27 تامىز كۇنى ۇلتتىق اكادەميالىق كىتاپحانانىڭ كونفەرەنتس-زالىندا «كونستيتۋتسيا. جاڭا قازاقستان. قارقىندى كادامدار» تاقىرىبىندا دوڭگەلەك ۇستەل وتەدى. وعان ساياسي جانە مەملەكەت قايراتكەرلەرى, زيالى قاۋىم وكىلدەرى قاتىسادى. اتاپ ايتقاندا, ولار قر كونستيتۋتسياسىنا تۇزەتۋلەر ەنگىزۋگە بايلانىستى جاڭا ساياسي رەفورمالاردى تالقىلايدى.
سول كۇنى ساعات 16:00-دە پرەزيدەنت ساياباعىندا تانىمال جاستار شىعارماشىلىق توپتارىنىڭ قاتىسۋىمەن open-air كونتسەرتى وتەدى. ساحنادا جەرگىلىكتى جانە الماتىلىق مۋزىكالىق ۇجىمدار ونەر كورسەتەدى.
28 تامىزدا قۇرمانعازى ەسكەرتكىشىنىڭ جانىنداعى الاڭدا «كۇي جارمەڭكەسى» وتەدى. سول كۇنى ساعات 20:00-دە ەسىل جاعالاۋىنداعى امفيتەاتر ساحناسىندا «استانا» ەسترادالىق-سيمفونيالىق وركەسترىنىڭ كونتسەرتى ۇيىمداستىرىلادى.
سونىمەن قاتار, 29 تامىز كۇنى ساعات 17:00 – دە ەلوردالىق فيلارمونيا قالانىڭ شىعارماشىلىق ۇجىمدارىنىڭ قاتىسۋىمەن «اتا زاڭىم-ايبارىم» مەرەكەلىك كونتسەرتىنە شاقىرادى.
30 تامىزدا كونستيتۋتسيا كۇنىنە وراي قالادا كاسىپقويلاردىڭ جانە ۆەلوسيپەد سپورتىنىڭ اۋەسقويلارىنىڭ قاتىسۋىمەن جاپپاي ۆەلوجارىس وتەدى. مارشرۋت اينالما ۆەلوجول باسىنان (قوسشى قالاسىنا قاراي جول بويىمەن) «استانا ورمانى» جشس ۆەلوجولىنا دەيىن 20 كم قۇرايدى.
جارىس اياقتالعاننان كەيىن مارەدە تىركەلگەن قاتىسۋشىلار اراسىندا لوتەرەيا جانە باعالى سىيلىقتار ويناتىلادى. سونىمەن قاتار, قالا تۇرعىندارى گىر سپورتى, ارمرەستلينگ, ارقان تارتۋ, اسىق اتۋ سياقتى ۇلتتىق سپورت تۇرلەرىنەن سىنعا تۇسە الادى.
بۇل مەرەكە كۇندەرى وتەتىن جالعىز سپورتتىق ءىس-شارا ەمەس. ەلوردا تۇرعىندارى مەن قوناقتارىن سكانديناۆيالىق ءجۇرىس فەستيۆالىنە شاقىرادى. ول 30 تامىزدا ورتالىق ساياباقتاعى شاڭعى-روللەرلىك تراسسادا وتەدى.
سونىمەن قاتار, ساعات 15:00–دەن 22:00-گە دەيىن «بايتەرەك» مونۋمەنتىنىڭ الدىنداعى الاڭدا تۇرعىندار قازاقستاندىق ەسترادا جۇلدىزدارى ونەر كورسەتەتىن «اتا زاڭىم-بايتەرەگىم» كونتسەرتىنە قاتىسا الادى.
«ەسىل» وزەنى جاعالاۋىنىڭ جاياۋ جۇرگىنشىلەر بولىگىندە جانە Demalys Promenade جاياۋ جۇرگىنشىلەر كوشەسىندە Creative Summer جوباسى ءوز باعدارلاماسىن اشادى. كۇندىزگى باعدارلاما ساعات 14.00-دە باستالادى جانە بالالارعا ارنالعان ويىن-ساۋىق باعدارلامالارىن, فلەشموبتاردى, انيماتورلاردىڭ قويىلىمدارىن قامتيدى.
31 تامىز كۇنى ساعات 13:00-دە ەلوردالىق «سارجايلاۋ» ەتنواۋىلىندا قر كونستيتۋتسيا كۇنىنە جانە بالالار جىلى اياسىندا قالالىق قحا انالار كەڭەسىنىڭ ۇيىمداستىرۋىمەن بالالارعا ارنالعان «SOS بالالار اۋىلى»قايىرىمدىلىق اكتسياسى وتەدى. ءىس-شارا بارىسىندا بالالار ەتنواۋىلعا ساياحات جاسايدى, وندا قازاق حالقىنىڭ باي تاريحىمەن, ونەرىمەن جانە داستۇرلەرىمەن تانىسادى, اتا-بابالارىمىز وركەنيەتىنىڭ ەتنومادەني ورتاسىنا ءۇڭىلىپ, اۋىل تۇرمىسىنا تامسانا الادى.
نۇر-سۇلتاندا كونستيتۋتسيا كۇنىنە وراي تاقىرىپتىق كورمەلەر, بالالار مەن وقۋشىلار ءۇشىن ەلىمىزدىڭ نەگىزگى زاڭىنىڭ تاريحى مەن حالىق ءۇشىن ماڭىزى تۋرالى تانىمدىق ساعاتتار وتكىزىلەدى. وزگە ءىس-شارالاردىڭ ىشىندە حالىقتىڭ, اسىرەسە جاستاردىڭ قۇقىقتىق ساۋاتتىلىعىن ارتتىرۋعا باعىتتالعان قر كونستيتۋتسياسىنىڭ نورمالارى مەن زاڭدارىن بىلۋگە ارنالعان زياتكەرلىك كونكۋرستاردى, سونداي-اق تۇرعىن ءۇي الاپتارىنداعى كونتسەرتتەردى اتاپ وتۋگە بولادى.
جالپى, كونستيتۋتسيا كۇنىن مەرەكەلەۋگە ارنالعان بارلىق ءىس-شارالار قوعامنىڭ تاۋەلسىزدىك قۇندىلىقتارىنىڭ اينالاسىنا شوعىرلانۋىنا, ءاربىر قازاقستاندىقتىڭ جاڭا قازاقستان قۇرۋ يدەياسىنا ازاماتتىق قاتىسۋ سەزىمىن نىعايتۋعا جانە ەلوردا حالقىنىڭ قۇقىقتىق مادەنيەتىن ارتتىرۋعا ىقپال ەتەدى.
