وبلىستىڭ اۋىل شارۋاشىلىعى وندىرۋشىلەرى ءوز ونىمدەرىن دەلدالسىز تىكەلەي ساتادى, سونىڭ ناتيجەسىندە ءونىمنىڭ باعاسى 10-20%-عا تومەن.
ءار دەمالىس كۇنى تاڭەرتەڭنەن ەلوردالىقتار قالاداعى باستى جارمەڭكەگە اسىعادى. ونداعى ماقسات – ەندى پىسكەن كۇزگى باقشا ونىمدەرىن الۋ. ال بۇگىن قىزىلوردا ءوڭىرىنىڭ اق مارجانى, ارالدىڭ بالىعى ساۋدانى قىزدىردى. مۇنداعى سارى ماي, ىرىمشىك, قۇرت, ەت پەن شۇجىق جانە كوكونىستەر نارىقتىق باعادان 15-20 پايىز تومەن ساۋدالانۋدا. جالپى, ەلورداداعى اۋىل-شارۋاشىلىعى ونىمدەرىنىڭ جارمەڭكەسىنە قىزىلوردا وبلىسىنان 500 توننادان استام ءونىم جەتكىزىلدى.
«قىزىلوردا وبلىسىنان جارمەڭكەگە 70-تەن اسا كاسىپكەرلەر قاتىسىپ وتىر. 500-دەن اسا تاۋار, اۋىل شارۋاشىلىعى ونىمدەرىن اكەلىپ وتىر. جارمەڭكە نەگىزى قالاداعى ازىق-ت ۇلىكتى قامتاماسىز ەتۋگە, باعانى تۇراقتاندىرۋعا باعىتتالعان. قازاقستاننىڭ بارلىق وبلىستارىنىڭ قاتىسۋىمەن بولادى. قاراشا ايىنا دەيىن جالعاسادى. كەلەسى اپتادا الماتى وبلىسى مەن جەتىسۋ وبلىستارىنىڭ اۋىل شارۋاشىلىعى ونىمدەرىن كۇتىپ وتىرمىز. ءار سەنبى-جەكسەنبى سايىن كەزەكپەن وبلىستار كەلىپ وتىرادى», دەدى قالالىق ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى قۋانىش ساپاروۆ.
جارمەڭكەدە ايماقتا وندىرىلەتىن وتاندىق ونىمدەردى قولداۋ ماقساتىندا ارنايى اۋىل شارۋاشىلىعى ونىمدەرىنىڭ كورمەسى ۇيىمداستىرىلعان.
سىردىڭ ديحاندارى مەن كاسىپورىندارى 50 جۇك اۆتوكولىگىمەن جالپى قۇنى 200 ملن تەڭگەنى قۇرايتىن 500 توننادان استام ءونىم تۇرلەرىن ەلورداعا جەتكىزدى. ونىڭ ىشىندە 100 توننا كۇرىش, 15 توننا ەت جانە 30 توننا بالىق ونىمدەرى, 80 توننا كوكونىس پەن جەمىس-جيدەكتەر, 210 توننا باقشا ونىمدەرى, 50 توننا اسقاباق, 3 توننا اس تۇزى, 10 توننا ءسۇت ونىمدەرى, 5 تونناعا جۋىق كونديتەر ونىمدەرى قويىلعان.
«بۇگىنگى جارمەڭكەگە ءۇش ءتۇرلى بۇقتىرىلعان ەت, ەكى ءتۇرلى كۇرىش, قاراقۇمىق جانە اسقاباق, ءسابىز شىرىنىن, بالالار تاعامىن اكەلدىك. ولاردىڭ بارلىعى – ەش قوسپاسىز, ەكولوگيالىق تازا, ساپاسى جوعارى ونىمدەر. قولجەتىمدى ارزان باعامەن ساتىپ جاتىرمىز. حالىققا تازا تابيعي ءونىم ۇسىنۋ – تەحنولوگ رەتىندەگى باستى قاعيدام. مۇندا ادامدار كوپتەپ كەلۋدە. ۇسىنىپ وتىرعان باعامىز ولاردىڭ كوڭىلىنەن شىعۋدا», دەيدى قىزىلوردا وبلىسىنداعى باس تەحنولوگ قۋات شاكيزباەۆ.
جارمەڭكەگە كەلۋشىلەر قىزىلوردا وبلىسىنىڭ برەندىنە اينالعان اق كۇرىشى مەن بالىعىن, اس تۇزى, قاۋىنى مەن قاربىزىن قىزىعۋشىلىقپەن الىپ جاتىر.
«ەلوردادا اپتا سايىن وتەتىن وڭىرلەردىڭ اۋىل شارۋاشىلىعى جارمەڭكەسىن جىبەرمەي كەلىپ تۇرامىن. قالا تۇرعىندارى ءۇشىن قىزىلوردانىڭ برەندىنە اينالعان كۇرىش كەلىپ جاتىر. ماي مەن شۇباتتا الدىم. شۇباتتىڭ ءليترى 1000 تەڭگەدەن ەكەن. باعاسى وتە قولجەتىمدى دەپ ويلايمىن. مۇندا قازالىنىڭ كامپيتتەرى, تاتتىلەرى جانە بالىق ونىمدەرى دە بار ەكەن. ارزان باعامەن قاۋىن-قاربىز دا الدىم. سونداي-اق, مۇندا كورمە ۇيىمداستىرىلىپ جاتىر. كورمەدە ۇسىنىلعان تاماقتىڭ ءدامىن تاتىپ كورىپ, ۇناسا الۋعا بولادى. بارلىعى حالىقتىڭ قامى ءۇشىن جاسالىپ جاتىر. نۇر-سۇلتان قالاسى اكىمدىگىنە تۇرعىنداردىڭ جاعدايىن ويلاپ, وسىنداي جارمەڭكەلەر ۇيىمداستىرىپ جاتقاندارىنا العىسىمىزدى بىلدىرەمىز», دەيدى قالا تۇرعىنى اينۇر جۇماتاەۆا.
سونىمەن قاتار, جارمەڭكەدە قىزىلوردالىق ونەرپازدار اننەن شاشۋ شاشىپ, ەلوردالىقتارعا كوتەرىڭكى كوڭىل-كۇي سىيلاۋدا.
جارمەڭكە اياسىندا قىزىلوردا وبلىسى اكىمدىگىنىڭ باستاماسىمەن قايىرىمدىلىق ءىس-شاراسى ۇيىمداستىرىلىپ, كومەككە مۇقتاج وتباسىلارعا ازىق-ت ۇلىك سەبەتتەرىن تاراتتى.
«بۇگىنگى اكتسيا بويىنشا قىزىلوردا وبلىسىنان ازىق-ءت ۇلى تولتىرىلعان 80 سەبەت بەرىلدى. ونىڭ ىشىنە 10 كەلى كۇرىش, 2 كەلى ماكارون, 5 كەلى كارتوپ, 5 كەلى پياز, اسقاباق جانە قاۋىن 1 دانادان سالىندى. بۇل اكتسياعا سارىارقا اۋدانى اكىمدىگىنەن ۆولونتەرلەر قاتىستى. بارلىق ازىق-ت ۇلىك سەبەتى تۇرمىسى تومەن, الەۋمەتتىك وسال توپتاعى ءتيىستى ادامدارعا جەتكىزىلەدى. بۇل اكتسيا نۇر-سۇلتان قالاسى اكىمدىگىنىڭ قولداۋىمەن ءوتىپ جاتىر.مەيلىنشە كوپ وتباسىنى قامتۋعا تىرىسۋدامىز. جارمەڭكە جوعارى دەڭگەيدە وتۋدە», دەيدى قالالىق اكىمدىكتىڭ وكىلى ەراسىل قايراتوۆ.
ەستەرىڭىزگە سالا كەتەيىك, جارمەڭكە ەكى كۇنگە سوزىلادى – 10 جانە 11 قىركۇيەك كۇندەرى. وتەتىن ورنى: تۇران, 48 مەكەنجايى بويىنشا ورنالاسقان «استانا-ارەنا» ستاديونىنىڭ جانىنداعى الاڭ.
