قوعام • 02 قىركۇيەك، 2022

كامبودجامەن قوڭسى ەكەنبىز...

112 رەت كورسەتىلدى

بۇرىن جولدىڭ ساپاسىنا بايلانىس­تى ۇكىمەتتى ءجيى سىنايتىن ەدىك. سويتسەك، اتقارىلماي جاتقان كوپ شارۋانىڭ استارىندا ءبىز بىلمەيتىن سىر كوپ ەكەن. الىسقا بارماي-اق ەلدەگى جولعا نازار اۋدارساق جەتكىلىكتى. ءبىزدىڭ ۇكىمەتتىڭ ەلدەگى جولدى جوندەۋگە اسىقپايتىنى دا قاۋىپسىزدىك ماسەلەسىن ويلاعاننان سەكىلدى.

ەلەستەتىپ كورىڭىزشى. توعىزىنشى تەر­ري­توريانىڭ مىنا باسى مەن انا باسىن جال­عاستىراتىن كۇرە تامىر جولدار تاقتايداي تەگىس. التايدان شىققان كولىك اتىراۋعا قاس قارايعانشا جەتىپ باراتىنداي بولسا، قىزىق ەمەس قوي. تورتكۇل دۇنيە بويىنشا توعىزىنشى اۋماقتى الىپ جاتقان جەرمەن اسىقپاي، ەمىن-ەركىن ءجۇرىپ تانىسىپ بار­عانعا نە جەتسىن؟! جولدىڭ ساپاسى ناشار بول­عانىنىڭ پايداسى بار-اۋ وسىندايدا...

قازىر قالاي؟ ۇلى دالاداعى كۇرە تامىر ويقىش-ۇيقىش. قۇس ۇشسا قاناتى تالاتىن اۋماقتىڭ ءبىر شەتىنەن ەكىنشى شەتىنە جەتۋ وڭاي شارۋا ەمەس. جەڭىل كولىك بىلاي تۇرسىن، جول تالعامايتىن ماشينالار دا ۇشى-قيىرى جوق سايىن دالادا جۇيتكىپ جۇرە المايدى.

ول بىلاي تۇرسىن، كەي جولداردىڭ ساپاسىنا قاراپ ءتىپتى شىنجىر تاباندى تانكىلەردىڭ ءوزى ورتا جولدا جوندەۋ قاجەت ەتەتىن بولار دەپ ويلايسىڭ. ەندى شە، رەسپۋبليكالىق ما­ڭىزى بار كەي تراسسالار ماگيسترال دەگەن اتى عانا. ايتپەسە، كەي جەرلەردە اسفالتتى ەمگە تاپپايتىنىمىزدى حالىق ايتىپ ءجۇر. رەسپۋبليكالىق جولداردىڭ جاعدايى وسىنداي بولىپ تۇرعاندا، شالعايداعى اۋىلداردىڭ احۋالىن ءسوز ەتۋدىڭ قاجەتى شامالى.

مەملەكەت باسشىسى قاسىم-جومارت توقاەۆ تاياۋدا ۇكىمەتتىڭ كەڭەيتىلگەن وتىرىسىندا وسى جول ساپاسىنا ەرەكشە نازار اۋدارعانى بەلگىلى. پرەزيدەنت: «جولدىڭ ساپاسىنا ايرىقشا نازار اۋدارۋ كەرەك. ەلىمىزدىڭ جولدارى ناشار ەكەنى جانە جول قۇرىلىسى سالاسىن جەمقورلىق جايلاعانى ەشكىمگە جاسىرىن ەمەس. ءتىپتى باسقا جەردى ايتپاعاننىڭ وزىندە اقورداعا اپاراتىن جولدىڭ ءوزى جاماۋ-جاماۋ، قۇراق كورپەگە ۇقسايتىن بولدى»، دەگەن ەدى.

الەمدىك بانكتىڭ جاھاندىق دەڭگەيدە جول ساپاسىن باقىلايتىن ارنايى رەيتينگى بار. سوعان سۇيەنسەك، قازاقستان 144 ەلدىڭ ىشىندە 95-ورىنعا جايعاسىپتى. جەر-جاھانداعى ورتاشا دەڭگەي 4 بالل بولسا، الەمدىك بانك توعىزىنشى تەرريتوريانىڭ كۇرە تامىرلارىن 3،6-عا باعالاپتى. ءپىل سۇيەگى جاعالاۋى ەلى، كامبودجا سەكىلدى مەملەكەتتەرمەن قوڭسى قونعانبىز. ال ءتىزىمنىڭ باسىندا سينگاپۋر جايعاسقان. ونىڭ رەيتينگى 6،5-ءتى قۇرايدى. سونداي-اق ۇزدىك ۇشتىكتە نيدەرلاند (6،4) جانە شۆەيتساريا (6،3) تۇر.

دەرەكتەرىمىز تىم بىرجاقتى بولماس ءۇشىن باسقا دا بەدەلدى ۇيىمداردىڭ سايتىن اقتا­رىپ، حالىقارالىق ۇيىمدار قازاقستاندىق جولداردى قالاي باعالايتىنىن كورگەن ەدىك. ونداعى جاعداي دا ءماز ەمەس ەكەن. ماسەلەن، World Economic Forum جۇرگىزەتىن رەيتينگتە قازاقستان 115-ورىنعا جايعاسقان. اتالعان ۇيىم توعىزىنشى تەرريتوريانىڭ جولدارىنا 2،6 دەگەن باعا بەرىپتى. بىزدەن كەيىنگى ورىندارعا زيمبابۆە سەكىلدى افريكالىق مەملەكەتتەر جايعاسقان.

ايتپاقشى، جولعا قاتىستى مىنانداي تاعى ءبىر قىزىق دەرەكتى بايقادىق. ۇلى دالا­نىڭ و شەتى مەن بۇ شەتىن بايلانىستى­راتىن جولداردىڭ ۇزىندىعى 95 مىڭ شاقى­رىمنان ارەڭ اسادى ەكەن. وسىلايشا، ەلىمىز 53-ورىنعا جايعاسقان. ءتىزىمنىڭ باسىندا اقش تۇر. مۇحيتتىڭ ارعى بەتىندەگى ەلدە جالپى ماگيسترالداردىڭ ۇزىندىعى 7 ميلليون شاقىرىمعا جۋىق. سونداي-اق ءتىزىمنىڭ جوعارى جاعىندا اۋماعى اقتوبە وبلىسىمەن شامالاس ۆەتنام ورنالاسقان. اتالعان ەلدەگى كۇرە تامىرلاردىڭ ۇزىندىعى 570 مىڭ شاقىرىمنان استام. كورشىلەس وزبەكستان دا جولدارىنىڭ ۇزىندىعى جونىنەن بىزدەن الدا تۇر. ولار 209 مىڭ شاقىرىمعا جول سالىپ، جۇرگىزۋشىلەرى دە جانى قينالماي، جۇيتكىپ جۇرگەن كورىنەدى.

مىنا دەرەكتى دە ايتا كەتكەن ءجون. حالىق­ارالىق قارجى ورتالىعىنىڭ ەسەپتەۋلە­رىنە سۇيەنسەك، ەلىمىزدە تەمىر تۇلپار تىزگىنىن ۇستاعاندار ورتا ەسەپپەن ساعاتىنا 72 شا­قىرىم جىلدامدىقپەن عانا جۇرە الاتىن كورىنەدى. وسىلايشا، قازاقستان تاعى دا ءتىزىمنىڭ سوڭعى جاعىنا جايعاسقان. كوش باسىنداعى اقش-تا ورتاشا جىلدامدىق 107 كم/ساع-تى قۇرايدى.

ارينە، توعىزىنشى تەرريتوريا كەرە­مەت­تەرىمەن زامان تالابىنا ساي، ۋاقىت جىل­دامدىعىنا سايكەس تانىسقانعا نە جەتسىن. بۇرىنعى كەزدەگىدەي جاتا-جاستانا تانىسىپ، ءبىر اۋىلدان تۇستەنىپ، ەكىنشى اۋىلعا قونىپ، قۇدايى قوناق بولىپ جۇرەتىن زامان ەمەس قوي. جول ساپالى بولسا، جول بويىنداعى قىزمەت كورسەتۋ ورىندارىنىڭ دا، قوناق ۇيلەردىڭ دە، ءدامحانالاردىڭ دا سەرۆيستىك قىزمەتىنىڭ ساپاسى جاقساراتىنى انىق.

...ازىرگە جولدىڭ ساپاسى جاعىنان كام­بودجا مەن زيمبابۆەگە قوڭسى قونىپ وتىر­عان جايىمىز بار.

سوڭعى جاڭالىقتار

ءمانى ەرەكشە سەمينار

ساياسات • بۇگىن، 08:28

قاراۋسىز بالا قايدان شىعادى؟

ساياسات • بۇگىن، 08:26

قوعامدىق باقىلاۋ كۇشەيەدى

ساياسات • بۇگىن، 08:24

Fitch راستادى

ەكونوميكا • بۇگىن، 08:22

جەكە تۇلعا بانكروتتىعى

قوعام • بۇگىن، 08:14

بارلىق ۇيگە جىلۋ بەرىلدى

ايماقتار • بۇگىن، 08:12

جىلىتۋ قۇرالدارى جونەلتىلدى

ايماقتار • بۇگىن، 08:10

ەڭبەك پەن تاربيە – ەگىز ۇعىم

ايماقتار • بۇگىن، 08:06

قايتا كۇشەيگەن كوروناۆيرۋس

كوروناۆيرۋس • بۇگىن، 08:04

وقۋ ورداسىنىڭ بەلەسى

ايماقتار • بۇگىن، 08:02

تاريحى تەرەڭ، ءبىلىمى بەرەن

ءبىلىم • بۇگىن، 08:00

سىرباز سۋرەتكەر

ادەبيەت • بۇگىن، 07:59

قاجىمۇقان مەن كارل

ادەبيەت • بۇگىن، 07:56

اڭىزعا بەرگىسىز عۇمىر

قوعام • بۇگىن، 07:54

قۇندىزعا قۇرىلعان فوتوتۇزاق

ايماقتار • بۇگىن، 07:48

تاۋ-تاۋ قوقىس كادەگە جاراسا...

ەكولوگيا • بۇگىن، 07:46

مادەني دەمالىس

قوعام • بۇگىن، 07:44

سۋرەتتەگى وي ساۋلەسى

ونەر • بۇگىن، 07:40

جۇلدەگەر اتاندى

سپورت • بۇگىن، 07:38

كىشى «كۇمىسكە» يە بولدى

سپورت • بۇگىن، 07:36

جەڭىس جالعاسىن تاپتى

سپورت • بۇگىن، 07:34

تارتىسقا تولى تۋرنير

سپورت • بۇگىن، 07:30

ۇلت ۇستازى ۇلىقتالدى

احمەت بايتۇرسىن ۇلى • كەشە

الماتىنىڭ اۋاسى

ەكولوگيا • كەشە

ۇقساس جاڭالىقتار