الدىمەن باۋىرلاس حالىقتاردىڭ وكىلدەرى ەرتىس جاعالاۋىنا بارىپ, تاتار حالقىنىڭ كورنەكتى اقىنى عابدوللا توقايدىڭ بيۋستىنە گۇل شوقتارىن قويدى. سونىمەن قاتار ۇلى ابايدىڭ ەسكەرتكىشىنە ايالداپ, حاكىمنىڭ رۋحىنا تاعزىم ەتتى.
سابانتويعا وراي بەيبىتشىلىك ارالىندا ەكى جاقتىڭ باستاماسىمەن شاعىن ەتنواۋىل سالىنعانىن ايتا كەتكەن ورىندى. مۇندا تاتارستان رەسپۋبليكاسىنىڭ اقتانىش اۋدانىنىڭ قولداۋىمەن ۇلتتىق بۇيىمدارمەن بەزەندىرىلگەن ەتنوۇي, ديىرمەن, كونە مونشا ورنالاستىرىلىپ, مەرەكەنىڭ ءسانىن كەلتىردى. جينالعان حالىق الىپ ساماۋرىننان شاي ءىشىپ, تاتار حالقىنىڭ ۇلتتىق تاعامدارىنان ءدام تاتۋعا مۇمكىندىك الدى.
اباي وبلىسىنىڭ اكىمى نۇرلان ۇرانحاەۆ جانە تاتارستان رەسپۋبليكاسىنىڭ مەملەكەتتىك كەڭەسىنىڭ توراعاسى فاريد مۇحامەتشين شىرشا كوشەتتەرىن ەگىپ, تۋىس حالىقتاردىڭ مادەني بايلانىسىنان بولەك, ەكىجاقتى الىس-بەرىس پەن بارىس-كەلىستى قۇنتتاۋدىڭ ءتيىمدى جولدارىن تالقىلادى.
«سەمەي قالاسىندا سابانتويدى وتكىزۋدىڭ جاقسى ءداستۇرى قالىپتاسقان. بيىلعى مەرەكەنىڭ ەرەكشەلىگى سول, ول جاڭادان قۇرىلعان اباي وبلىسىندا العاش رەت كەڭ اۋقىمدى دەڭگەيدە وتكىزىلىپ وتىر. دوستىق, باۋىرلاستىق بايلانىستارىمىز ەكونوميكالىق ىنتىماقتاستىققا ۇلاسادى دەگەن ۇمىتتەمىز. ايتالىق, ءبىز ءۇشىن قازانداعى اباتتاندىرۋ تاجىريبەسى وتە قىزىقتى. وسى باعىتتا جۇمىس ىستەۋگە نيەتتىمىز», دەدى ن.ۇرانحاەۆ.
ءوز كەزەگىندە تاتارستان رەسپۋبليكاسىنىڭ مەملەكەتتىك كەڭەسىنىڭ توراعاسى باۋىرلاس ۇلتتاردىڭ بەيبىتشىلىك پەن كەلىسىمدە ءومىر ءسۇرىپ جاتقانى قۋانتاتىنىن جەتكىزدى. ء«بىز ءۇشىن قازاقستاننىڭ پرەزيدەنتى قاسىم-جومارت توقاەۆتىڭ قازانعا كەلگەن كەزدەگى قول جەتكىزگەن ۋاعدالاستىقتاردى بەكىتىپ, ساقتاۋ وتە ماڭىزدى», دەدى ف.مۇحامەتشين.
اتالعان مەرەكەگە بايلانىستى سەمەيدە تاتار ونەر مەكتەبىنىڭ جاڭا عيماراتى پايدالانۋعا بەرىلگەنىن ايتا كەتۋ كەرەك. بۇل ەكىجاقتى ىنتىماقتاستىقتىڭ تاعى ءبىر جەمىسى دەيدى كورشىلەس ەلدىڭ وكىلدەرى. ونەر مەكتەبىنىڭ تالانتتى وقۋشىلارى كەلگەن مەيماندارعا مەرەكەلىك كونتسەرت ۇسىندى.
وبلىس ورتالىعىندا وتكەن سابانتوي مۋزىكالىق باعدارلامامەن, ءتۇرلى ويىن كونكۋرستارىمەن, سونداي-اق سپورتتىق جارىستارمەن جالعاستى.
اباي وبلىسى
