36 جاستاعى اقش سپورتشىسى 2011-2018 جىلدار ارالىعىندا UFC-دە كۇش سىناسىپ, ءوز سالماعىندا قارسىلاس شاق كەلتىرمەدى. «كۇشتى تىشقان» دەگەن جاناما اتقا يە دەمەتريۋس سول اتاعىن 11 مارتە ءساتتى قورعاپ, اتالعان ۇيىمنىڭ رەكوردىن جاڭارتتى. 2018 جىلدىڭ جازىندا گەنري سەحۋدودان ۇپاي سانىمەن ۇتىلعاننان سوڭ ول ONE FC-گە اۋىستى. العاشقى ءۇش كەزدەسۋدە جەڭىسكە جەتكەنىمەن, بىلتىر كوكتەمدە برازيليالىق ادريانو موراەسكە ەسە جىبەردى. ۇستىمىزدەگى جىلدىڭ 27 تامىزىندا قوس مىقتىنىڭ جولى قايتا ءتۇيىستى. بۇل جولى دجونسون موراەستى تىزەمەن تەۋىپ, ەسىنەن تاندىردى. وسىلايشا, امەريكالىق ساڭلاق التىن بەلبەۋدى بەلىنە تاقتى. ارالاس جەكپە-جەكتەن بارلىعى 37 كەزدەسۋ وتكىزگەن دەمەتريۋس 32 رەت جەڭىسكە جەتىپ, 19 قارسىلاسىن سۇلاتىپ سالدى. ءتورت رەت ۇتىلىپ, ءبىر باسەكەدە تەڭ ەسەپ تىركەلدى.
34 جاستاعى قايرات احمەتوۆ تە كەزىندە ONE FC-ءدىڭ چەمپيونى بولعان. كەيىننەن قانداسىمىز ول اتاقتان ايىرىلدى. دەسەك تە قازاق جىگىتىنىڭ سوڭعى كەزدەگى قارقىنى قۋانتارلىق. 2008 جىلدان بەرى بەس رەت جەكپە-جەككە شىققان قايرات سول باسەكەلەردىڭ بارلىعىن ءوز پايداسىنا شەشتى.
