر. قازىرگى ۋاقىتتا, سپورتشىلار ءۇيىنىڭ قۇرىلىسى ءجۇز پايىز اياقتالدى. ال ۇلكەن سپورت زالدىڭ قاڭقاسى تۇرعىزىلىپ, قابىرعالارى قالانۋدا. اكىمشىلىك عيماراتتىڭ دا قۇرىلىسى 90% اياقتالىپ, تەك ىشكى ارلەۋ جۇمىستارى قالدى. 1 504 ورىنعا ارنالعان كورەرمەندەر ترۋبيناسىنىڭ قۇرىلىس جۇمىستارى 80% ورىندالدى. فۋتبول الاڭىنىڭ جەر جۇمىستارى دا اياقتالۋ ۇستىندە تۇر. بۇدان بولەك, شىمكەنت قالاسىنىڭ سايرام تۇرعىن الابىندا №12 سپورت مەكتەبىنىڭ قوسىمشا كورپۋسى سالىنىپ جاتىر. اتالعان نىسان بۇيىرتسا, وسى جىلى ەل يگىلىگىنە پايدالانۋعا بەرىلەدى. قازىرگى تاڭدا عيماراتتىڭ قۇرىلىس مونتاجداۋ جۇمىستارى اتقارىلۋدا.
سونىمەن بىرگە بوزارىق-3 شاعىن اۋدانىندا قالالىق №20 سپورت مەكتەبى جاس سپورتشىلارعا ەسىگىن ايقارا اشپاق. بيىل ناۋرىز ايىندا باستالعان بۇل قۇرىلىس نىسانىن سالۋعا وسى جىلى 90 ملن تەڭگە ءبولىنىپ, قاراجات تولىعىمەن يگەرىلدى. سپورت مەكتەبىنىڭ قۇرىلىسى 2023 جىلعا وتپەلى, – دەدى قالالىق دەنە شىنىقتىرۋ جانە سپورت باسقارماسىنىڭ باسشىسى ب.تۇمانباەۆ.
سونىمەن بىرگە قالادا «وتاۋ ستروي» كومپانياسىنىڭ ەسەبىنەن ۇستەل تەننيسىنە ارنالعان سپورت نىسانىنىڭ قۇرىلىسى جۇرگىزىلۋدە. جاڭا تەننيس كورتى بيىل جىل سوڭىنا دەيىن پايدالانۋعا بەرىلەدى دەگەن جوسپار بار. بۇگىنگى تاڭدا 12 ۇستەل تەننيسى جابدىعىنا تاپسىرىس بەرىلىپ, ول شامامەن ءبىر اي كولەمىندە جەتكىزىلەتىن بولادى.
ال ەلىمىزگە بەلگىلى قۇرىلىس كومپانياسى BI Group بولسا قالادا ءىرى قۇرىلىس نىسانىنىڭ ءبىرى يپپودرومنىڭ ىرگەتاسىن قالاۋدا. بۇگىنگى تاڭدا اتشابار كەشەنىنىڭ توبەسى جابىلىپ, بايگە الاڭى تەگىستەلىپ, ارنايى توسەنىشتەر توسەلىپ جاتىر. سونداي-اق زاماناۋي ۇلكەن اتقورا سالىنىپ, ىشكى ارلەۋ-سىرلاۋ جۇمىستارى ءبىتۋدىڭ از-اق الدىندا تۇر.
قالادان بوي كوتەرىپ جاتقان تاعى ءبىر نىسانعا توقتالساق, SPORT LIFE فۋتبول ورتالىعىنىڭ قۇرىلىسى مەگاپوليستىڭ ورىنباەۆ پەن ع.يلياەۆ كوشەلەرىنىڭ قيىلىسىندا ورنالاسقان. اتالعان سپورت ورتالىعىندا 4 فۋتبول انگارى بولادى. وسى اتالعان سپورتتىق نىساندار قۇرىلىسى اياقتالعان جاعدايدا قوسىمشا 43 346 شارشى مەتر جاڭا سپورت عيماراتتارى پايدالانۋعا بەرىلىپ, قالانى سپورتتىق ينفراقۇرىلىممەن قامتۋ كورسەتكىشى 56,6%-عا جەتەتىن بولادى.
