وتاندىق باق جۋرناليستەرى باس پروكۋروردىڭ ورىنباسارى اسەت شىنداليەۆتەن راقىمشىلىق جاسالاتىن ادامداردىڭ سانى جايلى سۇرادى.
«ازىرگە ناقتى ساندى ايتا المايمىن. قازىر سول بويىنشا جۇمىس ىستەپ جاتىرمىز. وزدەرىڭىز بىلەتىندەي, مەملەكەت باسشىسى كەشە تاپسىرما بەردى. ەكسترەميستىك قىلمىس جاساعاندار مەن ۇيىمداستىرۋشىلارعا راقىمشىلىق جاسالمايدى. قازىردىڭ وزىندە 1000-نان استام ءىس تەرگەلدى, 1000-عا جۋىق ادام سوتتالدى», دەپ جاۋاپ بەردى اسەت شىنداليەۆ.
وسى ورايدا باس پروكۋروردىڭ ورىنباسارى ناقتى ساندار كەيىنىرەك ايتىلاتىنىن اتاپ ءوتتى.
«تەرگەۋ كەزىندە ءبىز گۋمانيزم ارەكەتتەرىن كورسەتتىك دەپ ايتا الامىن. پرەزيدەنت قاڭتار وقيعالارىندا اۋىر قىلمىس جاساماعان ادامداردى باس بوستاندىعىنان ايىرماۋ ءۇشىن ولارعا ادامگەرشىلىكپەن قاراۋدى تاپسىرعان. مەنىڭ ايتايىن دەگەنىم, قاڭتار وقيعاسىنا قاتىستى ەلدە 983 ادام سوتتالدى, ولاردىڭ 100-دەن استامى ناقتى مەرزىمدەردى الدى», دەپ قوستى ول.
