ۆيتسە-مينيستر الما مۇقانوۆا ماجىلىستە «قازاقستان رەسپۋبليكاسىنداعى ادام قۇقىقتارى جونىندەگى ۋاكىل تۋرالى» كونستيتۋتسيالىق زاڭ جوباسىن تانىستىردى.
«ۋاكىلگە پارلامەنت پالاتالارىنىڭ كەز كەلگەن, اشىق تا, جابىق تا, بىرلەسكەن جانە بولەك وتىرىستارىنا قاتىسۋ جانە ءسوز سويلەۋ قۇقىعىن بەرۋ ۇسىنىلادى. سونداي-اق ۋاكىلدىڭ قۇزىرەتىن كۇشەيتۋ ماقساتىندا ونىڭ ارناۋلى الەۋمەتتىك قىزمەتتەر كورسەتەتىن ۇيىمدارعا جانە قىلمىستىق-اتقارۋ جۇيەسى مەكەمەلەرىنە كەدەرگىسىز بارۋ قۇقىعى بەكىتىلەدى», دەدى مۇقانوۆا.
قۇجاتتا ۋاكىلدىڭ قۇزىرەتتىلىگىن كۇشەيتۋ جانە ونىڭ قىزمەتىن ۇيىمداستىرۋدىڭ تيىمدىلىگىن ارتتىرۋ ەرەجەلەرى كوزدەلگەن.
سونىمەن قاتار, ۋاكىل ازاماتتىڭ كونستيتۋتسيادا بەكىتىلگەن قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردىڭ كونستيتۋتسياعا سايكەستىگى ماسەلەسى بويىنشا كونستيتۋتسيالىق سوتقا جۇگىنۋگە قۇقىلى.
