«قايرات» ورتالىق ستاديوندا ورالدىڭ «اقجايىعىن» قابىلدادى. ەسەپ 78-مينۋتتا عانا اشىلدى. ايىپ دوبىن مۇلتىكسىز ورىنداعان سەرگەي كەيلەر الاڭ يەلەرىن العا شىعاردى. الايدا بۇل ەسەپتى الماتىلىقتار ۇزاق ۇستاپ تۇرا المادى. 87-مينۋتتا ۆيكتور ۆاسين اۆتوگولدىڭ اۆتورى اتانسا, 90-مينۋتتا ورالحان ومىرتاەۆ قوناقتارعا جەڭىس سىيلادى – 1:2. «تاراز» بەن «شاحتەردىڭ» اراسىنداعى ماتچ تەڭ اياقتالدى – 1:1. دەسەك تە پەنالتي سوعۋ بارىسىندا «تارازدىڭ» باعى جاندى – 4:2. «قايسار» مەن «ورداباسى» اراسىنداعى كەزدەسۋدە ءدال سونداي «ستسەناريمەن» ءوربىپ, نەگىزگى جانە قوسىمشا ۋاقىتتا ەكى كوماندا دا ءبىر-ءبىر گولدان سوقتى. «فۋتبول لوتەرەياسىندا» شىمكەنتتىكتەردىڭ اسىعى الشىسىنان ءتۇستى – 4:1. «استانا» مەن «ماقتاارالدىڭ» دا فۋتبولشىلارى ۇزاق تارتىستى. باسەكە تاعدىرىن 90-مينۋتتا ەلوردالىقتاردىڭ ساپىنداعى فرانتسيالىق لەگيونەر كيلان لەبوننىڭ سوققان جالعىز گولى شەشتى – 1:0.
وسىلايشا, «اقجايىق», «تاراز», «ورداباسى» جانە «استانا» جارتىلاي فينالعا جولداما الدى. بۇل مەجەدەگى ويىندار 19 قازاندا وتسە, ەل كۋبوگىنىڭ يەگەرى 12 قاراشادا انىقتالادى.
