شىرايلى شاھاردى جەل جۇلمالاپ تۇر

9 مامىردا باستالعان جەل كۇن وتكەن سايىن كۇشەيە ءتۇستى. الاتاۋ مەن قاراتاۋ تۇيىسكەن توردەگى اۋداندار مەن اۋىلداردا, اسىرەسە, شىمكەنت شاھارىندا داۋىل ۇيىت­­قىپ, جەلدىڭ جىلدامدىعى مۇن­دا11-12 مامىردا سەكۋندىنا 25 مەترگە جەتتى. وبلىس ورتالىعىندا كەي كەزدەرى سەكۋندىنا 28 مەتردەن اسقان قۋاتپەن سوققان دۇلەي داۋىل ءبىرتالاي زيان كەلتىردى. كوپقاباتتى جانە جەكە ۇيلەردىڭ شاتىرلارى ۇشىپ, اعاشتار تامىرىمەن وپىرىلىپ قۇلاعان تۇستار دا بار. «ءنۇرسات» شاعىن اۋدانىنداعى ءبىرتالاي ۇيلەر زارداپ شەكتى. شىمكەنت حايۋاناتتار باعىندا اعاش باسىپ قالعان, 1962 جىلى دۇنيەگە كەلگەن ازامات قازا تاپتى. كەيبىر كوشەلەر مەن ساياباقتاردا قۇلاعان اعاشتار ماشينالاردى قيراتتى. قالا اكىمدىگى توتەنشە جاع­داي جاريالاپ, مەكتەپتەر مەن بالاباقشالار جۇمىسى ءبىر كۇنگە توقتاتىلدى. 12 مامىردا وبلىس اكىمى اسقار مىرزاحمەتوۆ توتەن­شە جاعدايلار جونىندەگى ارنايى شتاب ءماجىلىسىن وتكىزىپ, وعان بار­لىق ءتيىستى سالالار باسشىلارى, اكىمدەر قاتىستى. شۇعىل شارالار بەلگىلەنىپ, ارناۋلى تاپسىرمالار بەرىلدى. شىمكەنتتە جانە ونىڭ ما­ڭايىنداعى اۋدانداردا توتەنشە جاعدايلار مەكەمەلەرىنىڭ قىزمەتى جان-جاقتى كۇشەيتىلدى. جەل جەتى كۇندە, ياعني 15 مامىردا تولاستايدى دەگەن بولجام بار. مارحابات بايعۇت, «ەگەمەن قازاقستان». شىمكەنت.