تەكسەرۋ سىرتقى ەكونوميكالىق قىزمەتتىڭ (بۇدان ءارى – سەق) جەكەلەگەن قاتىسۋشىلارى قىتاي حالىق رەسپۋبليكاسىنان تاۋارلاردى اكەلۋ نارىعىن مونوپوليالاندىرىپ العانىن كورسەتتى.
«ولاردىڭ ارقايسىسى بەلگىلى ءبىر تاۋارلارعا (اياق كيىم, كيىم, قوسالقى بولشەكتەر, تەحنيكا, جەمىستەر, كوكونىستەر جانە ت.ب.) ماماندانىپ, ەلدىڭ ناقتى ايماقتارىن ءوز اراسىندا بولگەن.
كەدەندىك تولەمدەردى تولەۋدەن جالتارۋ ءۇشىن يمپورتتاۋشىلار توبى 2019-2021 جىلدارى قازاقستان رەسپۋبليكاسىنداعى كەدەندىك رەتتەۋ تۋرالى كودەكستىڭ تالاپتارىن بۇزا وتىرىپ, اكەلىنەتىن تاۋارلاردىڭ قۇنىن جۇيەلى تۇردە تومەندەتىپ وتىرعان», دەلىنگەن ءباسپاسوز حابارلاماسىندا.
باس پروكۋراتۋرانىڭ ۇسىنۋى بويىنشا مەملەكەتتىك كىرىستەر كوميتەتى 10 كومپانياعا 107 ملرد تەڭگە سوماعا كەدەندىك تولەمدەر مەن سالىقتاردى قوسىمشا ەسەپتەۋ تۋرالى حابارلاما بەردى.
سونىمەن قاتار انىقتالعان بۇزۋشىلىقتار بويىنشا قىلمىستىق كودەكستىڭ 236-بابى – كەدەندىك تولەمدەر مەن سالىقتاردى تولەۋدەن جالتارۋ بويىنشا سوتقا دەيىنگى تەرگەپ-تەكسەرۋ باستالدى.
«بۇگىنگى تاڭدا سەق-تىڭ 7 قاتىسۋشىسى («Tex Alliance», «Almobi Group», «ەحرگەѕѕ كەدەن سەرۆيس», «Group of the companies TDA», «Ai-To Progress», «Global Logistics Ved» جانە «TL NIKA كەدەن» جشس) قابىلدانعان شارالاردىڭ ناتيجەسىندە بيۋدجەتكە 21 ملرد تەڭگە قايتاردى.
قالعان قوسا ەسەپتەلگەن سومالاردى ءوندىرىپ الۋ, ونىڭ ىشىندە اتالعان كومپانيالاردىڭ كەپىلدىك مۇلكى ەسەبى ارقىلى جالعاسۋدا», دەلىنگەن حابارلامادا.
