تالقىلانعان باستى تاقىرىپ – باعا تۇراقتاندىرۋ جانە ەلدە قانت تاپشىلىعىن بولدىرماۋ. كەزدەسۋدە قازاقستاندىق قانت, تاماق جانە قايتا وڭدەۋ ونەركاسىبى قاۋىمداستىعىنىڭ پرەزيدەنتى ايجان ناۋرىزعاليەۆا اتاپ وتكەندەي, نەگىزگى ەكسپورتتاۋشى ەلدەردىڭ قانت ەكسپورتىنا قابىلداعان شەكتەۋ شارالارى ىشكى نارىقتا دۇرلىگۋگە الىپ كەلدى, بىراق بۇگىنگى تاڭدا جاعداي تۇراقتاندى.
ء«بىز بىرلەسىپ, زاۋىتتاردى شيكىزاتپەن, ال ەلدى وسى ونىممەن تۇراقتى باعادا قامتاماسىز ەتۋ ءۇشىن قانتتى قارجىلاندىرۋ, قايتا وڭدەۋدى ۇيىمداستىرۋ جانە ساتۋ سحەمالارىن قايتا قاراپ, ازىرلەيمىز. مەن مۇنى الداعى كۇندەرى جاساۋدى ۇسىنامىن», دەدى سەرىك جۇمانعارين.
قانت سالاسى بويىنشا كەڭەسكە قاتىسۋشىلار بۇل ۇسىنىستى قولدادى.
سونداي-اق بۇل كۇنى سەرىك جۇمانعارين نەگىزگى تاماق ونىمدەرى ءوندىرىسىنىڭ باسقا سالالارىنىڭ پروبلەمالارى مەن دامۋ مۇمكىندىكتەرىن تالقىلاۋ ءۇشىن ەت وداعىنىڭ, باعباندار وداعىنىڭ, استىق وڭدەۋشىلەر وداقتارىنىڭ, ورگانيكالىق ءونىم وندىرۋشىلەردىڭ جانە باسقا دا اگرارلىق ساراپشىلاردىڭ وكىلدەرىمەن كەزدەسۋلەر وتكىزدى. قاتىسۋشىلار تاراپىنان كوپتەگەن ۇسىنىستار ايتىلدى, ءوندىرىستىڭ ءاربىر باعىتىن پىسىقتاۋ ءۇشىن قوسىمشا كەزدەسۋلەر وتكىزۋ تۋرالى شەشىم قابىلداندى.
