«وسى جىلعى 31 تامىزدا قازاقستان رەسپۋبليكاسىنىڭ مەملەكەتتىك كەڭەسشىسى ەرلان قاريننىڭ توراعالىعىمەن وتكەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسىندا ستيپەنديالاردى تاعايىنداۋ تۋرالى شەشىم قابىلداندى.
بيىل «اقپاراتتىق تەحنولوگيالار مەن جۇيەلەر», «بيوتەحنولوگيا. بيوينجەنەريا. بيومەديتسينا. بيوحيميا», «كولىك تەحنولوگيالارى. كولىك ينجەنەرياسى. لوگيستيكا», ء«بىلىم بەرۋ سالاسىنداعى باسقارۋ», «ۇلكەن دەرەكتەردى تالداۋ. سالالار بويىنشا پرەديكتيۆتى تالداۋ» جانە باسقا دا ماماندىقتار سۇرانىسقا يە بولدى», - دەلىنگەن اتالعان ورتالىق مالىمدەمەسىندە.
«بولاشاق» ستيپەندياسىن تاعايىنداۋعا ۇمىتكەرلەردى ىرىكتەۋ بويىنشا كونكۋرس جىلىنا 3 رەت وتەدى. قورىتىندى شىلدە, تامىز جانە جەلتوقسان ايلارىندا شىعارىلادى. جىل سوڭىنا دەيىن رەسپۋبليكالىق كوميسسيانىڭ تاعى ءبىر وتىرىسى وتپەك.
جالپى العاندا, بيىل ماگيستراتۋرا مەن رەزيدەنتۋراعا 385 ستيپەنديا, دوكتورانتۋراعا 60, تاعىلىمدامادان وتۋگە 110 ستيپەنديا ءبولىندى.
«بولاشاق» ستيپەندياسىن تاعايىنداۋعا كونكۋرستىق ىرىكتەۋگە قاتىسۋ ءۇشىن قۇجاتتار قابىلداۋ بيىلعى جىلعى 23 مامىردا باستالدى جانە 14 قازانعا دەيىن جالعاسادى.
5 قىركۇيەكتە تاعىلىمدامادان ءوتۋ ءۇشىن قۇجاتتار قابىلداۋ باستالىپ, 2022 جىلعى 14 قازاندا اياقتالادى.
«بولاشاق» حالىقارالىق ستيپەندياسى يەگەرلەرىنىڭ ءتىزىمىن «حالىقارالىق باعدارلامالار ورتالىعى» اق سايتىندا جاريالانعان.
