ءورت تۋرالى سۋىت حابار قاس قارايا تۇسكەن. وندا زەرەندى اۋدانىنداعى ۇلتتىق پارككە تيەسىلى ورمان القابىندا ءورت شىققانى حابارلانعان. ىلە وبلىس اكىمى ەرمەك مارجىقپاەۆتىڭ تاپسىرماسى بويىنشا جەدەل شتاب قۇرىلدى.
اتباسار, ساندىقتاۋ اۋداندارىنىڭ ورتكە قارسى بولىمدەرى دە ىلە كەلىپ جەتتى. سونداي-اق كوكشەتاۋ قالاسىنان دا قۇرامىندا 30 ادامى بار ءورت سوندىرۋشىلەر توبى اتتاندىرىلعان. وقيعا ورنىندا قىزىل جالىننىڭ بەتىن قايتارۋعا جۇمىلا كىرىسىپ, قاجىر-قايرات تانىتىلعانىمەن, سەكۋندىنا 15 مەتر جىلدامدىقپەن سوققان جەل ءبىراز ۋاقىت بوگەت بولدى. 200-دەن استام ادام ورمان ورتىمەن كۇرەستى. ءورت سوندىرۋشىلەرمەن بىرگە ەرىكتىلەر دە, ازاماتتىق قورعانىس اكادەمياسىنىڭ كۋرستانتتارى دا قولۇشىن بەردى.
الدىن الا جاسالعان بولجامعا قاراعاندا ءورت دالا جولىنىڭ بويىنان شىققانعا ۇقسايدى. كوك وسكىننىڭ ءبارى قۋراپ تۇرعان, ءورت قاۋپى مول كۇزدە وكپەك جولاۋشىنىڭ ويلانباي تاستاي سالعان جالعىز تال تەمەكى تۇقىلىنىڭ ءوزى وسىنداي زارداپقا الىپ كەلۋى ابدەن مۇمكىن. جالپاق جۇرتتىڭ ماقتانىشىنا اينالعان – تاماشا تابيعاتىمىزعا زيان تيگىزبەۋ جايىن ويلاۋىمىز كەرەك.
اقمولا وبلىسى,
زەرەندى اۋدانى
