بۇل جولى ۆەلوشاباندوزدار تازا ۋاقىتقا جارىستى. ۆالەنسيا ولكەسىندەگى ەلچە مەن اليكانتە قالالارىن جالعاستىرىپ جاتقان 31,1 شاقىرىمدىق سايىستا رەمكو ەۆەنەپۋلگە تەڭ كەلەر ەشكىم تابىلمادى. Quick-Step Alpha كلۋبى ساپىنداعى بەلگيانىڭ بەتكەۇستارى اتالعان قاشىقتىقتى 33 مينۋت 18 سەكۋندتا ءجۇرىپ ءوتتى. ەكىنشى جانە ءۇشىنشى ورىنداردى سلوۆەنيالىق پريموج روگليچ (Jumbo-Visma) پەن فرانتسيالىق رەمي كاۆانيا (Quick-Step Alpha Vinyl Team) يەلەندى.
جالپى ەسەپتەگى جاعداي وزگەرىسسىز. ازىرگە رەمكو ەۆەنپۋلدىڭ ەكپىنىنە ەشكىم شىداي الاتىن ەمەس. ونىڭ كورسەتكىشى – 34:35:50. پريموج روگليچ ودان 2 مينۋت 41 سەكۋند قالىپ كەلەدى. ءۇشىنشى ورىندا – يسپانيالىق ەنريك ماس (Movistar Team). قازاقستاندىق كوماندانىڭ نامىسىن قورعاپ جۇرگەن كولۋمبيالىق لەگيونەر ميگەل انحەل لوپەس سەگىزىنشى ساتىعا جايعاسقان.
