كەزدەسۋدە قازاق-قاتار قارىم-قاتىناستارىن دامىتۋ پەرسپەكتيۆالارى تالقىلاندى. ساۋدا-ەكونوميكالىق ىنتىماقتاستىقتى كەڭەيتۋگە, سونىڭ ىشىندە ەكونوميكانىڭ نەگىزگى سالالارىندا بىرلەسكەن ينۆەستيتسيالىق جوبالاردى ىسكە اسىرۋعا ەرەكشە نازار اۋدارىلدى.
سونىمەن قاتار حالىقارالىق ۇيىمدار اياسىنداعى ءوزارا ءىس-قيمىلدى قاراستىرىپ, وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
مەملەكەت باسشىسى قىركۇيەك ايىندا ەر-ريادتا وتەتىن ورتالىق ازيا جانە پارسى شىعاناعى ەلدەرى سىرتقى ىستەر ۆەدومستۆولارى باسشىلارىنىڭ ديالوگ الاڭىنىڭ ءبىرىنشى وتىرىسىن قۇپتايتىنىن جەتكىزدى.
مۇحاممەد بەن ابدۋلراحمان ءال تاني قاسىم-جومارت توقاەۆقا قاتار ءامىرىنىڭ سالەمىن جەتكىزىپ, ونىڭ جۋىق ارادا قازاقستانعا كەلەتىنىن راستادى.
