ءوڭىر تۇرعىندارى مال جايىلىمى ءۇشىن جەر جەتىسپەيتىنىنە بىرنەشە رەت شاعىمدانعان. پروكۋراتۋرا قىزمەتكەرلەرى پانفيلوۆ اۋدانىنىڭ جەرلەرى بولىنگەن 40 ينۆەستيتسيالىق جوباعا مونيتورينگ جۇرگىزدى. ناتيجەسىندە 11 مىڭ گەكتار جەر يگەرىلمەگەن كۇيىندە قالعانى انىقتالدى.
ء«بىز بۇل جەرلەردى ۆيزۋالدى تەكسەرۋدەن وتكىزدىك. اۋماعى شامامەن 5 مىڭ گەكتار جانە قۇنى 90 ملن تەڭگەگە جۋىق بەس جەر ۋچاسكەسى ءبولىندى. ماسەلەن, فيرمالاردىڭ ءبىرى ينۆەستيتسيالىق جوبانى ىسكە اسىرۋ ءۇشىن 8 مىڭ گەكتار جەر الدى. الايدا ولار يگەرىلمەي قالعان», دەپ حابارلادى پروكۋراتۋرادان.
وسىلايشا, 11 مىڭ گا جەر رەسمي تۇردە ينۆەستيتسيالانباعان دەپ تانىلىپ, مەملەكەتتىك جەر قورىنىڭ بالانسىنا قايتارىلدى.
