كەدەندىك تەكسەرۋ بارىسىندا قازاقستان رەسپۋبليكاسىنان وزبەكستان رەسپۋبليكاسىنا ءوتۋ باعىتىنداعى جولاۋشىلار تەرمينالىندا «Rapiscan» رەنتگەنتەلەۆيزيوندىق قۇرىلعى ارقىلى قول جۇگىن تەكسەرۋ كەزىندە «ا» ەسىمدى 2003 جىلى تۋعان وزبەكستاندىق ازاماتتان 25 000 اقش دوللارى انىقتالدى.
كۇدىكتىنىڭ ۇستىنەن اكىمشىلىك ءىس قوزعالىپ, ىسكە قاتىستى ماتەريالدار سارىاعاش اۋداندىق مامانداندىرىلعان اكىمشىلىك سوتىنا پروتسەسسۋالدىق شەشىم قابىلداۋ ءۇشىن جىبەرىلدى.
مەملەكەتتىك كىرىستەر كوميتەتى شەتەلگە شىعۋدى جوسپارلاعان ازاماتتارعا قازاقستان رەسپۋبليكاسىنىڭ قولدانىستاعى زاڭناماسىن ساقتاۋ قاجەت ەكەنىن ەسكە سالدى.
«قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ جونىندەگى شارالار تۋرالى» قازاقستان رەسپۋبليكاسى پرەزيدەنتىنىڭ 2022 جىلعى 14 ناۋرىزداعى № 830 جارلىعىمەن قازاقستان رەسپۋبليكاسىنان:
- 10 000 (ون مىڭ) اقش دوللارى بالاماسىنان اساتىن جانە اكەتۋ كۇنىنە بەلگىلەنگەن قر ۇلتتىق بانكىنىڭ باعامى بويىنشا ەسەپتەلگەن سوماداعى قولما-قول شەتەل ۆاليۋتاسى جانە (نەمەسە) شەتەل ۆاليۋتاسىنداعى اقشا قۇرالدارىن;
- قر ۇلتتىق بانكى شىعاراتىن 5, 10, 20, 50 جانە 100 گرامم اففينيرلەنگەن التىن قۇيمالارىن جانە «ALTYN BARYS» التىنىنان جانە «KÚMIS BARYS» كۇمىسىنەن جاسالعان ينۆەستيتسيالىق مونەتالاردى, سونداي-اق 100 گرامنان استام اففينيرلەنگەن التىندى اكەتۋگە تىيىم سالىنعانىن ەسكە سالامىز», دەلىنگەن ۆەدومستۆو اقپاراتىندا.
