كۇن اربا جارىمجانداردى قۋانىشقا بولەيدى

ق.ا.ياساۋي اتىنداعى حقتۋ قىز­مەتكەرى ساتىلمىش چايىر كۇن كوزىنەن قۋات الاتىن اربا جاساپ شىعاردى. ارنايى قويىلعان باتەرەيالار ارقىلى كۇننەن قۋات العان توك اككۋمۋلياتورعا جينالىپ, اربانى قوزعالىسقا تۇسىرەدى. كوشەدە دە ءجۇرىپ-تۇرۋعا ىڭعايلى ءۇش اياقتى كولىك مۇگەدەك جاندار ءۇشىن تاپتىرماس قۇرال بولىپ وتىر. جۋىردا ق.ا.ياساۋي اتىنداعى حالىق­­­ارالىق قازاق-تۇرىك ۋنيۆەرسيتەتىنىڭ وكى­لەتتى كەڭەس توراعاسى وسمان حوراتا كەن­تاۋ قالاسىندا بولىپ, كۇن اربانى 1-توپ مۇگەدەگى جانىبەك بەكمۇراتوۆقا تارتۋ ەتتى. – ءبىز ءۇشىن كوپتەگەن اۋىرتپالىقتار ارتتا قالاتىن بولدى. بۇگىنگە دەيىن 10-نان استام اربانى اۋىستىرعان ەدىك. ەندى بالام وزدىگىمەن كوشەدە ەمىن-ەركىن جۇرە الادى. ۋنيۆەرسيتەت ۇجىمىنا, وسىنداي يگى ىستەردى قۇراستىرۋشىلارعا العىسىم شەك­سىز – دەيدى ج.بەكمۇراتوۆتىڭ اناسى ج.تولايىنوۆا. تۇركيادان كەلىپ, قازاق بالالارىن كاسىبي ءبىلىم الۋعا باۋلىپ جۇرگەن ما­­­­­مان­نىڭ بۇل العاشقى تۋىندىسى ەمەس. ونىڭ الدىندا ول كۇن ەنەرگياسىنان قۋات الاتىن اريستوندى قۇراستىرىپ, ىسكە قوسقان. جاسالعان اربا تۇركيا تاراپىنان قارجىلاندىرىلعان. الداعى ۋا­قىتتا دا ۋنيۆەرسيتەت ۇجىمى كۇننەن قۋات الاتىن اربانىڭ سانىن ارتتىرىپ, جا­­­­­رىمجان ادامداردى قۋانىشقا ءبو­­­لەمەك. سونداي-اق, وقۋ ورنىندا بالامالى ەنەرگيا­­نى كەڭىنەن پايدالانۋ جوسپارلانىپ وتىر. قايرات زاينيشەۆ. سۋرەتتى تۇسىرگەن  بولات كاكىبالا.