22 شىلدە كۇنى وسكەمەن قالاسىنىڭ پوليتسيا باسقارماسى ءۇلبى پوليتسيا بولىمىنە الاياقتىق ارەكەتتەرىنىڭ قۇربانى بولعان وبلىس ورتالىعىنىڭ 23 جاستاعى تۇرعىنى ارىزبەن جۇگىندى. ءبىرشاما ۋاقىتتان كەيىن قالانىڭ تاعى ءۇش تۇرعىنى كومەك سۇراپ پوليتسياعا جۇگىنگەن. ولاردىڭ پروبلەماسى بىردەي ەكەنى انىقتالدى.
23 جاستاعى قالا تۇرعىنى ءىرى ساۋدا ۇيلەرىنىڭ بىرىندە اقشالاي كومەك كورسەتەمىن دەگەن جەلەۋمەن, جابىرلەنۋشىنىڭ اتىنا قىمبات سمارتفوندار مەن سمارت-ساعاتتار رەسىمدەگەن. جەدەل-ىزدەستىرۋ شارالارىن جۇرگىزۋ ناتيجەسىندە كريمينالدىق پوليتسيا قىزمەتكەرلەرى كۇدىكتىنى انىقتاپ, قولعا ءتۇسىردى.
جاۋاپ الۋ بارىسىندا ەر ادام ءوز كىناسىن مويىندادى. جابىرلەنۋشىلەر بۇرىن كۇدىكتىمەن تانىس بولعانى انىقتالدى. كۇدىكتى ءوزىنىڭ سەنىمدى قىلمىستىق سىزباسىنا سايكەس, جابىرلەنۋشىنىڭ اتىنا تاۋارلىق نەسيە رەسىمدەپ, بارلىق قارىزدى ءوزىم وتەپ وتىرامىن دەپ سەندىرگەن.
قازىرگى ۋاقىتتا تەرگەۋ 23 جاستاعى ەر ادامنىڭ 28 ۇقساس الاياقتىققا قاتىسى بار ەكەنىن انىقتادى. ال زالالدىڭ الدىن الا سوماسى شامامەن 22 ملن تەڭگە.
