بەحور بارۋحتىڭ جالپى رەداكتسياسىمەن شىققان قاسيەتتى كىتاپتىڭ ەرەتس يسراەلدە 1997 جىلعى تۇپنۇسقاسى ورىس تىلىنە اۋدارىلعان. ەۋرازيا ۇلتتىق ۋنيۆەرسيتەتىنىڭ پروفەسسورى نۇرتاس يمانقۇلوۆ اۋدارماعا 5 جىل جۇمساعان.
ايتا كەتەتىن جايت, اتالعان ەڭبەك نۇر-سۇلتان قالاسىندا 14-15 قىركۇيەك كۇندەرى وتەتىن الەمدىك جانە ءداستۇرلى دىندەر كوشباسشىلارىنىڭ VII سەزى قارساڭىندا جارىق كورىپ وتىر.
ء«تاۋرات» ءسوزىنىڭ ءتۇبىرى وقىتۋ, تاربيە, نۇسقاۋ جانە زاڭ دەگەن ماعىنانى بىلدىرەدى. كىتاپ ءدىن سالاسىنىڭ قىزمەتكەرلەرىنە, ءدىنتانۋشى عالىمدارعا جانە دىنگە قىزىعۋشىلىق تانىتاتىن بارشا وقىرمانعا ارنالعان.
ءتاۋراتتى تۇڭعىش رەت قازاق تىلىنە اۋدارعان پروفەسسور نۇرتاس يمانقۇلوۆ – كوپتەگەن كىتاپتىڭ اۆتورى. ونىڭ تۋىندىلارىنىڭ قاتارىندا «ەۆرەيلەر تاعىلىمى» جانە «قازاقيا فيلوسوفياسى» باسىلىمدارى بار.
