وندا ازىق-ت ۇلىك, جىلى كيىم, جەكە تازالىق قۇرالدارى, توسەك-ورىن, تۇرمىستىق تەحنيكا جانە قۇرىلىس ماتەريالدارى بار. «جاستار رۋحى» جاستار قاناتىنىڭ مىڭنان استام ۆولونتەرى پارتيانىڭ ايماقتىق فيليالدارى جانىنداعى گۋمانيتارلىق كومەك جيناۋ پۋنكتتەرىندە جۇمىس ىستەپ جاتىر.
«145 توننا جۇك قوستاناي وبلىسىنا جونەلتىلدى. گۋمانيتارلىق كومەك تيەلگەن كولىكتەردى ەلورداداعى جانە اقمولا, اتىراۋ, اقتوبە, سولتۇستىك قازاقستان وبلىستارىنداعى پارتيا مۇشەلەرى جىبەرىپ ۇلگەردى. الماتى قالاسىنان جۇك كولىكتەرى بۇگىن تۇندە جولعا شىعادى», دەلىنگەن ءباسپاسوز حابارلاماسىندا.
ايتا كەتەيىك, «جاستار رۋحى» جاستار قاناتىنىڭ مۇشەلەرىنەن قۇرالعان ۆولونتەرلەردىڭ العاشقى توپتارى زارداپ شەككەندەرگە كومەك كورسەتۋ جانە قالپىنا كەلتىرۋ جۇمىستارىنا قاتىسۋ ءۇشىن قوستاناي وبلىسىنا اتتاندى.
قازىر ۆولونتەرلەر پارتيا فيليالدارى جانىنان اشىلعان گۋمانيتارلىق كومەك جيناۋ پۋنكتتەرىندە جۇمىسىن جالعاستىرۋدا.
