كەيىنگى كەزدە حالىققا سالماق ءتۇسىرىپ وتىرعان باعا تۇراقسىزدىعىن سىنعا الىپ, داعدارىستان شىعۋ جولدارى باسقارۋ جۇيەلەرىن دۇرىس جولعا قويۋعا تىكەلەي قاتىستى ەكەنىن اڭعارتتى. جەرگىلىكتى بيلىك قىزمەتىنىڭ تيىمدىلىگى بۇدان بىلاي تىكەلەي باعالانۋى كەرەكتىگىن ايتا كەلىپ, بۇرىننان كوتەرىلىپ جۇرگەن اۋىل اكىمدەرىن سايلاۋ تۋرالى باستاما كوتەردى.
ەگەر جولداۋدا كوتەرىلگەن مىندەتتەر جۇيەلى تۇردە ورىندالاتىن بولسا قازاقستاندىقتاردىڭ تۇرمىس ساپاسى, ءال-اۋقاتى ارتاتىنى راس.
مەملەكەت باسشىسى جولداۋدا «ۇلت جوسپارى – بەس ينستيتۋتسيونالدىق رەفورمانى» نەگىزگى باعدار ەتۋدى ۇسىندى. ءبىر قۋانعان جەرىمىز, جەردى شەتەلدىكتەرگە ساتۋعا تىيىم سالىناتىنى ايتىلدى. بۇدان بىلاي بوس جاتقان جەرلەردە اۋىلشارۋاشىلىعىن جانداندىرىپ, جەر ونىمدەرىن تولىققاندى ەكونوميكالىق اينالىمعا شىعارۋ بويىنشا ناقتى تاپسىرما بەردى. قازاقستاننىڭ ەكونوميكالىق باعىتى جەتى نەگىزگە سۇيەنۋى كەرەك جانە ونىڭ ناتيجەسى حالىقتىڭ ءال-اۋقاتىن جاقسارتۋعا جۇمىس ىستەۋگە ءتيىس. بۇل ءۇشىن كاسىپكەرلىككە جەتەكشى ءرول بەرىپ, جاڭا كاسىپكەرلەردىڭ نارىققا ەنۋىنە جول اشىپ, جاعداي جاسالۋى مىندەت. ءادىل باسەكەلەستىك – ايتىلعان باعىتتاردىڭ قاتارىندا ەكەنىن تاعى دا ايتا كەتۋ كەرەك. سول سياقتى, ءوندىرىستى ارتتىرۋ, كۇردەلى تەحنولوگيالىق ەكونوميكاعا يەك ارتۋ; ادام كاپيتالىن دامىتىپ, ينۆەستيتسيا مەن ءبىلىمنىڭ جاڭا ءتۇرىن قالىپتاستىرۋ; ەكونوميكانى جاسىلداندىرىپ, قورشاعان ورتانى قورعاۋ; مەملەكەتتىڭ نەگىزدەلگەن شەشىمدەر قابىلداپ, قوعام الدىندا سول ءۇشىن جاۋاپ بەرۋىن قامتاماسىز ەتۋ دە نەگىزگى باسىمدىقتار قاتارىنا كىرەتىنىن بىلدىك. پرەزيدەنت قاسىم-جومارت توقاەۆ: «ىشكى جالپى ءونىمنىڭ ابستراكتىلى وسىمىمەن جۇرتتى قۋانتا المايمىز. حالىققا تۇراقتى جۇمىس ورىندارى, قولايلى جول, اۋرۋحانالار مەن مەكتەپتەر, ساپالى ازىق-ت ۇلىك كەرەك. ەكونوميكالىق رەفورمالار ازاماتتاردىڭ تابىسىن ارتتىرىپ, تۇرمىس ساپاسىنىڭ جوعارى ستاندارتىن قامتاماسىز ەتكەندە عانا ءوزىن ءوزى اقتاپ, قولداۋعا يە بولادى. وسىنى ءاردايىم ەستە ۇستاۋىمىز قاجەت», دەدى.
جوعارىدا ايتىپ وتكەندەي, جولداۋدا ەل باسشىسىنىڭ اگروبيزنەستى قولعا الىپ, سول سالاعا ينۆەستيتسيا تارتۋ كەرەك جانە «جەر شەتەلدىكتەرگە ساتىلمايدى» دەگەن ەكى باسىم شەشىمى قازاقستاندىقتاردىڭ كوڭىلىنەن شىقتى. دەگەنمەن, اۋىل شارۋاشىلىعى سالاسىندا ماماندار تاپشىلىعى بار ەكەنى راس. كادرلار دايارلاۋ, «بولاشاق» گرانتىن اۋىلشارۋاشىلىق ماماندىقتارىنا ءبولۋ سىندى ماسەلەلەردى دە قولعا الۋ كەرەك. بيىل ءبىلىم مەن عىلىمعا مەملەكەتىمىز ۇلكەن كوڭىل ءبولىپ, مەكتەپ تۇلەكتەرىنىڭ گرانتقا كوپتەپ تۇسۋىنە جاعداي جاسالعانى ابدەن قۇپتارلىق شەشىم. ەل بولاشاعى جاس ماماندار ارقىلى قالىپتاسادى. سوندىقتان جولداۋداعى «جاس عالىمداردى» قولداۋ ماقساتىندا قوسىمشا 1000 گرانت ءبولۋ تاپسىرىلعانى دا كوپتىڭ كوڭىلىنەن شىقتى.
اۋىلدىق وكرۋگ اكىمدەرىن كەلەسى جىلدان باستاپ جەرگىلىكتى حالىق سايلايدى, ول ءۇردىس وبلىستىق دەڭگەيگە كوتەرىلەدى. مۇعالىمدەر مەن دارىگەرلەردى قولداۋ بارىسىندا دا ءتۇرلى باعدارلامالار ۇسىنىلىپ, ناتيجەسىندە جالاقىلارى دا كوتەرىلىپ جاتىر. 2025 جىلعا دەيىن ەلىمىزدە جيىرما اۋرۋحانا سالۋدى دا تاپسىردى.
ەل پرەزيدەنتىنىڭ بۇل جولداۋى داعدارىستان الىپ شىعاتىن ايقىن باسىمدىلىقتاردى ناقتى كورسەتىپ بەرگەنىنە كۋا بولدىق. ەندىگى جەردە وسى باسىمدىلىقتاردى قالتقىسىز جۇزەگە اسىرۋ حالىق پەن بيلىكتىڭ ءوز قولىندا. بىرلىكپەن تىزە قوسىپ, ەل بولاشاعىن ويلايتىن كەز كەلدى. «التاۋ الا بولسا, اۋىزداعى كەتەدى, تورتەۋ تۇگەل بولسا, توبەدەگى كەلەدى» دەپ, دانا حالقىمىز جاڭساق ايتپاسا كەرەك.
ەلىمىز امان, جۇرتىمىز تىنىش بولسىن!
ءسات توقپاقباەۆ,
زاپاستاعى گەنەرال-پولكوۆنيك
