اتالعان جارىستا 57 مەملەكەتتەن كەلگەن 900-گە تارتا بالۋان باق سىنايدى دەپ كۇتىلۋدە. تاتاميگە شىعاتىندار قاتارىندا قازاقستاندىق دزيۋدوشىلار دا بار. كراكوۆقا ساپار شەككەلى وتىرعانداردىڭ تىزىمىنەن ايگىلى بالۋانداردىڭ ەسىمدەرىن دە كەزىكتىردىك. ماسەلەن, 60 پەن 64 جاس ارالىعىنداعى سپورتشىلار اراسىندا الماس مۇسابەكوۆ كۇش سىناسادى. داڭقتى باپكەر مارات جاقىتتىڭ قول استىندا جاتتىققان جامبىل وبلىسىنىڭ تۋماسى وتكەن عاسىردىڭ جەتپىسىنشى جانە سەكسەنىنشى جىلدارى اتوي سالعانىن كوزى قاراقتى كورەرمەن ۇمىتا قويعا جوق. ول سامبودان ەكى دۇركىن كسرو چەمپيونى اتانىپ, سان مارتە جۇلدەگەرلەر ساناتىنان كورىندى. الەم كۋبوگى مەن ەۋروپا بىرىنشىلىكتەرىندە توپ جاردى.
50 مەن 54 جاستاعىلاردىڭ سايىسىندا رۋسلان سەيىلحانوۆ ونەر كورسەتەدى. شىعىس قازاقستان وبلىسىنىڭ تۇلەگى توقسانىنشى جىلدارى ەلىمىزدەگى ەڭ بەلدى بالۋانداردىڭ ءبىرى ءارى بىرەگەيى بولدى. ول اتلانتا مەن سيدنەي وليمپيادالارىنا قاتىسىپ, الەمدىك جانە قۇرلىقتىق دودالاردا ۇنەمى ۇزدىكتەر قاتارىنان كورىنىپ ءجۇردى.
