ۇلتتىق بانك بازالىق ستاۆكانى وزگەرىسسىز قالدىردى

ۇلتتىق بانكتىڭ حابارلاۋىنشا, لوگيستيكالىق قىزمەت قۇنىنىڭ وسۋىنە, ساۋدا-سەرىكتەس ەلدەردەگى جوعارى ين­فليا­تسياعا جانە رۋبلگە قاتىستى تەڭ­گە كۋرسىنىڭ السىرەۋىنە بايلانىس­تى تۋىنداعان سىرتقى قىسىم ءالى ساق­تالىپ وتىر. بۇل رەتتە ۇلتتىق بانك 2022 جىلدىڭ باسىنان باستاپ بازالىق مولشەرلەمەنىڭ ايتارلىقتاي ارتۋىنىڭ ەكونوميكاعا اسەرى ءالى دە بولسا سوڭىنا دەيىن بايقالمادى دەپ مالىمدەدى. تامىزدا ينفلياتسيا 16,1 پايىزعا دەيىن جەدەلدەدى. ازىق-ت ۇلىك تاۋارلارى – 20,8 پايىزعا, ازىق-ت ۇلىككە جاتپايتىن تا­ۋارلار – 15,5 پايىزعا, اقىلى قىزمەتتەر 10,1 پايىزعا وسكەن.

حالىقارالىق ۆاليۋتا قورىنىڭ بولجامى بويىنشا, الەمدىك ەكونوميكا 2021 جىلعى 6,1 پايىزدان 2022 جىلى 3,2 پايىزعا دەيىن جانە 2023 جىلى 2,9 پايىزعا دەيىن باياۋلايدى. قازاقستاننىڭ نەگىزگى ساۋدا ارىپتەسى سانالاتىن ەلدەر (ەو, قىتاي, رەسەي) بويىنشا 2022-2023 جىلدارعا ارنالعان بولجامدار دا ناشارلادى.

«الەمدە تۇتىنۋشىلىق ينفلياتسيا جوعارى دەڭگەيدە قالىپ وتىر. ەو-دا 2022 جىلعى شىلدەدە جىلدىق ينفلياتسيا 9,8 پايىزعا دەيىن جەدەلدەدى. اقش-تا مۇناي باعاسىنىڭ ءبىرشاما تومەندەۋى سالدارىنان ينفلياتسيا 8,5 پايىزعا دەيىن باياۋلادى. حالىقارالىق ۆاليۋتا قورىنىڭ 2022-2023 جىلدارعا ارنالعان جاھاندىق ينفلياتسيا بويىنشا بولجامدارى باعانىڭ بۇرىن كۇتىلگەننەن دە تەزىرەك ءوسۋىن كوزدەيدى. الەمدىك مۇناي نارىعىندا مۇناي باعاسىنىڭ جوعارى دەڭگەيى ساقتالادى دەپ كۇتىلۋدە. حا­لىق­ارالىق ۇيىمداردىڭ بولجامى بويىنشا, جاقىن ارادا بەنزين مەن وزگە دە ەنەرگيا كوزدەرىنە باعانىڭ جو­عارى بولۋىنا بايلانىستى سۇرانىس ازداپ تومەندەۋى ىقتيمال. مۇناي ءوندىرۋ بىرتىندەپ ارتادى, بىراق بۇل اسەر رەسەي مەن تاياۋ شىعىس ەلدەرىندەگى ءالسىز مۇناي وندىرۋمەن تەڭەستىرىلەدى. بولجام بويىنشا, 2022 جىلى Brent ماركالى مۇناي باعاسى ورتاشا ەسەپپەن 1 باررەل ءۇشىن – 105,3 دوللاردى, ال 2023 جىلى 1 باررەل ءۇشىن 90,3 دول­لاردى قۇرايدى. وسى فاكتورلار مەن بولجامداردى ەسكەرە وتىرىپ, بازا­لىق ستسەناري اياسىندا Brent مار­كالى مۇناي باعاسىن 2023 جىلى اعىم­دا­عى دەڭگەيدەن باررەلىنە 90 دوللار جانە 2024 جىلى باررەلىنە 85 دوللار ورتاشا بەلگىسىنە دەيىن بىرتىندەپ تومەندەتۋ تراەكتورياسى بەلگىلەندى», دەپ مالىمدەدى ۇلتتىق بانك.

قازىرگى العىشارتتاردى ەسكەرە وتىرىپ, 2022 جىلدىڭ سوڭىنا تامان ينفلياتسيا 16-18 پايىز ارالىعىندا بول­جانادى. بۇل – ۇلتتىق بانكتىڭ الدىڭ­عى باعالارىنان جوعارى. 2023 جىلى ينفلياتسيا بىرتىندەپ 7,5-9,5 پا­يىزعا دەيىن باياۋلاماق.

«بىرىنشىدەن, اعىمداعى اقشا-نەسيە ساياساتىن قولداۋ فاكتورلارىنىڭ ءبىرى ۇلتتىق بانكتىڭ نەسيەلىك ءيمپۋلستى باسۋ تۋرالى مالىمدەمەسىنە قاراماستان, ەكونوميكانى نەسيەلەندىرۋدىڭ ودان ءارى ءوسۋى بولدى. بيىل شىلدەدە ەكونوميكاعا بەرىلگەن كرەديت جىلدىق ماندە 27,1 پايىزعا, 20,4 ترلن تەڭگەگە دەيىن ءوستى. ۇلتتىق بانك 1 تامىزدان باستاپ ەكونو­ميكانى نەسيەلەۋ بويىنشا كەڭەي­تىلگەن ستاتيستيكانى بەرە باستادى. وسى­لايشا, باسقا دا قارجىلىق ۇيىم­دار­دى قوسا ەسەپتەگەندە ەكونوميكانى نەسيەلەۋدىڭ جالپى سوماسى 24,2 ترلن تەڭگەگە جەتتى. ەكىنشىدەن, بۇل شە­شىم­نىڭ ماڭىزدى درايۆەرى رەتىندە ۇلتتىق بانكتىڭ تەڭگەلەي دەپوزيت­تەر­دى قورعاۋ نيەتىن ايتار ەدىك. بۇل شارا­لار تەڭگەلەي دەپوزيتتى ارتتىرىپ, دوللارلىق سالىمداردى ازايتتى. ماۋسىمنان بەرى تەڭگەلەي دەپوزيتتىڭ ءوسىمى بايقالادى, ول قازىر 28,1 ترلن تەڭگەگە جەتتى», دەدى ۇلتتىق بانك تور­ا­عا­سى عالىمجان ءپىرماتوۆ بازالىق ستاۆ­كا جايلى شەشىمگە قاتىستى پىكىر بىل­­دىرە وتىرىپ.

ونىڭ سوزىنە قاراعاندا, اعىمداعى باعامدى ساقتاۋ جانە قاتاڭ اقشا-نەسيە ساياساتىن جالعاستىرۋ ۆاليۋتا نارى­عىن­داعى تەپە-تەڭدىكتى ساقتاۋعا ىقپال ەتەدى.

ۇلتتىق بانكتىڭ اقشا-كرەديت ساياساتى كوميتەتىنىڭ بازالىق مولشەرلەمە جونىندەگى كەزەكتى جوسپارلى شەشىمى 2022 جىلعى 24 قازاندا نۇر-سۇلتان ۋاقىتىمەن 14:00-دە جاريالانادى.