قوعام • 06 قىركۇيەك، 2022

جالعىزدىق جاراسى

690 رەت كورسەتىلدى

ءبىر جاپىراق قاعازعا جازىلعان سوڭعى ءسوز. ەكى دۇنيەنىڭ اراسىنداعى شەشۋشى ءسات. ءۇش ۇيىقتاسا تۇسىنە كىرىپ كورمەگەن ءماج­بۇر­لى شەشىم. ءتورت قۇبىلاسى تۇگەل بولماعاندىقتىڭ سالدارى. بەس كۇن جالعانداعى با­قىت­سىزدىق. التى بانكتەن العان نەسيە. جەتى جاس­تاعى اۋرۋ بالاسىنىڭ جان قينا­لى­سى. سەگىزىنشى قابات. قوش بول، ءومىر...

جەتىنشى قاباتتا ورنالاسقان كابينەتىمنىڭ تەرەزەسىنەن تومەنگە كوز تاستاپ، قوعامنىڭ قوتىرىنا اينالعان سۋيتسيد تۋرالى تاعى دا ويعا الدىق. وزىنە قول جۇمساعان ادام «اقتىق شەشىمدى» قابىلداۋ ءۇشىن قانشا ۋاقىت ويلانعانىن كىم ءبىلسىن، ءبىز ءبىراز ويلاندىق. كوپشىلىك ۇقساپ داتتاۋعا ەمەس، ء«ماجبۇرلى تاڭ­داۋعا» جەتكىزبەۋدىڭ جولىن ىزدەۋگە تىرىس­تىق.

ستاتيستيكالىق دەرەكتەردى ساپىرىپ مي اشىتقىمىز جوق. ەلىمىزدەگى سۋيتسيد حاقىندا ينتەرنەتى دۇرىس جۇمىس ىستەمەيتىن اۋىلداعى قاراپايىم تۇرعىننىڭ ءوزى سايراي جونەلەر. اۋىل دەمەكشى، شالعاي ەلدى مەكەندەردە تاعدىر تاۋقىمەتىنە تاپ بولعانداردىڭ ءوز قوراسىندا اسىلىپ قالۋ وقيعالارى از ەمەس. قاتارداعى ادامنىڭ ءبىرى بولعاندىقتان مۇنداي جاعدايلار اۋىلدىڭ سىرتىنا شىعا قويمايدى. ال لاۋازىمدى تۇلعالاردىڭ وزىنە قول جۇمساۋى، اسكەردەگى سۋيتسيد، شاھارداعى كوپقاباتتى تۇرعىن ۇيلەردىڭ تەرەزەسىنەن سەكىرۋ دەرەكتەرى ەلدى ەلەڭ ەتكىزىپ، الەۋمەتتىك جەلىدە جەلدەي ەسىپ تۇر. ماماندار دا قازاقستانداعى سۋيتسيد ستاتيستيكاسىنا سەنۋگە بولمايتىنىن العا تارتادى. سەبەبى ءبىزدىڭ قوعامدا ءوز-وزىنە قول سالعانداردى نەمەسە سوعان ارەكەتتەنگەندەردى ايىپتاپ، سىرتىنان عايباتتاۋ كوپ. مۇنى ەسكەرگەن مارقۇمنىڭ جاقىندارى ءولىم سەبەبىن سۋيتسيدپەن بايلانىستىرماۋعا تىرىسادى. دەمەك، كەي دەرەكتەر ارنايى ستاتيستيكاعا ىلىنبەي قالادى دەگەن ءسوز.

الماتىدا توعىزىنشى قاباتتان 3 بالاسىن قۇشاقتاپ تومەنگە قۇلديلاعان انانىڭ ارەكەتىن ۇمىتا قويعان جوقپىز. جۋىردا سول شاھاردا جامان اۋرۋعا شالدىققان 26 جاستاعى بويجەتكەن 25-قاباتتان سەكىرىپ كەتتى. انىعى سول، ءوز-وزىنە قول جۇمساۋدىڭ سەبەبى كوبىنە الەۋمەتتىك پروبلەمالارمەن بايلانىستى. قارنى توق، كويلەگى كوك ادامدار سۋيتسيد جاساعانداردىڭ ارەكەتىن تۇسىنبەۋى مۇمكىن. تۇسىنبەيدى دە. وزىڭىزگە سۇراق قويىپ كورىڭىزشى. جۇيكەڭىز قانشالىقتى مىقتى؟ اۋىر سىناققا سىنباي، سوڭىنا دەيىن كۇرەسە الاسىز با؟ ءسال دە بولسىن ويلانىپ قالعان شىعارسىز...

ادامنىڭ جاراتىلىسى قىزىق عوي. وسى ءار ادامنىڭ ىشىندە ءسۋيتسيدتىڭ دانەگى جاتاتىن سياقتى. سابىر ساقتاپ، قيىن ساتتەرگە توزە بىلسەڭ دانەكتىڭ الەگى جوق. كەرىسىنشە، اشۋعا بوي الدىرىپ، سىناققا سىنىپ، جاقسىلىقتان كۇدەر ۇزسەڭ، دانەك تامىر جايىپ، سەنىڭ قينالعانىڭنان ءنار الىپ، تۇبىڭە جەتەتىندەي كورىنەدى. ءسۋيتسيدتىڭ دانەگى تولىق پىسكەندە اقىلىڭنان اداسىپ، شەشۋشى ءسات تاقالعانىن دا سەزبەسسىڭ. ءتىپتى وزىڭە قول جۇمساۋ ءۇشىن ماس بولۋدىڭ دا، ەسىرتكىدەن ءدام تاتۋدىڭ دا قاجەتى بولماي قالادى. ارينە، بىزدىكى بولجام ءھام پايىمداۋ عانا.

سونىمەن، كەسەلمەن كۇرەسۋ ءۇشىن نە ىستەۋ كەرەك؟ «جۇرتتىڭ بالاسىن قاراشى» دەپ وزگەمەن سالىستىرۋعا اسىقپىز عوي. بايقايسىز با، وسى شەتەلدە پسيحولوگ مامانداردىڭ مارتەبەسى بيىك. ءار وتباسىنىڭ جەكە پسيحولوگى بار. كەز كەلگەن سترەستىك جاعدايدا سولاردىڭ كومەگىنە جۇگىنۋگە تىرىسادى. ايتقانىن بۇلجىتپاي ورىندايدى. سەنەدى، ءسويتىپ، بار قيىندىقتى جەڭىپ شىعادى. جوعارىدا ءوز-وزىنە قول جۇمساۋدىڭ سەبەبى كوبىنە الەۋمەتتىك پروبلەمالارمەن بايلانىستى ەكەنىن جازدىق. شىن مانىندە، ەلىمىزدە سۋيتسيدكە يتەرمەلەيتىن نەگىزگى سەبەپ – جالعىزدىق ەكەن. بۇل – دەپرەسسيانىڭ بەلگىسى. ياعني بىزگە پسيحولوگتەردىڭ جۇمىسىن وڭ جولعا قويۋ كەرەك سياقتى. جاسى­را­تىنى جوق، مەكتەپتەگى پسيحولوگتەر بالالارمەن جۇيەلى جۇمىس ىستەپ جاتىر دەۋگە سەنۋ قيىن. ءارى كەتسە پسيحولوگيالىق تەست الار. سونىڭ نەگىزىندە جۇيكە جۇيەسى السىزدەۋ وقۋشىلارمەن جۇمىس ىستەر. بالكىم، ولاردى دا كىنالاپ كەرەك ەمەس شىعار. ساعاتى از بولۋى مۇمكىن. مەكتەپتى بىتىرگەننەن كەيىن پسيحولوگپەن اسكەرگە شاقىرعاندا عانا جولىعاسىڭ. كەيىن ءتىس دارىگەرىنە، كوز دارىگەرىنە بارارمىز، بىراق پسيحولوگتىڭ تابالدىرىعىن اتتاپ باس­پايتىنىمىز وتىرىك پە؟ سىركەمىز سۋ كوتەرمەي جۇرەتىنى دە سودان با ەكەن؟ پسيحولوگ دەسە، تىزەدەن بالعامەن سوعاتىن ادام ەلەستەيدى ءوزى. پسيحولوگپەن سىرىڭدى بولىسكەن قايسىڭىز بار، كانە؟ مىقتى پسيحولوگتەر جوق دەپ اق­تا­لۋىمىز مۇمكىن، مەملەكەت شەڭبەرىندە وسى ما­سە­لەنى قولعا السا سۋيتسيدپەن كۇرەسۋ وڭايعا سوعار ما ەدى؟!

مەملەكەتتىڭ بايلىعى – ادام. ولاي بولسا، ءار تاعدىر ماڭىزدى. الەۋمەتتىك قيىندىققا تاپ بولعان وتانداستارىمىزدى وتقا تاستاپ، بەيجاي قاراپ وتىرعانىمىز جاراماس.

تۇمان ويدىڭ جەتەگىندە جۇرگەندەر قوعام­نان وقشاۋلانىپ، سىر بەرمەيدى دە. ءبىز دە كوڭىلسىز جۇرگەن ادامنىڭ جاعدايىن سۇرا­ماي­تىن بولدىق عوي. ءتىپتى جاقىن تۋىستىڭ امان­دى­عىن بىلۋدەن قالدىق. سۋيتسيد جاساعانداردى كىنالايمىز، تامشىداي بولسا دا قوعامنىڭ دا كىناسى بار-اۋ... ال ءسىز سوڭعى رەت جاقىن تۋىسىڭىزدىڭ اماندىعىن قاشان سۇرادىڭىز؟

سوڭعى جاڭالىقتار

ءمانى ەرەكشە سەمينار

ساياسات • بۇگىن، 08:28

قاراۋسىز بالا قايدان شىعادى؟

ساياسات • بۇگىن، 08:26

قوعامدىق باقىلاۋ كۇشەيەدى

ساياسات • بۇگىن، 08:24

Fitch راستادى

ەكونوميكا • بۇگىن، 08:22

جەكە تۇلعا بانكروتتىعى

قوعام • بۇگىن، 08:14

بارلىق ۇيگە جىلۋ بەرىلدى

ايماقتار • بۇگىن، 08:12

جىلىتۋ قۇرالدارى جونەلتىلدى

ايماقتار • بۇگىن، 08:10

ەڭبەك پەن تاربيە – ەگىز ۇعىم

ايماقتار • بۇگىن، 08:06

قايتا كۇشەيگەن كوروناۆيرۋس

كوروناۆيرۋس • بۇگىن، 08:04

وقۋ ورداسىنىڭ بەلەسى

ايماقتار • بۇگىن، 08:02

تاريحى تەرەڭ، ءبىلىمى بەرەن

ءبىلىم • بۇگىن، 08:00

سىرباز سۋرەتكەر

ادەبيەت • بۇگىن، 07:59

قاجىمۇقان مەن كارل

ادەبيەت • بۇگىن، 07:56

اڭىزعا بەرگىسىز عۇمىر

قوعام • بۇگىن، 07:54

قۇندىزعا قۇرىلعان فوتوتۇزاق

ايماقتار • بۇگىن، 07:48

تاۋ-تاۋ قوقىس كادەگە جاراسا...

ەكولوگيا • بۇگىن، 07:46

مادەني دەمالىس

قوعام • بۇگىن، 07:44

سۋرەتتەگى وي ساۋلەسى

ونەر • بۇگىن، 07:40

جۇلدەگەر اتاندى

سپورت • بۇگىن، 07:38

كىشى «كۇمىسكە» يە بولدى

سپورت • بۇگىن، 07:36

جەڭىس جالعاسىن تاپتى

سپورت • بۇگىن، 07:34

تارتىسقا تولى تۋرنير

سپورت • بۇگىن، 07:30

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار