جەڭىس كۇنى مەرەكەسىنە ارنالىپ تالدىقورعاندا ۇلتتىق ات سپورت تۇرلەرىنەن ءدۇبىرلى دودا ءوتتى. الماتى وبلىسىنىڭ اكىمى اڭسار مۇساحانوۆتىڭ وكىمىمەن ۇيىمداستىرىلعان تاي, قۇنان, جورعا جارىس, توپ, الامان بايگەلەردىڭ اراسىندا قىز قۋ, اۋدارىسپاق, تەڭگە ءىلۋ, كوكپار تارتۋ سىندى ۇلتتىق ويىندار دا بەلگىلەنگەن ۋاقىتتا تالاپقا ساي وينالدى. مۇنداعى باستى ماقسات – ۇلتتىق ات سپورتى ويىندارىن دامىتۋ, ۇلىقتاۋ جانە ناسيحاتتاۋ بولدى.
الدىمەن تاي جارىسى باستالىپ كەتتى. الگىندە عانا اۋىزدىقتارىمەن الىسىپ, تىزگىن ۇستاعان بالانى الا قاشىپ, ءبىر ورىندا بايىز تابا الماي تۇرعان تايلار 3 شاقىرىمعا جىبەرىلىپ, مارە سىزىعىن ءبىرىنشى بولىپ كەسىپ وتكەن كوكسۋ اۋدانىنىڭ «باقتۇمار» اتتى تورى تايى 150 مىڭ تەڭگەنى جەڭىپ الدى. لەزدە باستالعان قىز قۋ حالىقتى قىزىقتىرا, ءاپ-ساتتە قاتار وتىرعان ادامدار ۇل مەن قىزدى جاقتاپ ەكىگە بولىنە قالعانىنىڭ ءوزى ءبىر عانيبەت. قۇيعىتا شاۋىپ قىزدى قۋىپ جەتىپ قىپشا بەلدەن قىسا ۇستاپ, بەتتەن ءسۇيىپ ۇلگەرگەن جىگىت قايتا بۇرىلىپ مەجەلى جەرگە جەتكەنشە جون ارقاسىنان قىز بىرنەشە رەت قامشى سالىپ, ەلدى كۇلكىگە بولەي ءبىلدى. 9 شاقىرىمدىق قۇنان بايگەدە كەربۇلاق اۋدانىنىڭ «مارالقاسقاسى» باس جۇلدەنى جەڭىپ السا, 15 شاقىرىمدىق توپ ءبايگەدە بالقاش اۋدانىنان كەلگەن «قوڭىرولەڭ» دەگەن ات وزىپ شىقتى. جورعا جارىستا ەڭبەكشىقازاق اۋدانىنىڭ «ۆەسۆولت» اتتى تۇلپارى باس بايگەنى ۇتىپ الدى. 21 شاقىرىمدىق الامان بايگەدە ەسكەلدى اۋدانىنان اكەلگەن «مىڭقاسار» دەگەن تۇلپار وزگە اتتاردان وق بويى وزا شاۋىپ باس بايگەگە تىگىلگەن تەمىر تۇلپاردى يەسىنە ۇتىپ بەردى.
نۇربول الدىباەۆ,
«ەگەمەن قازاقستان».
تالدىقورعان.
الدىمەن تاي جارىسى باستالىپ كەتتى. الگىندە عانا اۋىزدىقتارىمەن الىسىپ, تىزگىن ۇستاعان بالانى الا قاشىپ, ءبىر ورىندا بايىز تابا الماي تۇرعان تايلار 3 شاقىرىمعا جىبەرىلىپ, مارە سىزىعىن ءبىرىنشى بولىپ كەسىپ وتكەن كوكسۋ اۋدانىنىڭ «باقتۇمار» اتتى تورى تايى 150 مىڭ تەڭگەنى جەڭىپ الدى. لەزدە باستالعان قىز قۋ حالىقتى قىزىقتىرا, ءاپ-ساتتە قاتار وتىرعان ادامدار ۇل مەن قىزدى جاقتاپ ەكىگە بولىنە قالعانىنىڭ ءوزى ءبىر عانيبەت. قۇيعىتا شاۋىپ قىزدى قۋىپ جەتىپ قىپشا بەلدەن قىسا ۇستاپ, بەتتەن ءسۇيىپ ۇلگەرگەن جىگىت قايتا بۇرىلىپ مەجەلى جەرگە جەتكەنشە جون ارقاسىنان قىز بىرنەشە رەت قامشى سالىپ, ەلدى كۇلكىگە بولەي ءبىلدى. 9 شاقىرىمدىق قۇنان بايگەدە كەربۇلاق اۋدانىنىڭ «مارالقاسقاسى» باس جۇلدەنى جەڭىپ السا, 15 شاقىرىمدىق توپ ءبايگەدە بالقاش اۋدانىنان كەلگەن «قوڭىرولەڭ» دەگەن ات وزىپ شىقتى. جورعا جارىستا ەڭبەكشىقازاق اۋدانىنىڭ «ۆەسۆولت» اتتى تۇلپارى باس بايگەنى ۇتىپ الدى. 21 شاقىرىمدىق الامان بايگەدە ەسكەلدى اۋدانىنان اكەلگەن «مىڭقاسار» دەگەن تۇلپار وزگە اتتاردان وق بويى وزا شاۋىپ باس بايگەگە تىگىلگەن تەمىر تۇلپاردى يەسىنە ۇتىپ بەردى.
نۇربول الدىباەۆ,
«ەگەمەن قازاقستان».
تالدىقورعان.
