شىنتۋايتىندا, قىسى قاتتى ءوڭىر ءۇشىن جاعىمدى جاڭالىق. مەملەكەت باسشىسى قاسىم-جومارت توقاەۆتىڭ تاپسىرماسىنا وراي, ءارى ۇكىمەتتىڭ قولداۋىنىڭ ارقاسىندا وڭىرگە گاز جەتكىزىلدى. قازىر بۇل جۇمىس كەزەڭ-كەزەڭىمەن اتقارىلۋدا.
ء«بىرىنشى كەزەڭدە ءبىز 20 ەلدى مەكەندى كوگىلدىر وتىنعا قوسامىز, بار جۇمىستى تياناقتى اتقارىپ جاتقان «قازترانسگاز ايماق» اكتسيونەرلىك قوعامىنىڭ ءونىمدى ىسىنە ريزاشىلىق بىلدىرۋگە بولار. ەكى جىل ىشىندە مىڭ شاقىرىمعا جۋىق قۇبىر تارتىلىپ, تابيعي گاز وتكىزىلدى. ارشالى اۋدانىنداعى بەس ەلدى مەكەننىڭ تۇرعىندارى جەلىگە قوسىلدى», دەدى وبلىس اكىمى ەرمەك مارجىقپاەۆ تاريحي ساتكە ورايلاستىرىپ وتكىزىلگەن سالتاناتتى راسىمدە.
ء«بىز كوپبالالى وتباسىمىز, ۇيىمىزگە العاشقىلاردىڭ ءبىرى بولىپ گاز تارتىلعانىنا قۋانىپ وتىرمىز. مەملەكەتتىڭ قامقورلىعىنا مىڭ العىس», دەيدى اۋدان تۇرعىنى ۆالەري سەمەنكوۆ.
2019 جىلى ءوڭىردىڭ 17 ەلدى مەكەنىن گاز قۇبىرىنا قوسۋ بويىنشا جوبالىق-سمەتالىق قۇجاتتاما ازىرلەنگەن بولاتىن. ءسوز اراسىندا پايدالانۋعا بەرىلگەن «ارشالى» اۆتوماتتاندىرىلعان گاز تاراتۋ ستانتسياسىنىڭ وتكىزۋ قۋاتى ساعاتىنا 15000 تەكشە مەتر ەكەندىگىن ايتا كەتەلىك. بارلىعى 345 شاقىرىمنان استام گاز جەلىسى تارتىلعان. 2023 جىلى اۋداندى گازداندىرۋدىڭ سوڭعى كەزەڭى جىبەك جولى اۋىلىندا جۇزەگە اسىرىلادى. بەس گاز رەتتەگىش بلوكتى پۋنكتتەردى ورناتۋ ارقىلى 230 شاقىرىم گاز تاراتۋ جەلىلەرى ىسكە قوسىلادى.
وسىلايشا, 2020-2023 جىلدارى ارالىعىندا اۋدان بويىنشا 574,66 شاقىرىم گاز قۇبىرى پايدالانۋعا بەرىلمەك. تابيعي گاز 8230 تۇرعىن ۇيگە جەتكىزىلەدى.
