جاڭا وقۋ جىلى جاقىن قالدى

بالا سانى از بولعانى سەبەپتى مەك­تەپتەرى جابىلعان 306 ەلدى مەكەندەردەن 2 785 وقۋشىنى تاسىمالداۋ ۇيىمداستىرىلادى. وبلىستىق ءبىلىم بەرۋ باسقارماسىنىڭ باستىعى ءنازىر جاشىبەكوۆتىڭ ايتۋىنا قاراعاندا, بالالاردى تاسىمالداۋعا ازىرگە 158 اۆتوكولىك دايىن. وسىنىڭ ۇستىنە تاعى دا 29 ميكرواۆتوبۋس ساتىپ الىنباق.

اتا-انالاردى الاڭداتاتىن ءبىر ماسەلە – وقۋشىلاردىڭ مەكتەپ فورماسى. بۇل تۋرالى ن.جاشىبەكوۆ بىلاي دەدى: «مەكتەپ فورماسى جاس جەتكىنشەكتىڭ دۇرىس تاربيە ­الۋىنا ىقپال ەتەتىنىن تاجىريبە كورسەتىپ وتىر. سوندىقتان بۇل تاجىريبەدەن باس تارتپايمىز. ءاربىر مەكتەپتىڭ وزدەرىنىڭ مەكتەپ فورمالارىنىڭ ۇلگىلەرى بار. تەك اسىرا سىلتەپ, ءتۇرلى ەمبلەمالار مەن بەلگىلەر قاداپ الۋ مىندەت ەمەس. مەكتەپ ديرەكتورلارى وسىنى ەسكەرگەندەرى ءجون».

جاڭا وقۋ باعدارلاماسىنا سايكەستەن­دىرىل­گەن وقۋ­لىقتار 30 تامىزعا دەيىن تو­لىق الىنباق. بيىل بارلىق مەكتەپتە ء«وزىن-ءوزى تانۋ» ساباعى الىنىپ تاستال­دى. جاڭا وقۋلىقتار مەن كوركەم ادە­بيەت­­تەر ساتىپ الۋعا 930,7 ملن تەڭگە بولىنگەن.

قازىر بارشا ەلىمىزدە «مەكتەپكە جول» رەسپۋب­ليكالىق اكتسيا ءجۇرىپ جاتىر. ونىڭ باستى ماقساتى – الەۋمەتتىك ءالسىز توپتار بالالارىنىڭ مەكتەپتەن قالىپ قويماۋىن قاداعالاۋ. ءبىزدىڭ وبلىستا 10 مىڭداي وقۋشى ەلىمىزدە جان باسىنا شاققاندا ءار ادامعا بەلگىلەنگەن ەڭ تومەنگى كىرىس دەڭگەيى از وتباسىلاردا تۇرادى. ونىڭ ىشىندە 1 561 اتاۋلى الەۋمەتتىك كومەك الاتىندار بار. بيىل وسىنداي وتباسىلاردىڭ بالالارى ءۇشىن كومەك بەرەتىن جالپىعا مىندەتتى وقۋ قورىنا بيۋدجەتتەن 1 ملرد 267 ملن تەڭگە قاراستىرىلعان. بۇرىن وسى قوردان بالالارعا كيىم, اياق كيىم, وقۋ مەن جازۋ قۇرالدارى ساتىپ اپەرىلەتىن. ال بيىل بۇل ءتارتىپ وزگەرىپ, ءاربىر اتا-انا قاجەتتى دۇنيەلەردى بالالارىنا وزدەرى ساتىپ اپەرسىن دەپ بانكتىك كارتوچكالارعا 37 389 تەڭگەدەن اۋدارىلاتىن بولعان. بىراق مۇنىڭ دا كۇماندى جاعى بار. ەگەر اششى سۋعا اۋەس اتا-انالار بولسا, كومەك ءۇشىن بەرىلگەن اقشانى ىشىمدىككە سالىپ قويۋى دا مۇمكىن. ەگەر بۇل امال ءتيىمدى بولماسا, ەندىگى وقۋ جىلىندا قايتادان ەسكى ادىسكە كوشىرىلەتىن شىعار. بۇگىنگى تاڭعا دەيىن ءبىزدىڭ وبلىستا 1 783 بالا ءۇشىن 16,3 ملن تەڭگە اتا-انالاردىڭ بانك كارتوچكالارىنا اۋدارىلعان.

وبلىستاعى 23 كوللەدجدە 11 مىڭداي ستۋدەنت وقيدى. سونىڭ ىشىندە 3,5 مىڭى – بيىل تۇسكەندەر. كوللەدجدەردە وقىپ جاتقان بارلىق وقۋشىنىڭ 2 مىڭدايى جۇمىسشى ماماندىقتارىن يگەرەتىندەر. ال 1 500 وقۋشى ورتا دەڭگەيدەگى ماماندىقتارعا وقۋدا.

بيىل وبلىستىڭ 26 اۋىلدىق مەكتەبىنە كۇردەلى جوندەۋ جۇمىستارى جۇرگىزىلگەن. كەيبىرى ءالى دە جالعاسۋدا. بۇل ىسكە «اۋىل – ەل بەسىگى» باعدارلاماسىمەن 1,9 ملرد, وبلىستىق بيۋدجەتتەن 484,7 ملن تەڭگە ءبولىندى. جاسالىپ جاتقان جوندەۋلەردىڭ نەگىزگى بولىگى توبەنى جاماۋ, تەرەزە جاق­تاۋ­لارىن اۋىستىرۋ, جىلۋ جانە ەلەكتر جۇيەلەرىن جوندەۋ بولىپ وتىر. با­رلىق جوندەۋ جۇمىستارى وقۋ جىلى باستال­عانشا اياقتالادى دەپ كۇتىلۋدە.

سولتۇستىك قازاقستان وبلىسى