ەلىمىز بويىنشا 9 مامىر مەرەكەسى جوعارى دەڭگەيدە اتالىپ ءوتتى

استانا. 12 مامىر. قازاقستان حالقى 9 مامىر – جەڭىس كۇنىن اتاپ وتۋدە اۋىزبىرشىلىكتىڭ جارقىن ۇلگىسىن كورسەتە ءبىلدى. بۇل تۋرالى egemen.kz ءتىلشىسى حابارلادى. جەڭىستىڭ 69 جىلدىعىن تويلاۋ قارساڭىندا ەلىمىزدىڭ بارلىق ايماقتارىندا سوعىس جانە تىل ەڭبەككەرلەرىنە ايىرىقشا ءىلتيپات كورسەتىلدى. ولاردىڭ قۇرمەتىنە ارنالعان كوپتەگەن مادەني ءىس-شارالار ۇيىمداستىرىلدى. وسى مەرەكە بارىسىندا قارت مايدانگەرلەرگە پاتەر كىلتتەرى جانە باسقا دا باعالى بۇيىمدار, اقشالاي سىيلىقتار تاپسىرىلعانىن دا ايتا كەتەيىك. مەملەكەت باسشىسى قازاقستان حالقى اسسامبلەياسىنىڭ XXI سەسسياسىندا سويلەگەن سوزىندە: «ءبىزدىڭ حالقىمىزدىڭ جانە بۇكىل تمد حالىقتارىنىڭ ۇلى وتان سوعىسىندا سۇرقيا سيپاتتى وبانى جەڭىپ شىعۋ ءۇشىن قانداي ۇلى قۇرباندىقتارعا بارعانىن اركەز ەستە ساقتاۋعا ءتيىسپىز. ول اركەزدە دە وتباسىندا, مەكتەپ پەن جوعارعى وقۋ ورىندارىندا, ەڭبەك ۇجىمدارىندا ءاربىر جاڭا بۋىندى تىنىمسىز تاربيەلەۋدىڭ تاقىرىبى بولۋى كەرەك. ءفاشيزمدى تالقانداعان جەڭىستىڭ ەشقاشان سانادان وشپەۋىنىڭ ماڭىزى زور! سوندىقتان 9 مامىر – بارشا ءۇشىن دە ماڭىزدى كۇن», – دەگەن بولاتىن. پرەزيدەنت نۇرسۇلتان نازارباەۆتىڭ وسى ءسوزىن باسشىلىققا العان قازاقستاندىقتار جەڭىس كۇنىنە بارىنشا ماڭىز بەردى. اسىرەسە, قازاقستان حالقىنىڭ اسسامبلەياسى مەن ەتنومادەني ورتالىقتار ايتۋلى كۇندە مەيىلىنشە بەلسەندىلىك كورسەتتى. جولدىباي بازار. دەرەككوز: egemen.kz. فوتو: i-news.kz.